وكالة هوندا

**سـبـشـل 1 2 2 1** · 28-10-2010, 03:24 PM

مرحبـــــــــــــــــــــــــــــــــاً
كيفك شباب ان شاء الله بخير

حبيت استفسر عن وكالة هوندا غير الي ع طريق خريص
الفرع الثاني وين مكانه وهل عندهم زحمه كثييير او لا يعني نفس الي ع خريص ولا احسن,,وبالنسبه لصيانة 15000 اي راح يسون غير تغير الزيت والسيفون؟

يعطيكم العافيه,, مقدماً

**abdelslam** · 28-10-2010, 04:07 PM

يفيدونك الشباب بخصوص الفرع الثاني

لكن الي اعرفة ان الصيانات الي فيها رقم 5 يعني مثل 5000 و 15000 و 25000 إلى اخره

مافيها سوى تغيير زيت المكينة والفلتر فقط و موفق ان شاء الله ..

**ابو مهند** · 28-10-2010, 05:05 PM

الفرع الثاني طريق الخرج باتجاه الشمال في حي اسمه الخالدية تحت الكبري اللي يوديك على الصناعية القديمة وانت متجه شمال بالضبط تحت الكبري . الزحمة مااقدر افيدك لاني مبطي ماجيتهم لاكن اتوقع انه اقل زحمة بحكم ان فرع خريص معروف اكثر .

**shnaidr-2008** · 28-10-2010, 05:20 PM

بخصوص الفرع الثاني الي في الخالديه أنا توني مطلع موتري من صيانة ال100 ألف من هاذا الفرع وانا دقيت على فرع خريص لازم حجز موعد اما هاذا الفرع مايحتاج تحجز موعد ولا عندهم زحمه وانا عندي ان هاذا الفرع افضل من فرع خريص بألف مره من نواحي كثييره وان شاء الله بنزل موضوع فيه تقرير صيانة 100 ألف وعن مزايا الفرع الثاني

**حميد** · 28-10-2010, 05:49 PM

انا قد سويت صيانه وشغلات خفيفه بفرع الخالديه هو صحيح كانك داخل دواعيس السمكره بداعوس والمكيانيكا مدرى وين ولاكن انا اتكلم عن ناس رايقه وفايقه وكفاءه وعمال من احس مايكون اصلا ماتعرف الصيانه الى من شغلتين السيارات + الون الاحمر اما شي ثانى تقول كانك داخل ورشه عاديه جدا , والله انا يوم دخلتها عندهم كان فيه مخوش بسيطه بالبدى الى واحصل ذاك الباكستانى وشغال تلقيط يبو الشباب وش تسوي قالى دقيقه وخلص وقال سويت كيت وكيت وكيت طيب قال خلاص طيب انا ماطلبتك قالى هاذى خدمه ونبي الزبون مبسوط قلت الله يبسطك دنيا واخره والله انك كفو
تقبلو مرورى