اذا انت راعي تنظيف وتلميع تعال .. " تحذيـــر"
السلام عليكم ورحمة الله وبركاته
ياشباب فيه ثلاث اشياء ودي احذركم منها .. وبعضكم مايدري عن مضارها ..
الشيء الاول .. اكبر خطاً تسويه اذا غسلت السياره وهي حاره .. الهوبات بمجرد مايوصلها مويه
تووودع واسمع الاصوات والسمفونيات بعدين ...
الافضل انك اول ماتحمي السياره"توك صاحي" .. تروح تغسلها على طول .. تكون وقتها الهوبات بارده .. او على الاقل اتركها تبرد شوي
الشيء الثاني فيه انواع من خلطات تلميع الكفرات "حقت محلات الزينه" تضر الهوبات .. السبب يكون فيها سكر ويدخل داخل الكفر ويسبب لك مشاكل ... وحصلت مع واحد من اصحابي واضطر يخرطها
" * واذا بغيت تلمع اترك السياره لمدة 10 دقايق الى ان ينشف الكفر عشان مايروح الملمع على البودي"
الشيء الثالث ... الطبلوون .. حذاري من تلميع الطبلون بالمغسله .. والاكتفاء فقط تمسيح الطبلون بالمويه ولايستخدم قماش التلميع ..(لآن الملمعات الرخيصه تضر الطبلون اذا وصلت له الشمس) اشتري انت قماش خاص لبودي السياره قيمته ماتتعدى 10 ريال .. وحطه بالشنطه..واذا بغيت تنظف الطبلون خلي العامل يستخدمه .
اتمنى المعلومات وصلت لكم وافادتكم ..
تحياتي لكم
رد مع اقتباس
مواقع النشر (المفضلة)