السلام عليكم ..

بالنسبة للكادينزا توها السيارة جديدة ماتدري وش عيوبها وش مميزاتها صحيح مواصفات وشكل أليم وسعر أكثر من رائع بس لحد الآن ما تقدر تحكم انها سيارة ناجحة وانتشارها شبه معدوم وهذا اللي يخوف بعكس السوناتا من أول ما نزلت الناس طاحوا فيها وهذا دليل ان السيارة ناجحة ومرغوبة مع ان الكادينزا أفخم وشكلياً أجود وكل قطع كيا من هيونداي، فـ أنت اذا السيارة عاجبتك رح جربها أو على الأقل اصبر فترة عشان تشوف اذا فيها عيوب أو شيء عشان ما تندم بعدين.

أما بالنسبة للأكورد 2011 صحيح مبالغ بالسعر ولكن زي ما قالوا الشباب جودة وحقت كرف وما شاء الله راسية بالخط والفل عندك متوفره بمواصفات حلوة وما تفرق عن الكادينزا إلا في أشياء بسيطة زي : ( بصمة، تسخين أسيات، ذاكرة للمقاعد، تحكم آلي بالدريكسون، قير f1 ) وزي ما انت شايف كلها تجهيزات فين وفين الواحيد يستخدمها ومن ناحية المحرك فـ محرك الكادينزا أحسن بكثير من ناحية القوة + القير المكون من 6 سرعات طبعاً بيفرق بالعزم أكيد، بس بشكل عام اذا انت حق كرف خذلك أكورد واذا العكس مرة ما انصحك بالكادينزا وبتتعب كثير لأن تجهيزاتها أغلبها اكتروني معقد ولا تنسى انها أول سيارة تنتجها كيا فيها هالمواصفات !!.

ونسيت أقولك قبل فترة حصلت مشكلة اتضح انها عيب مصنعي بالكادينزا على سالفة الاضاءات اللي على الأبواب وانها تحترق وتسوي مشاكل بالكهرب ومن هالكلام حتى وانهم استدعوا أكثر من سيارة لاصلاح العطل !!

بالتوفيق..