افضل ورشة هوندا في مكة الفزعة يالربع ؟

**ابو محمد 4** · 31-10-2010, 05:22 PM

السلام عليكم ,,
ياشباب عندي صوت اسفل من قدام مزعج جدا قرقعة وطقطة على طرق مستوية وغير مستوية بالرغم اني مغير المساعدات وجلد المقصات ووديتها الوكالة وقالوا مافيه شي
هل ممكن تكون الفحمات ولا ايش ؟ وسؤالي اين الورشة المناسبة في مكة لان الوكالة ماعندهم سالفة .

**m3sssl** · 31-10-2010, 06:43 PM

شوف يا ابن الحلال .. انا عندي 2005 اتوماتيك

وديتها عند واحد هندي .. الصلاتي على النبي الصلاتي على النبي يوم واحد جلست عنده ظبطلي هيا مظبوط من تحت .. رجعلي السياره بسم الله ماشاء الله .. ودخلتها امس الوكاله ( اطمئنان زايد ) قالوا ماشاء الله ماشاء الله مافيها شي .. بس تنظيف بخاخات << لاحظ شي واحد ماشالله

تحب اديك المكان ؟؟ هو ميكانيكي وكهربائي وبتاع كلو .. والادمي دا ابوه الله يرحمه كان صاحب ابو رحيمي .. المهم الهرجه انو رحتلو مع رحيمي وراعاني مظبوووووط وسوالي ترصيص ووزن من عنده واي شي والله انه انسان امين امين امين فوق ماتتخيل..
فلو تبا قلي يسير اوصيه عليك واقلك عليه

**ابو محمد 4** · 31-10-2010, 08:31 PM

تكفى وانا اخوك دلني عليه ضروري الله يجزاك خير ...

**لو بكيت** · 01-11-2010, 12:06 AM

المشاركة الأصلية كتبت بواسطة m3sssl

شوف يا ابن الحلال .. انا عندي 2005 اتوماتيك

وديتها عند واحد هندي .. الصلاتي على النبي الصلاتي على النبي يوم واحد جلست عنده ظبطلي هيا مظبوط من تحت .. رجعلي السياره بسم الله ماشاء الله .. ودخلتها امس الوكاله ( اطمئنان زايد ) قالوا ماشاء الله ماشاء الله مافيها شي .. بس تنظيف بخاخات << لاحظ شي واحد ماشالله

تحب اديك المكان ؟؟ هو ميكانيكي وكهربائي وبتاع كلو .. والادمي دا ابوه الله يرحمه كان صاحب ابو رحيمي .. المهم الهرجه انو رحتلو مع رحيمي وراعاني مظبوووووط وسوالي ترصيص ووزن من عنده واي شي والله انه انسان امين امين امين فوق ماتتخيل..

فلو تبا قلي يسير اوصيه عليك واقلك عليه

تعـرف واحـد اسمـه / أسـعـد عمـر قـلـي ؟ ؟

**m3sssl** · 01-11-2010, 03:16 PM

لو بكيت .. ايوا قريبي من قريب << احب استهبل مع اللي يستهبل

سيدي ابو محمد .. شوف ياقمر انتا تروح مع الأنفاق اللي تنزلك على اشارة البيبان اللي هيا ( يمين تدخل على جهة ابو لهب .. يسار جرول .. على طول البيبان ) طول بعد ماتنزل من اشارة الانفاق حتلاقي محطه على يدك اليسار عديها واللي بعدها على طول هيا دي المطلوبه .. حتلاقي فيها صراف الرياض (بالأممارية ) وتلاقي المحل جنبها على ورا ( لوحة التلميع الساطع لانه المحل جديد ولسه ما غيرو اللوحه ) .. اسم الادمي ( اعظم ) .. رحله قلو جيك من طرف محمد اخو يامن ناصري .. اللي معاه هوندا بيضا 2005 .. وهو بيفتكرني .. وازا اشكل عليك شي .. قلي يسير نتواصل عن طريق الجوال .. ومره وحده اديك رقمه

تحياتي ..