الموضوع: يا عيال أنا بأنفجر ببيع السياره وتوني شاريها

أتوقع هالأصوات طبيعية في جميع سيارات هوندا والصوت في الكفرات تسمعه :(

عادي يا اخوي والله نفس مشكلتي .. بس صوت راح من نفسه ولا راح يفيدونك الوكاله

انت اصبر ع السيارة الين صيانه 5000
وبعدين قرر

بخصوص الاولى فهي ليست مشكله الشغله طبيعيه جدا حتى انا سيم سيم وسيارتي ماشيه 3000 الان
اما الثانيه مدري هل هي مشكله او لا لأني انا بعد لما امشي على السياره بدون ما اظغط البنص اسمع طقه كل 5 ثواني تقريبا ولا ادري هل هي مشكله او لا
ارجو الافاده

الله عظيم نفس طريقتي كرهت السيارة اول ماشريته
والله انه عين من واحد
تري العين حق اسالني في سيارتي

واللحين ماشيه سيارتي 80000الف كم وانا ماقدر اطيقها
حتي قبل امس جاي على حادث والحمد سلامت بس تصدق اني قاعد اضحك بعد الحادث كان معي واحد من خوي يقول شكلك مجنون
اعلمك ليش فرحين علشان صدام يمين اله هذا اللي صار
فيقول خوي والله انه عين في سيارتك
بس الحمد الله مامن عليه تامين شامل كلفت 30 الف ريال

يا رجال الاكورد من افضل ما سقت ترا كرفتها كرف والحمد لله زي العسل واذا عندك شي عالضمان يا حبيب قلبي العن ابو خيرهم ويسوونها لك

نفس المشاكل عندي ياخوي لاتستغرب هذي من عيوب الاكورد

<<<المكيف ماهو عملي يعني يطفأ مع المطبات والجنوط ما هي مريحه>>>
ماادري من وين جاي هالكلام ماقد سمعت المكيف يطفأ مع المطبات وايضا كيف الجنوط غير مريحة؟؟

: صوت لما ألف الطاره وأنا واقف
كيف الصوت ممكن انه طبيعي وعااادي جدا كل السيارات اذا لفيت الطاره تطلع صوت

2: وهو المهم صوت طقطقه لما أمسك فرامل ونفس هاذا الصوت يطلع لما أمشي على طريق متعرج أو ترابي
طقطقة وين>>كانها في البيبان في طريقة وهي الشحم تحطه في المفاصل حقت البيبان سهلة جدا وان كانت في الشنطة ايضا فيه طريقة اما اذا كانت ديكور فهي في جميع السيارات حاليا لأنهم تكلفوا في الديكور الداخلي عكس السيارات القديمة

<<<<قمت أكرهها بعد هالأصوات لأني كنت أفكر أنها تتحمل>>>>
الحين تقرر ان السيارة تتحمل ولا ماتتحمل عشان صوت يطلع من ديكور مثلا او من باب؟؟
معروف ان الاكورد تصبر وتتحمل

يا عزيزي نصيحه لك ولي دااااااااااايم اذا عزمت ونويت تشتري سياره سوا جديده او مستخدمه وما تعرف عنها شي محل
اطلع لاقرب محل تاجير سيارات وخذ نفس السياره وبشرط ماشيه قليل واكرف فيها يوم يومين وبعدها قرر

ومن وجهت نظري كل الجديد خياس بخياس سوا هوندا او عبداللطيف او الجميح....الخ راحت سيارات اول وقوتها وكرفها واكبر دليل شوف الاكورد القديمه والكامري

وربي سيارتي كانت سليمة 100 % و اول ما وديتها صيانة الأربعين قالي الاقمشة منتهية مع العلم انها اقمشة بلدها و لا عمري غيرتها و ربي كنت لا اسمع صوتها و لا شي الا لمن تكون باردة مع الصباح بس بعد الغسيل
المهم وديتها صيانة الاربعين
وقاموا قالوا لي لازم تغير الاقمشة المهم غيرتها عندهم و بعدها بدت عندي نفس المشكلة الثانية اللي عندك رحت عندهم قالو مافيها شي سليمة 100% قلت له جرب قالي الحين انا مشغول تعال بكرة و سحبت عليهم المهم رحت قبل كم اسبوع غسلت السيارة بستم و اختفى الصوت نهائياً امس رجع مرة ثانية
شي عجيب ككككك

إسمع روح الوكالة وخليهم يركبوا معك ويشوفوا الصوت وخليهم يسجلوا كل شي على الكمبيوتر عندهم حتى ولو ما عرفوا السبب
أنا كان عندي صوت من جهة الباب ولمن أنزل الشباك في صوت غريب خصوصا لو نزلته بشكل متقطع
المهم كلمتهم اكثر من مرة بس ما أحد إهتم وبعد فترة إكتشفت إنها ماكينة الزجاج خربانة
وقالولي على الضمان
وحددا لي موعد وجيتهم قالوا ما وصلت لألحين
وبعدين جيتهم مرة ثانية قالو الزجاج مو اصلي
علشان في علامة مهي موجودة والي هي الإستكر المرسوم عليه قفل
وبعدين تأكدوا من الزجاج واعطوني موعد
ولم جيتهم قالوا المشكلة من التضليل وإنت تتحملها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كلنا زيييييييييييك

بالنسبة للصوت اللي وانت ماشي في ارض غير مستوية روح شوف ضغط الكفرات لانهم دايم ينفخونها زيادة

انشب في حلق الوكالة

مشكورين على الردود الله لا يحرمني منكم
الصوت ما طلع يا عيال الا بعد ما طلعتها من الصيانه قام الصوت يطلع ورجعت للوكاله قالو لي ادفع 240 ريال حق الكشف والسيارة تجلس يوم عندنا والله وطلعت ما عد رجعت لهم خف أرجع لهم يطلعون لي مصيبة ثانيه وقررت ماعد أوديها الصيانه وإذا باقي طلع فيها شئ أشوف لها ورشة كويسه (( والله يا عيال كرهت السيارة اللي يبي يشتري يعطيني خبر لأني أحس أن فيها عين أول ما أخذتها حكيت بالقطعه الحديد اللي تحت الصدام اللي ورى واليوم حكيت في نفسك المكان وزيادة بعد حكه من أسفل الصدام والغطاء الحديد اللي على الشكمان اللي يبي يشتري أنا بائع صامل )) والله يحفظكم ولكم جزيل الشكر على الردود والمرور الحلو

^^^^

ايش اللي 240 السيارة على الضمان قلوهم عندي ملاحظات لاقالو لك ادفع قلهم على الضمان ,, بعدين الاصوات اللي تتكلم عليها واجهتنا جميعا وخذ الامور ايزي

يبوية الحل عندي اشتري موية رديتر جديدة وأعطيها الوالدة الله يطول بعمرها وخليها تقرا عليها وانشا الله امورك تزين

حل مطاوعة :d

تعوذ من ابليس

اولآ / سواقة الاكورد تختلف عن الكامري وانا كنت مثلك بالضبط صحيح الكامري سلسة بالقيادة وإمتصاصها للمطبات افضل

والدكسون اخف بس بعض الايجابيات إنقلبت سلبيات و إنس موضوع الكامري كل شوي تروح تعاير وتزود زيــــــــــت عمومآ ماهو

موضوعنا الكامري لو تكلمت عنها ماكفاني موضوع .

بصراحة الأصوات إللي تتكلم عنها يمكن تكون طبيعية ويمكن يكون هناك فعلآ خلل أومشكلة وبما أنني لم أسمعها إلا أنني

أتوقع انها طبيعية من كثر ما قرأت بالمنتدى كل يوم موضوع جديد أصوات بالسيارة وبالأخير يصير صوت عادي ومع الوقت

تتعرف على السيارة أكثر وتقدر تميز بين الطبيعي و الخلل مثلآ صوت طقة القير بعد ما تعش الدي يليه صوت طقة عظيمة

وهو صوت القفل والمواضيع عن الصوت هذا لا تعد ولا تحصى .

وبما أنك حريص ومحافظ أكيد إنك تدقق أكثر من اللازم بالنسبة لصوت الاول هل بإمكانك وصف الصوت لأن فيه صوت

طرمبة الزيت وهذا شي عادي وفيه صوت طقة قوية إذا لفيت الدركسون للآخر وهذا طبيعي ولكن يسبب مشاكل مستقبلآ مع التكرار

بالنسبة لصوت الثاني لايكون صوت الا abs

على كل حال لا تستعجل بالحكم ولا تدقق اكثر من اللازم وشوف لك اكورد نفس سيارتك وتأكد من الأصوات إللي تسمعها هل

هي موجودة من خلافة وتتضح الصورة اكثر

بالتوفيق اخوي

انا من راايي توديها للوكااله يصلحو الي فيها على الضماان

انا كان عندي نفس المشكله الثانيه لما امسك فرامل وانا ماشي ع المكينه

يعني بدون بنزين كان يطلع الصوت هاذا ولما روح للوكاله يرووح

وبعدها بكم اسبوع راح والحمد لله بس اني اكتشفت انه من الشوارع المكسره

لاني لما امشي ع شارع مو مكسر مافيه صووووووووت
تحياتي,,,,