ابي مساعدتكــم لاختياري سياره

[RoMeO-Al7ob]

مساكم الله بالخير اعزائي الحظور انا عضوو جديد بالمنتدى :o
عندي لكم موضوع قاسي بالنسبه لي وهوو امنيتي اطلع اكورد بس محسووبكم بيطلع له سبيشل 2011 باقلكم القصه من البدايه علشان نكون واضحين وانا ابغى نصيحتكم اذا سمحتووو >السالفه مشوار - مشوار ولا فلفله ادري سماجه
بسم الله الرحمن الرحيم
انا طالب بارامكو السعوديه ماتخفا عليكم شركه محترمه ولها صيتها في العالم مكافئتي 3500 حقت الدراسه والتعيين 7000 انا بالسنه الثانيه وباقيلي 9شهور عالتخرج وانا ماكل....... صراحتاً لاني من اول مادخلت ادرس وانا معي ددسن موديل 95 بدون مكيف هههههههههههههههههااي:d وحالتي صعبه اموري الماديه حلوووه بس قلت خلني اصبر وصبرت وانا ارتفع ضغطي ووصلت حدي خلاص وانا حاب اشتري اكورد من شركه هوندا اللي عندنا بالشرقيه اللي على طريق خبر الدمام السريع المهم رحت للموظف اللي هناك وقالي طلاب ارامكو مانعطيهم لانهم ماترسموو بعدين قلتله انتو تبون القسط صح قال ايه قلت انا خلاص بيوصلكم قالوو لا وتحطمت. المهم مالي في الطويله
بطلعها باسم الوالد وطلعت الحسبه علي 91400 كاش لون لؤلوؤي
الدفعه الاولى 15000 القسط الشهري 1790 لمده 60شهر الدفعه الاخيره 18300 وشرايكم اتوكل على الله واخذها يعلم الله اني بسوي فيها احلى وسوسه وخبال لليل. بليز ابي مساعدتكم :(

[غاب القمر]

غريبه بدوون فوائد ؟؟؟ تقصيد بقيمة الكاش

اذا كان العرض كذا لاتفوته .. بس انصحك تتأكد منهم انا احس انك طحت بموظف مايدري وش الهرجه واعطاك سعر الكاش :d

[غاب القمر]

بعد مراجعة النقطه الاخيره اتضح لي الاتي

1790 × 60 = 107400

15000 + 18300 = 33300

107400 + 33300الاجمالي = 140700

لهوندا اكورد سبشل 4 سلندر

تبي النصيحه .. ابتعد عن الايجار المنتهي بالتمليك فوائد خياليه على غير سنع

دور لك مستعمل بالسوق من 2008 ومافوق تحصل ان شاء الله نظيف

[اكورد 111]

لالالالالا تتهور وتدفع هالمبلغ الخيالي هذا نظام تاجير منتهي بالتملك ابعد عنه نصيحه

خل الوالد الله يحفظه لك ياخذ تمويل من اي بنك بقيمة السياره اهم شي يكون التمويل اسلامي
91400 او 89000 ريال لان بتحصل في المعارض اقل من الوكاله ب 2000 تقريبا

بنك الراجحي بياخذ نسبة ربح 0.0399
بنك الانماء 0.0295
بنك البلاد 0.0375

افتراضا اخذ التمويل من بنك الراجحي
91400*0.0399=3647 ريال <<<< الربح السنوي
3647 الربح السنوي * عدد سنوات التقسيط 5 سنوات=18285<<< الربح الاجمالي من قيمة السياره للبنك
اجمالي الارباح مع قيمة السياره =109635
تبي تعرف كم تقسط في الشهر
109635 قيمة السياره مع ارباح البنك ÷ 60 شهر =1827 شهريا بدون دفعه اولى ولادفعه مؤخره والسياره تكون باسمك

يعني الفرق بين نظام التاجير والاقساط كبير جدا ماديا ومعنويا

ماديا بنظام التاجير 140700 ريال
ماديا بنظام الاقساط 109635 ريال
الفرق 31065 ريال

معنويا
نظام التاجير السياره ماراح تكون باسمك +ماتقدر تبيعها
نظام الاقساط السياره باسمك +تقدر تتصرف فيه تبيعها تتصدق فيها

والله يوفقك

[فهودي 2010]

صراحة بعد الحسبة غالية
انا ماخذ من البنك فل 2010 طلعت حول 114000 الف شوف الفرق

[عيون الكون]

انا طلعتها عن طريق الراجحي دفعت نص قيمة السيارة وطلع علي القسط بعدها 874 ريال يعني على الاقل حاول ترفع الدفعة عشان ماتضغط على نفسك

[تاج السلطان]

انحش من الاجار المنتهي بالتمليك
وخذلك اقساط من البنك أسهم أو غيرها بشرط تكون الاقساط مباحة غير محرمة

[احبك يالاكورد]

انننحش من المنتهي بالتمليك والله يسرقونك سرقة

خذلك قرض من البنك وقسط عليهم واشتر السيارة كاش وبتلقى نفس هالسعر 91الف فل مخمل باذن الله في المعارض

[القنآص]

انا الوالدة الله يحفظها لي حالفة علي اني ما اشتري سيارة نظام التأجير ابد

فأنا من رأيي ابعد عن هالنظام الي يلعب بالناس لعب وانا اولهم

شريت سيارتي عام 2008 قيمتها وكالة 100 جيب من شركة تويوتا طلع علي بــ140 شفت الفرق
وسددها وما خلص القصد الا قبل شهر تقريبا وجيت ابي ابيعها في الطقاق والكرف جابت 63
يعني خسرت 77 ألف مهب حرررررررررررررررررررررررررام وسيارتي جديدة


فعندك حلييين
اصبر وحاول تجمع الفلوس
او مثل ما قال الاخ اكورد 111 رح للبنك وخذ القرض واشترها
ولا بعد بدون دفعه اولى واخيرة

<< وجهت نظري

[عابرخطواتي]

والله ياشباب

أسعار!!! مع احترامي سيارة صغيرة
مرسدس بانوراما مستعمل حول السعر المذكور
---------
شوف
اصبر و(تزوج فيها) وبيجيك الخير مع بنت الحلال
الله اكبر كبيرا...