رد مع اقتباسالله يكون بعونك
ومشكور على النصيحة
بسم الله
السلام عليكم و رحمة الله
صبحهم الله بالخير
شلونكم وش احوالكم
الحقيقه ما ادري من وين ابدا معاناتي الصراحه
اخوكم معه أكورد 2008
قبل ثلاثة اسابيع تقريبا بدأت اسمع صوت حنة الأكورد متغير علي
ماهي هذي حنة الهنادي اللي أعرفها
كل من ركب معي قال وش هالحنة الغريبه
المهم مالكم بالطويله
أنا موتري الى هاللحظه ماشي 100200 تقريبا
المهم وديته امس للوكاله عشان اسوي له صيانة ال100 ألف
مع اني ماني حريص على الصيانة الدوريه تبع الوكاله
وفيه واحد من الشباب يشتغل في الوكاله اللي في خريص
مع فريق الصيانه
المهم اني دقيت عليه قبل ما اروح الوكاله و شرحت له مشكلتي
قالي طرمبة الدرسكون عندك فيها مشكله
وانا كنت موديها لورشه متخصصه بالهوندا
و قالي نفس الكلام
المهم اني امس وديت السياره للوكاله الصبح الساعه 7
و رحت الدوام
دق علي خويي اللي في الصيانه الساعه 2 الظهر وانا طالع من الدوام
و رايح للوكاله
المهم قالي اني حاولت اصلح لك الطرمبة بس ماقدرت لانها معدومه عندك مررة
قلت طيب بكم سعرها
قال بـ 2800 بس بجيب لك خصم عليها لا تشيل هم
قلت اوكي غيرها
المهم اني وصلت الوكاله و قابلت خويي
و قالي تدري ان عندنا اكوردات 2009 و 2010 و نغير لها الطرمبة مثلك !!!
قلت طيب ليش ؟؟
هل هو عيب مصنعي ؟؟
قال لا ، يقول انك انت و غيرك اللي تخرب عليكم طرمبة الدركسون
لانكم اذا رحتو تغيرون زيت المكينه عند اي زيدي
يقوم و يعبي لك علبة الدركسون من الزيت الأحمر ابو خمسة ريال
و هذا أكبر غلط وهذا هو اللي يدمر عليك الطرمبة
و المفروض انكم تعبون علبة الدركسون زيت هوندا فقط
والله العظيم يا شباب ان الرجال بعد ما فك الطرمبة في الوكاله
عطاني اياها و قالي اقلبها و شفها من تحت
يوم قلبتها و اشوفها من تحت وربي كلها زيييييييييييت
قالي بالله هذي طرمبة سيارة موديلها 2008 ؟؟
والله ان هالزيدي لاعب عليك
قلت يابن الحلال وش دراني عنه
قالي والله اني حاولت اصلحها لك بس ماقدرت لانها مرة رايحه فيها
المهم اني غيرتها امس بمبلغ و قدره 2800 ريال !!
هذا غير سعر صيانة ال100000 !!
وازيدكم من الشعر بيت
زيت القير قد غيرته يوم مشيت 50 ألف عند احد الزيود طبعا
والله ان الرجال وراني اياه وهو فاك السره حقت القير
يقولي شف هذا زيت و الا مويه
زبدة الكلام يا جماعة الخير
ان خويي اللي يشتغل بالوكاله يقولي
اذا بغيت تحافظ على موترك و ماتبيه يندمر عليك
1- لا تغير زيت القير الا زيت هوندا فقط
2- اذا شفت علبة الدركسون ناقصه زيت لاتعبيها الا زيت هوندا فقط
لان الزيت الاحمر راح يعدم لك الطرمبة مثلي
وزيت القير تبع الهوندا تحصلونه في محلات قطع غيار هوندا
علبته بيضاء عليها شعار هوندا
سعره من 35-40 ريال
3- فلتر الهواء لا تركب الا اصلي فقط لان التجاري يسبب لك كتمه في الموتر
4- زيت المكينه مافيه مشكله غير اي زيت
ع العموم ادري اني طولت عليكم بالهذره لكن والله ماقلت لكم هالكلام
الا عشان مابي احد يمر بالمعاناة اللي مريت فيها
لاني دفعت لهم امس على الطرمبة و صيانة ال100000
مبلغ 4118 ريال ، بعد الخصم طبعا
و في نهاية موضوعي أتمنى من الله ان يحمينا
و يحمي سياراتنا من كل سوء
و في أمان الله
الله يكون بعونك
ومشكور على النصيحة
ترا موب كل يمني زيدي !!!
^^^^^^^
صدقت بس اكثرهم حراميه وده ياخذ الهلالات الي بجيبك..
والله نفس الحالة عندي والين الحين صوت الحنة مقلقني
زين انك اختصر المسألة لي
لان الورش كل واحد يفتي من عندهـ
اليوم بروح اشوف لي طرمبة وارتاح من هالصوت
كل اللي قاله خويك بخصوص منتجات هوندا صحيح 100% ومعروف استخدام اي منتجات ثانية تعدم الدنيا عليك ، الله يعوضك عن خسارتك وان شاء الله موترك يمشيك سنين ويريحك وتستانس فيه
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
الله يعوظك خير اخوى بس غريبه اشلون زيت الباور مش احمر انا عندى زيت الباور احمر من يوم طلعت السياره من الوكاله سنتها وكمان قد سئلت احد المهندسين وقال صحيح من 2008 وفوق يكون احمر
تقبلو تحياتى
الله يكون في عونك أخووي
يعطيك العافيه اخوي على النصيحه.
حقيقة أن موضوعك هذا سر من اسرار سيارات هوندا
ولا تعتقد فقط ان السيارة يجب ان تكون من موديلات 2008 واعلى
لا
فكل سيارات هوندا يجب أن لا تستخدم الا زيوت هوندا فهي الافضل لها لا محالة
ولقد كنت امتلك هوندا اكورد موديل 2000 ووكدت اقع في نفس مصيبتك لكن ربي ستر علي وفرغت زيت الدركسون العادي وعبيت بدلاً عنه زيت دركسون هوندا ولله الحمد كلو تمام
لذا تنبهوا يا شباب
لا تشتروا الا زيوت هوندا فقط وخاصة زيت الدركسون وزيت القير
نصيحة لا تعبوا اي زيت اخر
ترى هذي هوندا , ماهي تويوتا ولا نيسان تعبيها أي زيت وتمشي
انا سيارتي طلع فيها صوت في الدركسون ورحت وعبيت الزيت من ابو 5 ريال مالي الا 4 ايام
السؤال اللحين هل اقدر افضي العلبة واعود اعبيها من زيت هوندا <<ولا راحت على :(
الله يعطيك العافيه اخووي على الموضوع و النصايح الجميله
شباب ابغاء استفسر كيف اعرف زيت الدركسون ناقص واذا كان ناقص اعبيه ولا اغيره كامل ومتى اغير زيت الدركسون؟
ياااااااااااالبى قلبك ومشكوووور على النصيحه وان شاء الله انك بتاخذ اجرنا كلنا ربي يجزاك كل خير ...
ياخي والله انك رهيب ربي يحفظك ويعوضك عن اللي خسرته
الله يكون في عونك اخي العزيز
بحكم خبرتي في السنه والنص في محل قطع غيار سيارات هوندا
طرمبة دركسون الاكورد 2008 وما فوق ماعليها طلب نهائيا الا من الشريطية اللي يشترون السيارات المصدمة (تكون مكسوة او فيها طعج)
بس مثل ماقال كاتب الموضوع ونصيحة لا تعبو اي زيت غير زيت هوندا سواء كان للقير او للعبة زيت دركسون
مثل ماقال الزيوت الاخرى تخرب الطرمبة وتعدمها نهائيا
0
0
0
0
0
فائدة
0
0
0
0
لكي تحافظ على طرمبة الدركسون لا تلف الدركسون على اخر شي وانت تديور او تلبق السيارة
لانه يكون ضغط غير طبيعي على الطرمبة وعلى اللي الطويل راكب في الطرمبة
تحياتي
يعطيك العافية اخوي على النصيحة وبيض الله وجهك
انا كمان ودي اعرف الطريقة اللي اقدر افرغ الزيت القديم وابدله بزيت هوندا الاصلي
اللي عنده خبره لا يبخل علينا
المشاركة الأصلية كتبت بواسطة باحطاب
هلا بك ياخوي
بالنسبه لسؤالك
اذا فتحت الكبوت تلقى على يدك اليسار علبة لونها اخضر
افتح الغطا و اذا كان ناقص عبه الى قبل الغطا بشوي
زيت الدركسون ما يتيغر بس ينقص و اذا نقص عبه
و حط في بالك لا تعبيه الا زيت هوندا فقط ..
و تحصله في محلات قطع غيار هوندا
لون علبته بيضاء و عليها علامة هوندا
سعره من 35-40 ريال
و بالتوفيق ..
بالنسبه لسؤالك وانا اخوك
انا مثلك فرغت الزيت القديم كله و عبيت زيت هوندا
واللي فرغه لي خويي بالوكاله
فك العلبه و فرغها
بس بتسألني شلون فكها بقولك مدري :d
وربــي قبــل اسبوع دافع 3096 ريال..
ع الطرمبه حقت الدركسون
الوالد الله يهديه يوم سافر ع الموتر معبي امها زيت احمر وعدم ام ام الطرمبه ..
والحمدلله غيرتها في الوكاله والحمدلله صوت الحنه رااااااح....!
لا حول ولا قوة الا بالله
يله الله يعوضك و يعوضنا وانا اخوك
بعدين لاتنسى ان هالفلوس اللي تدفعها
على موترك مو موتر احد غيرك
ضوابط المشاركة
مواقع النشر (المفضلة)