سؤالين خفيفين

[أبوخالد الحربي]

السلام عليكم ورحمت الله وبركته


اخبااااركم يا اعضاء المنتدى


ما ابي اطول عليكم بس حبيت اسئلكم عن الاكورد 2010


شباااب انا معي اكورد 2010 وقربت ال 5 الاف كيلو وابي اغير الزيوت من بره الوكاله وش نوع الزيت الي استخدمه ؟


وكمان انا لمن اخذت السياره لمن الحين وانا اعبي 95 فيي ناس قالولي بما ان السيارات 4 و 6 سلندر الافضل تعبي 91 لانو 95 فيها رصاص اكثر وراح بعدين ياثر على السياره ؟؟ شبااب اكمل على 95 ولا افضي التانكي واعبي 91 وامشي عليه


واسف على الاطاله

[فلم جامد]

بالنسبة للزيت أنصحك بزيت ألترا7

والبنزين خليك على 95 شي مايختلف عليه اثنين

[الفدرالي]

روح للبنشري وقله زيت هوندا
والبنزين 91 فيه رصاص اما 95 صافي:d

مدامك على 95 واصل عليه لانه احسن للعزم ولكل
شي

[أبوخالد الحربي]

بالنسبة للزيت أنصحك بزيت ألترا7

والبنزين خليك على 95 شي مايختلف عليه اثنين

مشكووووووور خيووو

طيب انا عندي في المستودع زيوت سوبر شل ينفع

[أبوخالد الحربي]

روح للبنشري وقله زيت هوندا
والبنزين 91 فيه رصاص اما 95 صافي:d

مدامك على 95 واصل عليه لانه احسن للعزم ولكل
شي

امااا 91 الي فيله رصاص و 95 صافي :o

نااس تحب تفتي بس اقول الله يعين :(

[كرهتك يااكورد]

وعليكم السلام

شف بحكم تجربتي وتران راعي خطوط بشكل ماتتصور يعني سيارتي موديل 2008 ماشاء الله تبارك الله ماشي 125 الف كيلو

ماقد اشتكت الا من الكليبر الخلفي

اول شي انا اغير زيت كاسترول الخفيف وخذه اصلي اللي تجيك علامة الفيفا باخر العلبه على يسار

ثاني شي كل 5000 غير الزيت ولا تغير عند اي بنشري اعتمد على بنشري واحد ويفضل حقين الخدمه السريعه الفلبينيين يشتغلون بذمه

ثالث شي زيت الفرامل لا تحط الا زيت فرامل علبه حديد مكتوب عليه صنع بالولايات الامريكيه المتحده

وتوكل على الله

لا تغير لا بواجي ولا سيور الا اذا اشتكت عشانها وكاله وكاله ولا يهمك الوكاله النصابين شفني طلعتها وكاله وقسم بالله ماطبيت الوكاله الا مره وحده عشان في صوت تحت باب السواق

نصيحتي خذ فيها ولا احد يهمك الاشياء المستهلكه لا تغيرها الا لين تشتكي عشانها وكاله اما بتحط بواجي وسيور كل شوي ماتدري قطع غيار الوكاله اصلي والا لا

انا اغير الزيت كل 5000 مع سيفون وحبذا تاخذ السيفون من الوكاله لانه ارخص من المحلات والبناشر انا اخذ السيفون وكاله بـ 17 ريال والمحلات الثانيه والبناشر يبيعونه عليك بـ من 23 الى 25

وسامحني على كثر القرقرهـ

[Accord F15]

اخوي الزيت عبي اللي يريحك وما منه مضره كلها شركات عالميه سواء سوبر شل ولا كاسترول ولا الترا سفن اهم شيء العيار 10 على ثلاثين تمشيك خمسه الاف كيلو والبنزين خلك على ما انت عليه لا تغير لبنزين الطفارى:d