إلي يعرف كهربائي ممتاز وخاصة بالأكورد

**أكورد 252** · 09-11-2010, 07:06 AM

في البداية السلام عليكم ورحمة الله وبركاته

الموضوع بين من عنوان الموضوع أبغى لي كهربائي يمشي على ظفيرة السيارة كاملة ولا أقدر أغامر أروح لآي كهربائي باي ورشه او صناعية فياليت من الشباب الي عنده أي معلومه عن الفني الجيد والفاهم في سيارات الهوندا يشاركنا لكي أستفيد أنا والجميع
تحياتي للجميع

**بلال العلمي** · 09-11-2010, 07:11 AM

ايش ماضي السيارة؟؟؟؟

هل ركبت فيها زينون سابقا ؟؟؟؟

هل سويت حادث؟؟؟؟؟

هل غرقت السيارة في سيول في اي منطقة في مناطق المملكة؟؟؟؟؟

هل صار في يوم انك استبدلت علبة الفيوزات تبعا للعيب المصنعي في موديلات 2003-2007؟؟؟؟؟؟

اتمنى الاجابة على الاسئلة هذه لاجل تحليل اصل المشكلة

**أكورد 252** · 09-11-2010, 07:31 AM

ماضي السياره أذا من ناحية النظافة انا اشتريتها من حوش صاحبي ماشية 16 الف مشاءالله تبارك واذا ع التفحيط والامور هذي مهي عندي ابدآ
وبالنسبه للزنون ماركبت فيها آي شيء من وكالتها وكلش فيها لازدت ولانقصت

وبالنسبه للحوادث ولله الحمد ظربه لاتعد وبسيطه في الرفرف اليمين وتعديل مش سمكرة

وبالنسبة للسيول ماقد دخلت بها سيل ولا ماء ابدن الا شيء بسيط ان كان بشارع وزي كذا ولاقد غرقت بها بسيول مآ

وبالنسبه للعيب المصنعي ماقد غيرت فيها لاعلبة ولاغيره

وشكرآ لك اخوي بلال العلمي على حرصك وردك على موضوعي

**بلال العلمي** · 09-11-2010, 02:24 PM

حسب الرابط هذا

http://www.hondaarabia.com/club/t42104/

انت لابد تغير علبة الفيوزات لحل مشكلة النور العالي اذا السيارة ما مشت اكثر من 120000 كيلو الوكالة تستبدل لك علبة الفيوزات مع الظفيرة ببلاش

بالنسبة للمسجل يطفى لحاله وكذا تكون مشكلة بطارية وفي حال كان عندك مشكلة بطارية فقط باذن الله

في الفيوزات انت تقول الولاعة ومخرج الكهرباء ما يشتغلون وتقول فيوزاتهم ممتازة

لابد تركب فيوزات من نفس الجهد المخصص لهم لانك لو ركبت فيوزات بطاقة اعلى راح يعلى الجهد على الولاعة ويخربها او يحرق اسلاكها لذلك لابد تركب فيوزات من نفس الاحمال والجهد

**أكورد 252** · 10-11-2010, 01:25 AM

شكرآ أخ بلال العلمي بالنسبة للفيوزات ماغيرت ولا فيوز مشيك عليهم كلهم سليمة لاكن انت خلنا بالمصيبه

كيف أغير الظفيرة والعلبة كم رآح تكلفني بحكم سيارتي أتعدت ال120الف سيارتي ماشية الان فوق ال180الف

تحياتي للجميع