رح للوكالة وافحص دامها باقي على الضمان بالتوفيق
السلام عليكم ..
هلا شباب ..كيفكم عساكم طيبين..
اولا اسف ان اول مشاركه لي عن مشكله بس تراني متابع صامت :o
معي اكورد 2009 كنت امشي طبيعي شوي وطفت ادق سلف تشتغل ماتقعد ولا ثانيتين الا وتطفأ.. اشغلها واعطيها بنزين احس انها مكتومه وانا داعس تطفأ ولاتمشي طبعا.. جربت الحركه 4 مرات ولا نفع .. خليتها ورجعت لها بعد ساعه شغلتها ونفس الحركه وتطفأ ثمن اخر محاوله دعست لها وطلع صوت من المكينه وضبطت بس ماادري وش مشكلتها بالضبط!!
مع العلم اني ماشي 80000 ولا غيرت البواجي وفلتر الهوا غيرته مره وحده والباقي تمام ..
ارجو انكم تفيدوني والله يجزاكم خير..
اخوكم:عبدالله
رح للوكالة وافحص دامها باقي على الضمان بالتوفيق
يمكن تستغرب من اللي بقوله متى آخر مرة غيرت فيها بطارية ؟
هلا اخوي ابو مهند شرفني مرورك..رح للوكالة وافحص دامها باقي على الضمان بالتوفيق
وشكلي بوديها بكره ان شاء الله..
يمكن تستغرب من اللي بقوله متى آخر مرة غيرت فيها بطارية ؟
هلا اخوي فلم جامد..توي مغيرها تقريبا اقل من سنة
اخوي فلم جامد الفاتوره تقول اني شاريها في 27/4/2010
وقعدت اشوف الانبير (46b24l(s
وتحتها:ns60ls
ويارب تكون منها ولايكون من شي ثاني..
شيك ع الفيوز يمكن في شيء محترق !
اذا بطاريتك اي سي دلكو ترى والله تعبانة ويصير فيها هالشي واكثر
ركب بطارية اكسايد 55 امبير ولا تقول بركب 60 لانه 55 اقوى وانسب للأكورد
هلا اخوي Aςςοrd ζοοly ΗβΚ والله مدري وش سالفتها..
الحين اذا عطيتها بنزين يطلع كن معي ددسن 88 الكنداسه صوتها يطرب *_*
اخوي فلم جامد بطاريتي بناسونيك ..
وبكره بوديها للوكاله وهم يتفاهمون مع بنتهم اصرف لاني وديتها لكذا واحد يقول مدري يهزون هالراس وبس
ومشكورين ع المرور والله لايوريكم مكروه
ارق واطيب التحايا<<بالله ماذكرتو كراني حق النشره الجويه ههههههههه
سلاااام حباااايبي
توني جاي من الوكاله وطلعنا بالتالي:
يقولون الله يثيبهم لازم اسوي صيانة ال80الف تقريبا سعرها 700وشوي<<ياليت احد يصحح لي كاني غلطان..
ثانيا فحص السياره من الصدام للصدام عشان المشكله ويجيب تقرير عنها ب400 ريال بس خخخ
ويييينااااا فيييييييييييه صراحه حسيت ان معي مازراتي مو اكورد مع احترامي للملكه يعني *_^
والحين احترت واتوقع الخراب من الكنداسه لانها كانت منكتمه والحين طلع صوت غير اول..وهي السبب في ان السيارة طفت
لاني قبل كم يوم طبيت في حفره وحك موتري من تحت الجهه اليسار عند الكفر الامامي واتوقع انه منها..
والحل الاقرب اني بوديها ورشه كويسه واريح عمري ..
الله يكون في عونك ويطمنك على الموتر
الله يجزاك خييير ماقصرت والله..ومشكور اخوي فلم ع التواصل الله لايوريك مكرووه يااارب
وتوني راجع من الصناعية القديمه وثبت انها من الكنداسة الشكمان مايطلع هواء زين..
مواقع النشر (المفضلة)