طلعة القدية

**الجليـــد** · 01-09-2007, 09:12 AM

السلام عليكم كيف الحال يا اخواني؟ الله يرحم والديكم الي يدخل الموضوع يعطيني رأية ولا يتركني ...

انا معاي اكورد 2007 فل كامل المهم كنت رايح للمزاحمية وانا راجع قلت بأسرع علشان اطلع طلعة القدية وكان الطريق فيه حفريات يعني مسارين بالراحة لكن المشكلة جاء قدامي راعي لاندكروزر الله لا يوفقه يضرب فرامل و احنا في ربع الطلعة و كنت وراه المهم كنت احاول اطلع و صار لي مشكلة ان السيارة بدت تحن وتسمع لها صوت ضجيج و اللي قدامي يرقى براحته يعني كأني راقي الطلعة بالثاني ... لحد ما طلعناها المهم توقعت ان المسألة بتنتهي هنا ولكن احس عزم الموتر مو مثل قبل يعني و انا ماشي احس فزة السيارة تغيرت علي أول من اول ما ادوس يعطيك الموتر ويفز لكن الحين لا صارت تتسارع بالتدريج لحد ما تسرع أو اني اعطيه دوسه قوية علشان يفز .. و يطلع لها صوت ضجيج بسيط ما يعرفه الا انا لاني اقارن بين الصوت قبل و الحين ... المهم يا خواني نخيتكم تقولون رأيكم علشان في تشييك الـ 15000 اقولهم لاني و بكل صدق فكرت ابيها من القهر ...

**just 4 u** · 01-09-2007, 09:25 AM

جاء قدامي راعي لاندكروزر

أي وقت صار لك هالكلام .. الساعة كم تحديداً ؟

**B Useful** · 01-09-2007, 12:54 PM

عادي جدا في طلعة القدية هالكلام ,,,

(( كنت )) اجي من الطلعة من تحت مثبت على 180 ولما اطلع فوق الاقيها 130 ,,,, وصوت السيارة الظاهر انها تكون في السرعة "التعشيق" الثالث والضغط قبل الاحمر ,,,,

لين ما توصل التفتيش ويرجع كل شي مثل ما كان ,,,

**أبو سليمان** · 01-09-2007, 03:44 PM

المشاركة الأصلية كتبت بواسطة just 4 u

أي وقت صار لك هالكلام .. الساعة كم تحديداً ؟

شكلك انت راعي اللاند ;)!

**أبو عــزوز ..** · 01-09-2007, 04:14 PM

أجل وش تقول ب طلعة الغاط .. على خط القصيم ...
الطلعة واقفة أكثر من الجدية ..

**JUVENTUS** · 01-09-2007, 04:17 PM

يطلع لها صوت ضجيج بسيط ما يعرفه الا انا لاني اقارن بين الصوت قبل و الحين

حبيبي الضجيج إللي تقول عنه حنه ولا أيش بالضبط...
بعدين لا تشغل السياره اليوم شوفها من بكرا إذا ماتغير فيها شي نفس الحنه والقومه زفت...
إجدعها على الوكاله وكل شي على الضمان...
أنا صارت لي حنه بس مو من طلعت الجديه...دخلت البحر:dوطلعت صار فيها حنه بس سحبت عليها وزانت من روحها:d...
الوكاله يشوفونها لك ولاتشيل هم السياره باقيه على الضمان

**الجليـــد** · 02-09-2007, 07:49 AM

مشكوربن اخواني على الردود عافاكم الله

**just 4 u** · 03-09-2007, 12:47 PM

#2 (permalink)

المشاركة رقم 2 سـقطت سهواً .. ياليت تجاوبني عليها ..

**الجليـــد** · 03-09-2007, 01:58 PM

هههه في الليل يا جست فور يو في حدود الساعة 11 او 12 عسى ماهو انت

**just 4 u** · 03-09-2007, 02:06 PM

طـمنتـني والله .. أنا خفـت من دعوتـك !! ;)

لا أنا كـنت طالع معها حوالي السـاعة 9 ومعي موتر ثاني ..
وأذكر إني مسرع وعلى عزم ولا هـديت على أحـد لأن المسـار ضيق بسبب الحفريـات
عموماً الله يستر عليك وعليـه راعي الجـيب .. وبشر عسى موتر تـمام الحين ؟