مشكلتي مع الصيانه الله لايوفقهم

[تظلمني؟]

السلام عليكم ورحمة الله وبركاته

ياشباب مشكلتي بكل اختصار .. دخلت السياره صيانة الـ 50 الـف عشان يغيرون لي الاقمشه الخلفيه والاماميه

السياره كانت فيها رجه وصوت تصفير من الاقمشه الاماميه .. قالوا لازم تغيير الاقمشه + خرط الهوبات

قلت توكلوا على الله واهم شي تروح الرجه والتصفير .. طلعتها من الصيانه وكل شي تمام .. 3 ايام ورجع التصفير من جديد بس خفيييييف وكل شوي يزيد وخليتها اسبوع ورجعت لهم

قالوا اكيد دخلها تراب لازم تنظيف قلت نظفوها وشحموها .. اليوم الثاني رجع التصفير من جديد

ووقتها قفلت الصيانه اجازة الحج رجعت لهم بعد الاجازه من سوء حظي ماطلع الصوت يوم ركب المهندس معي

وبعدها انوااع التصريف من المدير وقام يتفلسف علي يقول الجو والرطوبه ومدري وش واحنا نسوي دراسات علميه وامكن بالمستقبل نجيب اقمشه جديده ومن ذا الكلام

المهم كلمت المدير قال تعال صيانة 55 الف ويصير خيـــر < احسها نوع من التصريف

اللي فهمته من كلامه انه مايقدر يسوي لي شيء .. وانا مو ناوي اخلي الموضوع يمشي على خير والفواتير معي مسجل فيها كل شيء

وش رايكم ياشباب

[بريق الصحوة]

هل عندك شئ يثبت صحت كلامك اخوي انا مش مكذبك بس تدري ليه
صور كل فاتوره دخول الصيانه وبعدين ارسلها للشركه الام وقول الوكيل لم يهتم بي عشان تعرف كيف ترد هوندا عليك صدقنى
اخر صيانه عملتها فقط حق 10.000 في البحرين صراحه فرق بين هنا وهناك
وعندي موعد يوم الاحد بكره عشان تغيير الكلبرت حق الجلنط في الخلف فيه عيب مصنعي والخبر من الوكله من الشباب المنتدى الله يحفظهم

[تظلمني؟]

^^

نعم اخوي عندي الفاتوره ومسجل فيها ..كل شي والسيارة مامشت بعد صيانة الا 2200 كيلو الا وانوااع الاصوااات

[azooz291]

في حل انا قد جربته..سيارتك وانت حر فيها

"اللي سويته, مشيت في طريق فاضي ما وراي اي سيارة.
سرعتي كانت في حدود 140 الى 120, واتربع على الفرامل لين صوت الكفر فقع راسي حتى وقفت السيارة"
بعدها تمسك من احسن ما يكون+ولا صوت

قوي قلبك, ولا تقول عزوز قالي. اي شئ يصير ماني مسؤل

[ACCORDEA]

والله يآخوي اذا مني

ترا السيارة اولها أصوات بعدين ترووح

بس اذا معززم خلك مع كلام اخوي بريق الصحوة

قد يكون كلامه اقوى هدد اول آذا ما فاد ارسلها للمصنع ..

تحياتي

[تظلمني؟]

يعطيكم العافيه على المروووور

upppp

[abdelslam]

وعليكم السلام ورحمة الله وبركاته

كلنا عندنا صفير لكن يجي فتره ويروح

اذا كان استعمالك ثابت في الفرامل يعني لمستك تكون خفيفه عليه نادر جدا مايطلع الصوت

انا اذكر مره طول معي الصفير ومسكت الدائري طبعآ بالليل يكون فاضي الشارع مشيت 180 وضغطت فرامل قوه لكن مو مره يعني بدون مايشتغل الإي بي اس وبعدها ضبطت معي ..