الموضوع: أين أجد محل تكييس للأرضيات

التخشيب ,,,

الابداع في الغرابي وتاخذ الظاهر يوم كامل ,, واظن تقدر تخلي القطع عندهم وتاخذها اليوم الثاني حسب الزحمة طبعاً


البلاستيك ع الارضيات ,,, مليان في الغرابي واذا المقاسات عندهم التركيب ما ياخذ اكثر من ساعة حسب الاحتراف طبعاً

والله ياخوي اذا هي على محل واحد يجمع بين الاثنين
تكييس وتخشيب ماعرف

بس التكييس

اعرف لك محل متواظع وممتاز وعماله فلبينيه

اسمه المختص للتعلميع
مغربي وعماله فلبينيه
الوصف
جاي من الجنوب رايح للشمال (طالع من الشفا او السويدي او جاي من الدائري الشرقي وخاش على طريق الملك فهد)
تجيك اشارة عتيقه تاخذها وتمشي وتتعدى مركز ايان وتمشي بتجيك محطه على يدك اليمين
فيها التلميع
المحطه بايخه بس التلميع اوكيه

اي قطه يفكها لك يضمنها وشغل نظيف واذا ماعجبك ارجع له ومنت طالع من عنده والا وانت راضي

ممكن يكيس لك بسعر ممتاز
انت لما تروح له
تقول له جايك من طرف راعي الهوندا اكورد 2002 الفضيه قوله مسوي لك دعايه وبيفهمك على طول;)

ملاحظه//
اذا انفكت الكيسه او وصل شي للارضيات وطلع ريحه ترجع له ويبدلها ويغسل الارضيه لو جاها شي
ببلاش
وممكن يعطيك اشياء ماتتوقعها
يكيس لك الوطايات مجانا اوالقير والاشارات والجلنط

وهذا اللي اقدر افيدك فيييييييه

واذا مافهمت الوصف عطني خبر
حاول تكسر راسه في السعر وهومو مقصر معاك

اما التخشيب

عندك محمل المتميز والشباب يعرفونه ويفيدونك اكثر

لماتروح وتتفاهم معاه يكون احسن

انا لما انزل لك السعر بيطلع لي واحد بيجيب لك محل بارخص منه والثاني بيجيب لك ارخص وارخص اليييييين يكيسون موترك 35 ريال يمني وبعد بكره تحصل انواع الحب والقراطيس تحت الاكياس
يعني مابتستفيد شي

مثل ماقلت لك

روح بنفسك احسن وانت متطمن

وتبي الشغل النظيف لاتقعد امش وابحث ودور والين تشوف العالم يقولون لك على محل واحد وثقه وظمان

واتمنى لك التوفيق