aurion vs accord

اقتباس:

---

المشاركة الأصلية كتبت بواسطة Acoord-2005

غريبة مع ان سلفر اوريون يقول انا مسمكر سيارتي مرتين و ماشيه معي و امسك بها خطوط ولي اربع سنوات ما اغير إلا زيت وسيفون الظاهر انه نسا العيوب !!؟

---

ما نسيت لان مافيها عيوب صارت معاي اساسا :)

و للتصحيح 3 حوادث ( خلفية + وجهية + الجنب اليمين )

و الوالد كذا مرة حاول يقنعني اني ابيعها و يشتري لي غيرها لكن انا رافض لاني مقتنع بالاوريون ولله الحمد

و انا ساحب ع الصيانة قبل سنتين و نص ( 15 الف كم )

و عندك مثلا المساعدات وكاله كلها ( ما عدا واحد خلفي يسار بسبب الحادث )

كراسي المكينة و القير كلها سليمة

عكوس و قطع ميكانيكية و كهربائية كلها سليمة الى الان

و سفرياتي ما بين القصيم و الرياض و المدينة و حائل

و دوامي يومي 100 كيلو

الاقمشة غيرتها بشهر 5 / 2009 و لها الان سنة و 6 شهور و هي المرة الوحيدة اللي غيرت فيها الاقمشة

تغير 3 اطقم كفرات الى الان

و اللي يبي يجرب سيارتي حياه الله سواء بالمدينة خلال الاجازات او القصيم خلال اوقات الدوامات الرسمية

و في ملاحظة حاب اقولها

سواقة الاوريون تفرق عن الكامري بكثييير و انا مجرب الكامري و صرااحه مدري وش تبي :d

الاوريون فيها انظمة امان و سلامة عالية و نظام تعليق ماركة ماكفرسون تبع اللكزس

و فيها قطع كثيرة مشتركة مع اللكزس

الزبدة الاكورد و الاوريون من السيارات التوب اليابانية حاليا

و اكثر ما يعجبني بالاكورد هي الداخلية :cool:

و اعشق الكوبيه بشرط انها تكون 6 سلندر :cool: << السيارة هذه مظلووومة

اخواني انا حاب استشيركم ربالاكورد( aurion (2011
وش الافضل من ناحية
1- الامان
جميعهم حلوات ماادري والله وش الافضل
2- الجودة
كلهم ايضا لكن ممكن لأن الاكورد ياباني في ياباني ولله الحمد تكون الجودة اعلى مع ان الاوريون جودتها حلوة
3- اسعار قطع الغيار
تفوق بسييييط للاوريون في بعض القطع وتفوق الاكورد في البعض يعني ع حسب القطعة لكن القطع متقاااربة جدا
4- الرساوة العزل الخ
الرساوة اكيد الاكورد افضل يكيفك الكفر يفرش وهي الوحيده مثل السيارات الالمانية
والعزل متقاربين جدا كلهم عاديات مهب كويس ولا سيء
5- التبريد
جميع السيارتين تبريدهم ممتاز
6- الخراب (يعني بعد 3 سنوات تبدا مشاكلها )
بأذن الله جميعهم بعد ثلاث سنوات مافيه مشاكل
مع العلم ان
الاكورد ب 89الف 2011 4سلندر
الاوريون 87 الف 2011 6سلندر

شكل الاكورد اللي بتاخذها سياحي>>لو تزيد وتحاول تدبر 10الاف تشتري فلللل مخمل
والاوريون اللي بتاخذها تورنق سياااااااحي

كانك راعي مقاومات وسرعة خذلك الاوريون كانك تبي رساوة وداخلية روعة خذ اكورد

بالتوفيق لك

والله يا الغالي

شوف ... ~

اذا تبي سرعه اخذ آريون

واذا تبي راحه وفخامه .. اخذ اكورد

الاكورد يميزها كثيره عن الاوريون

الاوريون = كامري لكن الفرق :

انه الاوريون 6 سلندر والكامري 4 سلندر

لو تروح تسال باوربا .. وتقول ابي كامري

بيقولولك 4 سلندر او 6 سلندر ( 6 سلندر هي الاوريون )

والسبب انه الشركه شافت انه الكامري اغلبه تكاسي بالخليج

فغيرت الاسم عشان تقدر تبيعها للناس العاديه

......

واذا تبي نصيحه ..

شوف الكامري من داخل وشوف الاكورد من داخل

لا تهتم بالسرعه ..

واذا كنت تبي سرعه اخذ اكورد 6 سلندر .....

بس صدقني الراحه اهم شي ..

حق دوامك .. حق طلعاتك .. اهلك يركبون معاك .. إلخ ..

يقدرون ياخذون راحتهم

مب الكامري محشورين : )

والله يوفقك

اذا تبي سرعه اخذلك سبورت :p

وتره لعلمك بالكامري والاكورد ماراح تطوف جيتي آر :d

ولا موستنق جيتي هع :p

بس فكر عدل

بالتوفيق

^^^^^

الرجال قال اوريون مش كامري :d

+

في كوابريس و افالون و اكورد و مايباخ تكاسي :d

+

اوروبا ما عندهم شكل الاوريون اللي عندنا :d

+

اقتباس:

---

المشاركة الأصلية كتبت بواسطة احبك يالاكورد

4- الرساوة العزل الخ
الرساوة اكيد الاكورد افضل يكيفك الكفر يفرش وهي الوحيده مثل السيارات الالمانية

---

هذه كفرات الاوريون ايضا مفروشة و هي واقفة فما بالك و هي تمشي :d

http://img294.imageshack.us/img294/2898/dsc02944sva.jpg

أخوي أنت داخل محبي الأكورد

كل واحد منا قبل شراء السيارة كان أمامه عدة خيارات من ضمنها الأوريون ولكن ميولة للأكورد لذا من الطبيعي

الغالبية العظمى راح تنصحك بالأكورد ولودخلت منتدى يختص بالأوريون راح تلاحظ نفس النتيجة . . . . . .

الأكورد والأوريون كل سيارة تتميز عن الأخرى بأشياء ولكن سأضع عدة نقاط مهمة

الشكل الخارجي/ يعتبر ذوق

المقصورة الداخلية / الأكورد أفضل

الجودة / تتفوق بها الأكورد ولا أعني بأن الأوريون سيئة بالعكس جيدة جدآ

المحرك / لصالح الأوريون والفرق كبير

القيادة داخل المدينة / الأوريون

القيادة بالطرق السريعة / الأكورد

الرساوة / طبعآ لصالح الأكورد لأنها تتمتع برساوة عالية

الوكيل / طبعآ عبد اللطيف جميل

سعر قطع الغيار / لصالح الأوريون ولكن الفرق يعتبر بسيط

سعر مابعد البيع / متساوية

هذه وجهة نظري بالسيارتين و لكن كلها خيارات أفضل من السيارات الأخرى بفنس الفئة

ويستمر مسلسل المقارنات والظاهر نفتح قسم خاص بالمقارنات بالمنتدى ازين لنا :d

انا رايي السيارتين حلواات وانا ارشح الاوريون :d>> غدي الاكورد تقل بالشوارع شوي ونحس بالتميز نوعا ما

اقتباس:

---

المشاركة الأصلية كتبت بواسطة ALMODAMEER

السلام عليكم ورحمة الله وبركاته
اخواني انا حاب استشيركم ربالاكورد( aurion (2011
وش الافضل من ناحية
1- الامان
2- الجودة
3- اسعار قطع الغيار
4- الرساوة العزل الخ
5- التبريد
6- الخراب (يعني بعد 3 سنوات تبدا مشاكلها )
مع العلم ان
الاكورد ب 89الف 2011 4سلندر
الاوريون 87 الف 2011 6سلندر
اتمنى عدم التحييز
وشكرا لكم

---

اول شي مبروك مقدما على السياره اللي بتشتريها والله يكتبلك اللي في الخير ولا تنسى الاستخاره
1-بالنسبه للامان الاكورد طبعاا وبدون منازع والدليل ان جميع انظمه الامان فيها تبدا من الستاندر

بعكس باقي السيارات اللي تكون فيها مع الفئه الفل اوبشن

2 الجوده عن تجربه لمده تلاته سنوات الى الان السياره تحسها جديده ومتماسكه مشالله

3اسعار قطع الغيار مقبوله جداا بالمقارنه مع الفئات الاخرى عن تجربه

4 العزل الصراحه الاوريون افضل عن تجربه خط في الاوريون وكنت راكب واسائق ولكن الاكورد قريبه من
الاوريون نوعا ما في العزل ولكن مع تغيرالكفرات اتحسن العزل 35%
الرساوه الاكورد والافضل في فئتها عن تجربه التما 4 سليندر واوريون

5 التبريد كلهم ممتازين

6 الخراب الحمدلله ما وجهتني مشاكل مصعنيه ولا ميكانيكه ولا اي عيوب الحمدلله وبالنسبه للاويون افادك فيها
واذا بتاخد خد اوريون فل جراندي او خليك على الاكورد افضل حتى لو كانت اربعه

ملاحظه سلفير اوريون انتا الوحش:d مثال للشخص الغير متعصب اهنيك:)

اقتباس:

---

المشاركة الأصلية كتبت بواسطة silver aurion

^^^^^

الرجال قال اوريون مش كامري :d

---

فاهمه

والكامري لو بتحبث اهي نفسها الاوريون والفرق انه الكامري 4 سلندر والاوريون 6 سلندر

اقتباس:

---

المشاركة الأصلية كتبت بواسطة accord king of road

ملاحظه سلفير اوريون انتا الوحش:d مثال للشخص الغير متعصب اهنيك:)

---

والله يا كنق لو الواحد يتعصب لا بيفيد نفسه ولا بيفيد صاحب الموضوع

و اذا الاكورد استاندر فيها انظمة حلوة و افضل من الاوريون الاستاندر

انا هنا اقول اكورد افضل له :)

يا وحش انت :d

اقتباس:

---

المشاركة الأصلية كتبت بواسطة ولد عطا :-P

فاهمه

---

اقتباس:

---

المشاركة الأصلية كتبت بواسطة ولد عطا :-P

والكامري لو بتحبث اهي نفسها الاوريون والفرق انه الكامري 4 سلندر والاوريون 6 سلندر

---

بالعكس الفروق اكثر بكثير بين الكامري و الاوريون

ميكانيكيا

- المكينة 6 سلندر ( نفس اللكزس ES و RX و الافالون )
- القير 6 سرعات مزودة بنظام تتابعي ( تربترونك ect )
-نظام التعليق مزودة بقوائم امامية انضغاطية ماركة ماكفرسون و خلفية مزدوجة الوصلات لعمل استقرار و رساوة عالية ( نفس الموجود باللكزس )

انظمة سلامة :

- 8 ايرباقات متوزعة في المقصورة مع نظام الكبح الاضافي srs
- vsc
-TCR
- ebd
- wil
- ELR
- BAS
- مزودة بالتصميم العالمي المتفوق goa لمتصاص الصدمات عند الحوادث للتخفيف من اصابة السائق و الركاب
- نظام الـ force limter في احزمة الامان و هي عبارة عن شد الحزام و تثبيت السائق و الراكب في حال الفرملة القوية
- بالاضافة الى abs المتوفرة ايضا بالكامري

مواصفات و اكسسوارات :

- الدخول الذكي
- التشغيل الذكي بضغطة زر
- مسجل 6 سيديات مع بلوتوث و التحكم من الدركسون و ايضا نظام aux ( الكامري سي دي واحد فقط )
- جلد طبيعي للدركسون
- جلد في كامل المقاعد
- مكيف الكتروني
- زينون فيلبس الالماني و محول دينسو الياباني
- نظام afs لالتفاف الانوار في المنعطفات
- مزودة بـ 6 حساسات من دينسو اليابانية مع العرض في شاشة المعلومات
- طبلون زينون ثلاثي الابعاد مع شاشة عرض المعلومات مثل ممشى البنزين و درجة الحرارة و معدل السرعه و معدل صرف البنزين و مدة الرحله و غيرها .
- رشاش اسطبات امامية

بالاضافة الى فروق بالطول و العرض و الارتفاع و الوزن و كلها لصالح الاوريون :)

و ايضا الاوريون اخذ جوائز في الجودة و السلامة 3 مرات خلال 4 سنوات

و 5 نجوم في اختبارات ANCAP العالمية في اختبارات الحوادث

بينما الكامري ولا مرة .. هنا يبان الفرق الصح :)

[ame]http://www.youtube.com/watch?v=y7S8Ne2rz0A[/ame]

[ame]http://www.youtube.com/watch?v=xl51Y5M_06c[/ame]

إذا كنت راعي مقاومات أوريون

راعي خطوط ورساوه وشكل الأكورد

الله يقدم للي فيه خير

كثر الله خيركم

شباب كل واحد قاعد يحط مواصفات الأكورد الفل
وسلفر أوريون قاعد يحط مواصفات الأوريون الفل
صاحب الموضوع حاط سعرها حوالي 90 ألف
يعني اتوقع تجيب له أكوورد سبشل وأوريون تورنق
فهذي الحاله الأكورد تتفوق على الأوريون في كل شي ألا المكينه الأوريون 6 سلندر أفضل وأقوى
ومن ناحية المواصفات الأكورد تتفوق بس ينقصك تركب جنوط الفل وتطلع الأكورد:cool:
أما الأوريون التورنق نفس الكامري مكيف فرارات تشغيل عادي يعني نفس الكامري بضبط تفرق القوه فقط لو قلت لي أوريون قراندي هذي مواصفاتها حلووه
والله يكتب لك ألي فيه خير
وارشح الأكورد على السعر ألي معااك.

توكل على الله وخذ اكورد 2011 وان شاء الله ما راح تندم :cool:

اخوي سلفر ترا الاخ يقول اوريون تورنق سياحية مهب الجراندي>>اللي انت جايب مواصفاتها

سيلفر اوريون الرجال ما قال ابي قراندي قال ابي تورينق او حاط السعر 90 يعني يا اوريون تورينق يا اكورد سبيشل . !

بعدين اي مواصفات اخوي معه اوريون ما يامن مكان يوقفها لو حطها في مكان يجي واحد و يسرق اللي فيها لان ما في الاوريون جهاز انذار عكس الاكورد الواحد يقمط يجي جنبها من صوتها الطرب . .


بس لاتزعل مني الاوريون على راسي من فوق و معرووفه الاوريون في اليابان لاكن فيها سلبيات اتمنى تتقبل وجهة نظري . .

تحياتي

^^^

على راسي والله بس ركز بالرد اللي قبلك :)

انا جبت مواصفات الجراندي فقط توضيح للاخ ولد عطا عن الفروق بين الاوريون و الكامري و انا ما قصدت ابداا عن خيارات صاحب الموضوع :)

بالعكس لو تشوف ردي اني نصحت صاحب الموضوع انه يتوكل على الله و ياخذ الاكورد من خلال السعر اللي هو حاطه :)

و بالنسبة للسلبيات كل سيارة و له سلبيات .. لكن الاكورد و الاوريون من السيارات اللي سلبياتهم تكاد تكون الاقل في فئاتها :)

[QUOTE=Silver Aurion;464872]يعطيك العافية على الاخلاق :)

و ان حبيت تصدق كان بها .. و اذا لا مو مشكله ما اجبرك على شي

بس اسأل مجرب حول اشتراك بعض القطع خصوصا اللكزس es و صدقني مرة مو بدري على الاوريون و لها 4 سنوات الان :)


QUOTE]

ياخي وشفيك دخلت اللكزس بالموضوع .!!
اللي فهمتا منك انك تقول الاوريون و الكامري و الافالون و لكزس es قطعهم نفس الشي !!
بس حاب اوضحلك شي ان هالمعلومه كانت بالموديل القديم و 2007 و فوق خلاص لكزس انفصل عن التشابه بالتصاميم و بالقطع اللهم اللي يشبه اللكزس es بالاوريون و الافالون المكينه و القير فقط ! حاليا !!
فـ خل الافالون و الاوريون و الكامري بعيد عن لكزس لانها ما تصف وانا ما اعترف بتويوتا غير الاند و بعض السيارات اما الباقي اقول انتهى زمانه , اما اللكزس لكزس ولو بعد 100 سنه فوق راسنا ..

تحياتي

اقتباس:

---

المشاركة الأصلية كتبت بواسطة اكووورد 08

ياخي وشفيك دخلت اللكزس بالموضوع .!!
اللي فهمتا منك انك تقول الاوريون و الكامري و الافالون و لكزس es قطعهم نفس الشي !!
بس حاب اوضحلك شي ان هالمعلومه كانت بالموديل القديم و 2007 و فوق خلاص لكزس انفصل عن التشابه بالتصاميم و بالقطع اللهم اللي يشبه اللكزس es بالاوريون و الافالون المكينه و القير فقط ! حاليا !!
فـ خل الافالون و الاوريون و الكامري بعيد عن لكزس لانها ما تصف وانا ما اعترف بتويوتا غير الاند و بعض السيارات اما الباقي اقول انتهى زمانه , اما اللكزس لكزس ولو بعد 100 سنه فوق راسنا ..

تحياتي

---

يا اخوي هدي اعصابك ما صار شي :confused:

و انا دخلتها لان الشي هذه صحيح و متأكد منه .. و على فكرة انا ما دخلت الكامري ضمنهم ابدااا

فقط قلت الاوريون و الافالون و اللكزس ES و RX

و تقدر تسأل المشرف كاكاشي سان لان معاه لكزس ES

و بعد تجربتي تقريبا القطع المشتركة بين الاوريون و اللكزس ES

المكينة و الجير و البواجي و الاقمشة و نظام التعليق ماكفرسون و الفلاتر و الزينون و بعض القطع الميكانيكية الاخرى

و ايضا يشتركون بنفس قاعدة العجلات

طيب تدري ان اللكزس باليابان تحت شعار التويوتا ؟

تدري لو تروح الوكاله و تطلب اي قطعه لكزس راح تجيك داخل علبة عليها شعار تويوتا

لان اللكزس و الدايهاتسو تعتبر فروع من تويوتا و شي طبيعي تكون فيه قطع مشتركة كثيير

و الكلام غير صحيح ان بعد 2007 انفصل اللكزس عن التويوتا .. لان اللكزس فرع من تويوتا اساسا

عندك الاوريون و اللكزس ES

اللاند كروزر و جيب اللكزس LX

البرادو و جيب اللكزس GX

و هكذا :)

لا تزعل ياخوي لكن انا مجرب و اكبر دليل يوم اشتريت فلتر زيت القير للاوريون و كنت باخذها خصم 27 %

قالي الموظف انه اقصى خصم يقدر يعطيني هو 15% لانها تندرج تحت قطع اللكزس

و معروف بالوكاله الموظف اقصى خصم له بقطع تويوت 27% و اقصى خصم لقطع اللكزس 15 %

هذه هي الحكاية :)

اقتباس:

---

المشاركة الأصلية كتبت بواسطة اكووورد 08

سيلفر اوريون الرجال ما قال ابي قراندي قال ابي تورينق او حاط السعر 90 يعني يا اوريون تورينق يا اكورد سبيشل . !
بعدين اي مواصفات اخوي معه اوريون ما يامن مكان يوقفها لو حطها في مكان يجي واحد و يسرق اللي فيها لان ما في الاوريون جهاز انذار عكس الاكورد الواحد يقمط يجي جنبها من صوتها الطرب . .

بس لاتزعل مني الاوريون على راسي من فوق و معرووفه الاوريون في اليابان لاكن فيها سلبيات اتمنى تتقبل وجهة نظري . .

تحياتي

---

اما الاوريون مافيها جهاز انذار .؟

بس من ناحية إن الاوريون 6 سلندر وبهالرخص أكيد انها ما تدوم مثل الهوندا ولا يعني جودة القطع ما أظن انها ذاك الزود وبهالرخص ولا عشان التجميع الاسترالي تنزل .؟ بس يازين الياباني تضمنه وتمشي وانت مرتاح

وياليت تفيدونا الاكورد 2011 سته سلندر مخمل بدون شاشه كم سعرها .؟

وسلامتكم ،،،

اقتباس:

---

المشاركة الأصلية كتبت بواسطة Acoord-2005

اما الاوريون مافيها جهاز انذار .؟

بس من ناحية إن الاوريون 6 سلندر وبهالرخص أكيد انها ما تدوم مثل الهوندا ولا يعني جودة القطع ما أظن انها ذاك الزود وبهالرخص ولا عشان التجميع الاسترالي تنزل .؟ بس يازين الياباني تضمنه وتمشي وانت مرتاح

وياليت تفيدونا الاكورد 2011 سته سلندر مخمل بدون شاشه كم سعرها .؟

وسلامتكم ،،،

---

ايه الاوريون مافيها جهاز انذار و اسال سيلفر اوريون .. لان حقت اخوي تعرضت للسرقه 3 مرات كسروا القزاز و ياخذون اللي يبون !!

والله حقت اخوي لها حول السنتين فيها مشاكل بس بسيطه موب كبيره عندك الطاره تحذف الطقطه بالديكور الرساوه ماش و الفلاتر و غيرها . .

اقتباس:

---

المشاركة الأصلية كتبت بواسطة Silver Aurion

يا اخوي هدي اعصابك ما صار شي :confused:

و انا دخلتها لان الشي هذه صحيح و متأكد منه .. و على فكرة انا ما دخلت الكامري ضمنهم ابدااا

فقط قلت الاوريون و الافالون و اللكزس ES و RX

و تقدر تسأل المشرف كاكاشي سان لان معاه لكزس ES

و بعد تجربتي تقريبا القطع المشتركة بين الاوريون و اللكزس ES

المكينة و الجير و البواجي و الاقمشة و نظام التعليق ماكفرسون و الفلاتر و الزينون و بعض القطع الميكانيكية الاخرى

و ايضا يشتركون بنفس قاعدة العجلات

طيب تدري ان اللكزس باليابان تحت شعار التويوتا ؟

تدري لو تروح الوكاله و تطلب اي قطعه لكزس راح تجيك داخل علبة عليها شعار تويوتا

لان اللكزس و الدايهاتسو تعتبر فروع من تويوتا و شي طبيعي تكون فيه قطع مشتركة كثيير

و الكلام غير صحيح ان بعد 2007 انفصل اللكزس عن التويوتا .. لان اللكزس فرع من تويوتا اساسا

عندك الاوريون و اللكزس ES

اللاند كروزر و جيب اللكزس LX

البرادو و جيب اللكزس GX

و هكذا :)

لا تزعل ياخوي لكن انا مجرب و اكبر دليل يوم اشتريت فلتر زيت القير للاوريون و كنت باخذها خصم 27 %

قالي الموظف انه اقصى خصم يقدر يعطيني هو 15% لانها تندرج تحت قطع اللكزس

و معروف بالوكاله الموظف اقصى خصم له بقطع تويوت 27% و اقصى خصم لقطع اللكزس 15 %

هذه هي الحكاية :)

---

هلا عادي مريح انا لا تزعل علي اذا قلت شي

بس اللي اعرفه ان الموديل القديم متشابهه لاكن الجديد موب متشابهه الى يمكن الافالون و اللكزس متشابهه لاكن الاوريون ما اتوقع يمكن فحمات و طقتها لاكن نظام التعليق مستحييل يجي جمب اللكزس ولا الرساوه . . عند خويي وحده رفااهيه ما بعددها رفاهيه وشلون يشبهونها بالاوريون الاوريون حلوه اوكي قويه اوكي لاكن الانظمه مستحيل تتشابه مع اللكزس لان اغلب الانظمه التعليق تبع لكزس is و هذي مستحيل تقول عاد الاوريون بعد الانظمه تتفق معها .

و ياليت ما تزعل خذ الموضوع عادي . ,

اقتباس:

---

المشاركة الأصلية كتبت بواسطة Acoord-2005

اما الاوريون مافيها جهاز انذار .؟

بس من ناحية إن الاوريون 6 سلندر وبهالرخص أكيد انها ما تدوم مثل الهوندا ولا يعني جودة القطع ما أظن انها ذاك الزود وبهالرخص ولا عشان التجميع الاسترالي تنزل .؟ بس يازين الياباني تضمنه وتمشي وانت مرتاح

وياليت تفيدونا الاكورد 2011 سته سلندر مخمل بدون شاشه كم سعرها .؟

وسلامتكم ،،،

---

ايه مافيها انذار :)

لكن لي تعقيب ان قطعها ذات جودة تعبانة

هل تعلم ان الاوريون الان لها 4 سنوات ومافيها اي قطعه استهلاكية تنتهي بسرعه او قطع ميكانيكية تخرب

مثل الاقمشة تعيش فترة طوييله عكس الاكورد

هل تعلم ان قطع الاوريون الميكانيكية و الكهربائية و مكينة و جير صناعه يابانية 100%

هذه تكفينا اعتقد :)

اقتباس:

---

المشاركة الأصلية كتبت بواسطة اكووورد 08

هلا عادي مريح انا لا تزعل علي اذا قلت شي

بس اللي اعرفه ان الموديل القديم متشابهه لاكن الجديد موب متشابهه الى يمكن الافالون و اللكزس متشابهه لاكن الاوريون ما اتوقع يمكن فحمات و طقتها لاكن نظام التعليق مستحييل يجي جمب اللكزس ولا الرساوه . . عند خويي وحده رفااهيه ما بعددها رفاهيه وشلون يشبهونها بالاوريون الاوريون حلوه اوكي قويه اوكي لاكن الانظمه مستحيل تتشابه مع اللكزس لان اغلب الانظمه التعليق تبع لكزس is و هذي مستحيل تقول عاد الاوريون بعد الانظمه تتفق معها .

و ياليت ما تزعل خذ الموضوع عادي . ,

---

اولا اخي الكريم انا ما جبت طاري التصميم نهاائيا

انا قلت تشابه بالقطع الميكانيكية و الكهربائية وليس التصاميم

ثانيا انا ما جبت سيرة اللكزس is و قلت ان اللكزس es هي اللي تشبه الاوريون :)

و نظام التعليق بالاوريون ماركة ماكفرسون هو نفسه الموجود بجميع سيارات لكزس السيدان ما عدا GS لها نظام رياضي بحت و خاص

و نفس انظمة السلامة و الامان ما عدا ان اللكزس تتميز بنظام خاص فيها صراحه ما هو على بالي شو هو

من ناحية الرفاهية ايضا انا ما جبت طاريها لانه اساسا اللكزس الفئة الفخمة من التويوتا و طبيعي جدا انها تتميز برفاهية اكثر و فخامة احلى

لا وين ما زعلنا راس مالها حديد يروح و يجي يعني نبيع سيارتنا انا و انت و نطق لنا 4 اكسنت خخخخخخخ

يالله برب بمسك خط 500 كيلو الان :)

شي غريب الاوريون 6 سلندر ومافيها جهاز انذار كاتجهيز اساسي !!

الحمد لله ان الله نورني بطريق الاكورد ..

تعقيبا على كلام سيلفر انت تقول نضام التعليق الموجود في الاوريون نفس

نضام التعليق باللكزس افهم من كلامك في حالة وجود عطل في نضام التعليق فاللكزس

ان الواحد يركب نضام تعليق الاوريون ويوفر ؟؟؟

طيب نكتفي بهذا القدر من الشطحات المفيده والتي امتعتنا


والى لقاء آخر في اغلاق موضوع جديد والله يحفظكم ويرعاكم :d