scolar control تضليل ..قلب عندي رغم ضمان السبع سنوات .
السلام عليكم ورحمه الله وبركاته
كيفكم شباب ..مالكم بالطويله أحد يعرف هالشركه بتاع التضليل
مكانها في الرياض على خط خريص ..scolar control...
ضللت عندهم شهر 2 العام ذا يعني قبل 10 شهور تقريبا
تخيلوا عليه ضمان 7سنوات يقول والله قلب ياشباب ولاكأني حاط شي
هذه صوره للزجاج وعليه الشركه .
من الوكاله حولوني عليه وودفعت 900 ريال عندهم والباقي في المحل
طلع كل الشغل بـ 2100 ريال الفلوس تجي وتروح بس يجي شغل حلو
لكن والله العظيم قهرني صح أنقلب 180درجه كأن الزجاج مافيه تضليل
رحت للشركه قال تعال نغيره لك وقال غريب يقلب الله هذه شركه عالميه
هذه صوره للضمان .
وهذه صوره للسعر ..
والله لنشب في حلوقهم قال ضمان 7سنوات كل ماقلب وأنا عندهم أوريك فيهم
مايعرفوني :d
أحد قيد ركب تضليل عندهم وكيف هو معه .
وعليكم السلام ورحمه الله وبركاته
أول مرة أسمع با الشركة هذي وشكلها شغل مش حالك بس دامك دفعت مبلغ وقدرة ومعطيك ضمان 7 سنوات ما لك إلا تنشب لهم ويغيرونها لك على حسابهم وحتى لو تغيرت مرة ومرتين إرجع لهم وإذا رفضو قل لهم ما راح أتنازل إلا لما ترجعون لي مبلغ التضليل كامل أو يستبدل بتضليل جديد ولا ترخي معهم حتى ما يروح حقك .
المشاركة الأصلية كتبت بواسطة ن ع ر السعودية 0005
الله يوفقك وشكرا على مرورك أولا
الله يعين المشكله الشركه حولوني لهم وقالوا هذه شركه متميزه جدا وعالميه رغم أني اكره (الحالمي :d)
قلت ياولد توكل على الله بس
صدقني راح أنشب في حلوقهم لويشربون بيبسي ماينبلع
ماأقول غيرحسبي الله ونعم الوكيل
المشكله شفت المحل مليان الكل يضلل هناكـ
اللي يعرف مطعم الشرفه بالرياض المحل في الجهه الثانيه مقابل للشرفه تقريبا .
:(
يعني محد يعرف هالشركه غيري
عزالله رحت فيها
ههههههههههههههههههههههههههههههههه
انا اعرفه يا الغالي
المحل طريق خريص من تحت مقابل هونداي الوعلان ومطعم الشرفة
والي ماسكـ ها المحل سوري
ولهم فرع ثاني بالعليا شارع الملك سعود مخرج 9 عند الحمراني وتويوتا ولكزس
اتمنى اني افدتكـ
كنت رايح مشوار قبل شوي على طريق خريص وشفت محلهم واستغربت اول مره اسمع عنهم بس مالك الا تنشب لهم كل ماقلب او تطلب منهم عالاقل نص المبلغ وتروح لزيبارت يمدحونه بس ماجربته بالتوفيق . هذا انا ساعدتك مع انك ( هلامي)
عارف يالحبيب ودي أعرف هل فيه أحد جربه يعني وحصل معه زيي
تعامل السوري جيد ولكن الشغل لك عليه ماتوقعته كذا أبد خاصه وأن السعر مبالغ فيه كثيرا .
كنت رايح مشوار قبل شوي على طريق خريص وشفت محلهم واستغربت اول مره اسمع عنهم بس مالك الا تنشب لهم كل ماقلب او تطلب منهم عالاقل نص المبلغ وتروح لزيبارت يمدحونه بس ماجربته بالتوفيق . هذا انا ساعدتك مع انك ( هلامييقول أنت الزعيم ولاتبالي.:p
ياخوي حسبي الله على اللي نكبني فيهم وألاماكنت عارفهم ولافكرت فيهم لكن ربك يكتب اللي فيه الخير
بعون الله رايح لهم الاسبوع الجاي
المشكله يقولي هذه شركه أمريكيه معروفه جدا ولها أعمال تظليل للعمائروالبيوت واشياء غيرالسيارات
مشكور وتراها كوره ماتستاهل لازم تساعدني وأساعدكـ :d
ياأخوي والله السعر مبالغ فيه كثير:(
بس لاتتركهم خلك وراهم ولاتسكت عن حقك مهما صار
وتقبل تحياتي
بصور الضمان قبل مايأخذوه مني لما أروح عندهم أخاف ياخذونه :p
وألايقطعونه :d
بإذن الله بروح عسى الله يوفقنا ونأخذحقنا .منهم هالنصابين .
مافيه أحد راح ركب هناك غيري رغم ان خدمه العملاء بشركه هوندا قالوا لي روح عندهم
قبل 10 أشهر فقط ...
هوندا اللي بخريص هم اللي حولوني هناك عساهم الحول :d
قبل ماتروح لهم اسئل عند زيبارت ودرايف وليومار شركات معروفة اسئلهم عن الاسعار اذا كانت مناسبة رح لسكولار وقلهم ابي تردون لي نص المبلغ حاول معهم اذا رفضو الله يعينك كل ماتغيرت تروح تغيرها عندهم عالضمان .
زي ماقلت كوره بس مجرد مزحة رياضية .;)
تصدق حتى انا اكره المحلي دايم مو قادر يطلع بعيد حده الدائري ويرجع لبيته
بصراحه انا استغرب اللي يسمع كلام الوكالات اول ما يشتري السياره يظلل عن طريقهم وبالنهايه هم المستفيدين ياخذون منك مبلغ ومركز التضليل يأخذ حقه انا النسبه لي انا طلعتها من الوكاله ونشب بحلقي موظف يقنعني اني اضلل عن طريقهم ومن جد كسر خاطري وقدرت اكنسله وطلعت واسبوع وادور ع جميع المراكز بالرياض وحصلت مركز لامار بصراحه سعر جيد وشغل نظيف ظللت جميع السياره +حمايه للواجهه و المرايه والتنده واطارف الابواب بسعر 2050
ريحونا من العالمي والزعيم ترا ما اصدق خبر واطير بالعجه
اول مرة مرة اسمع بهالشركة شكلك طحت وياهم مع التضليل
الله يعين عليهم بإذن الله بروح لهم وأحاول أني أخذلونصف المبلغ
وألاشكلي بقدم شكوى لوزاره التجاره وش رايكم ؟
تصدق حتى انا اكره المحلي دايم مو قادر يطلع بعيد حده الدائري ويرجع لبيتهالمحلي على حسابكم ياأخذ البطولات والصولات والجولات
ويحقق النتائج القياسيه
على العموم أهم شي التضليل
ماراح أحد يرد فلوسي :d
ياليت يكون الشغل ممتاز ماعليك لكن لما تكون ضحكه على الدقون
هنا المصيبه فالشركه وهوندا كلهم متعاونين على المشتري المسكين .
لامار بسأل عنه أشوف كيف يارب يردون لي لونصف المبلغ
حسبي الله عليهم ..
اما الزعيم فهو في كل حالاته ممتع :d
اللي يشوف اللي بهوندا وقالي روح عندهم يقول وش هالشركه
وألا السوري النصاب اللي فيها
كلام عجيب
يستغرب بأن التضليل قلب مدري يستهبل وألا يتكلم جد
الله يعين بس عليهم
قبل شوي متصل على السوري يقول أنت ضمانك مو 7 سنوات
ضمانك 10 سنوات لأنك من هوندا ههههههههههه :d
يقول تعال ونغيره لك على الضمان .
^^
مبروك
اجل انا ثاني واحد يظلل من عندهم ولا بعد قايلي ضمانك مدى الحياه ^^
بس ماقد واجهتني هالمشكله
الله يبارك فيك :d
كم لك مضلل
الساعه ثمانيه متصل عليهم يقول ضمانك 10 سنوات وقبلها يقولي 7سنوات
على العموم بطلع لهم الخميس أو الجمعه وبغير التضليل يقول غريب يقلب التضليل معاك
قلت هالكلام ماينفع كل 6شهور تبيني اجيكم اغير ماني فاضي قال تعال ومالك إلا اللي يرضيك .
كم لك مضلل وكيف تحس يعزل الحراره
اذا كنت من سكان الرياض ياليت تراجعهم وتشوف لوقلب التضليل يحق لك تأخذ فلوسك
لويعطوني مايشوفون صطبي بعدها نصابين
:d
والله تقريباً 8 او 7 شهور الحمدالله مافيه اي تغير الا الان الله يستر بس
بس ما دام معك الضمان ماعنده اي عذر
بشرنا وش يصير معك موفق ان شاء الله
ضوابط المشاركة
رد مع اقتباس
مواقع النشر (المفضلة)