سؤال عااااجل؟

[MA6ANSH]

السلام عليكم


سؤالي هو كيف اعرف ان كراسي القير ودعت ( خلص عمرها )؟؟؟


لان سيارتي على ار بي ام خفيف وخصوصا بالنمره الاولى اذا جبرتها تعشق تحت اثنينrpm تقول (بنق) وتعشق والباقي طبيعيه جدا .

ومره حطيتها ريوس قالت ططططططططططق لمره وحده ولا عادتها .
صوت اقوى بكثير من العاده لكن استجابتها للتغييرات طبيعيه.

اكورد 2007 ماشيه 120 الف غيرت زيت القير في 60 الف و 80 الف و 110 الف
زيت هوندا

ودمتم بود.

[فلم جامد]

مادامها ياخوي ماشية 120 ألف أجل كراسي القير اكيد ودعت والاصوات هذي أكبر دليل على هذا الشي .

أخوك / أبو خالد

[MA6ANSH]

تسلم يابو خالد
انا بعد شاك فيها.

لان ايام العيب المصنعي حق كراسي المكينه والقير الحراميه ماغيروا لي الا حقت المكينه بس يوم سألته.

[King]

الأصوات هذه عادة تكون من تأمين القير, اما بخصوص الكراسي هي وظيفتها ان المحرك يرتكز عليها والضغط يكون الأمامي والخلفي لأن وقت التعشيق المحرك يتحرك للأمام وللخلف.

شيك مع الوكالة لأن تغيير الكراسي مازال قائم للموديلات 06-07.

[Accord F15]

اخوي كراسي المكينه تكتشف نهايتها اذا صارت المكينه تهتز وانت تدعسلها والسياره على n افتح الكبوت وشوف

[الـمـسـافـر]

* لا تكثر تغيير زيت القير بدون حاجه .. كل 40 الف فقط

[MA6ANSH]

لا تشطحون كراسي المكينه سليمه ميه ميه ماقلت فيها شي. والسياره ماترج ابدا..:d

بس السالفه هي في النمره الاولى على دعسه قليله تعشق وتقول طنق.

[بلال العلمي]

لا تشطحون كراسي المكينه سليمه ميه ميه ماقلت فيها شي. والسياره ماترج ابدا..:d

بس السالفه هي في النمره الاولى على دعسه قليله تعشق وتقول طنق.

عادي اخي الكريم اذا جبرتها تعشق على 2000 ار بي ام يطلق صوت كانه (بنق) على حسب وصفك لها وهذا طبيعي

اما بخصوص الكراسي الخاصة بالقير يكفي النظر في الاسفل وراح تلقاها مكسورة اما اذا سليمة وفيها قساوة بسيطة ما فيها مشكلة

وسيارتك مافيها مشكلة دام عندك الاهتمام هذا فيها ان شاء الله