الموضوع: بالنسبهـ لتشليح الرياض..واستفسارات

اخوي بالنسبة لتشاليح عندك تشليح حاير وتشليح النسيم
الغرابي شوف اطلع مع9 ووجهك جنوب على الدائري امش لين يجيك مخرج 13 خد معه يمين امسك السريع وانزل من النفق اذا طلعت من النفق راح يجيك كبري لا ترقاه روح من تحته مع الخدمه لين يجيك دورا الاحساء على ما اضن خذ مع الدورا يسار وسيدا لين يجيك البريد السعودي على يدك اليمين قبله مع الاشارة روح يسار الاشارة الثانية يمين سيدا راح يجيك هذا شارع الغرابي

بنسبة للعليان في واحد في خريص وواحد في الغرابي
الي في خريص بعد الوكالة باشارتين
والي في الغرابي في اول الغرابي من الوصف حقي
بس حق خريص افضل من حق الغرابي اكبر واشمل

بالنسبة لذهابك للغرابي أفظل طريق وأريح لراسك مخرج 5 الدائري الشمالي وانت جاي من الشرق للغرب روح يسار من عند سوق الصين(لي مول سابقآ) بعد ماتروح يمين اجباري وتعمل دوران وتلف تتجة جنوب لين يجيك دوار قاعدة الرياض الجوية او المطار القديم تاخذ من عند الدوار يمين يعني امتداد طريق الملك عبدالعزيز تنزل الكوبري الاول بيكون خريص فوق وتعدي الاشارة الاولى والثانيه والثالثه يجيك شارع معهد الادارة تعديها لين تجيك إشارة البريد السعودي الي بالبطحاء الشارع يروح سيدة بدون اشارة ويسار تنتظر الاشاره المهم يسار بعدين اول اشاره يمين توقفك اشارة اجباري يمين ولا ياسار الي بوجهك هو الغرابي لانه شارع باتجاه واحد والعليان هناك وانا مازيد عن وصف الشباب الافظل الي بخريص تحياتي لك وللجميع