اكورد 2008 - فك الفصله - الله لايهينكم
السلام عليكم
كيف حالكم جميع
وكل عام وانتم بخير
اللي داخل علشان يقول ياخوي السرعه مافيها خير ومن هالكلام اقول له انت على رااااسي من فوق وجزاك الله كل خير
انا ابي اعرف الاكورد تفك الفصله ولا لا ومو من كثر ما اسرع عليها بس اخوي يقول الاكورد ماحطو الفصله فيها الا لان حدها 215 وانا ادري انها تنزل لل 240 وبالراحه
فا ابي اعرف هل في امكانيه لفك الفصله والمكان الله لايهينكم
وجزاكم الله كل خير مره ثانيه
للمره الثانيه اذا انت داخل تنصح اقول جزاك الله كل خير ونتقبل النصيحه بس انا ابي افكها ان شاء الله
شوف بالنسبة للقفلة الطبلون بالنسبة للأكورد هي المشكلة الوحيده بصراحة اللي للأن نفسي افكها
ياخي يكفي كورولا 1800 سي سي يتونس عليك ولو كنت 6 سلندر
والله قوية
المشكلة ذي لفئة 4 و 6
ويقال ان البلوك معمول من القير وهذا اخطر شي يعني تفك الفصلة وتضغط على القير يمكن يولي
والميكانيكية يفتونا فيها
والله ياريت تنفك الفصلة
سيارة سرعتها 260 تمشي 210
قهر
طيب يا الغالي إذا إنت مقهور من إنها تفصل إلى 215 وهيا 6 سلندر
أجل إيش تقول إلى معاه سياره 8 سلندر وتفصل عند 165 وهيا لو إنفكت الفصله تمشي تقريبا من 240 إلى 250
ويوم يمشي بالخط ( يعني السفر ) يتونس عليه الهايلوكس :( هاا إيش رايك
صحيح السرعه ما فيها خير بس إيش تسوي الشيطان شاطر وطيش شباب
أنا أتمني إنوا سيارتي بس تفصل عند 190 أو 200 هذا يكفي بالنسبه ليا وهذا حدي أصلا ولا بعدها قلبي يطيح عند رجولي
وأنا اتمني إنك ما تزعل مني
أقولك تكفي 215 وتوفي في الغرض
هذا رأي الشخصي وأتمني تتقبله
تحياتي لك
انا معك
تدري وش قمة القهر من جد
انو اشتري لي اكورد 2011 سته سلندر ب 132 الف مثلا وثاني يشتري ددسن 2011 ب 50 الف مثلا
وبالخط يتعداني
طيب مو مشكله
خل الددسن تولي ونقول مافيها فخامه الخ الخ الخ
نقول ليه اشتري 6 سلندر دام تفصل على 210 والاربعه سلندر تفصل كذالك على 210 يعني الحين هم مسوين اذكياء الوكاله
جايبين لنا 6 سلندر ومخلينها تفصل زي ال 4 سلندر طيب وش الفايده اشتري 6 سلندر
احسه غباءءء فضيع
اخوي اللي تقول 8 سلندر يفصل على 165 هذا الجمس ومستحيل احد يمشي بسيارة عائله في سفر اكثر من 140
لاكن انا اتكلم عن سياره سيدان مجهزه باحدث وسائل الامان والراحه بعد الله ليه تساويه بسياره قسم بالله مافيه امان ولا شي
اعطيك مثل اخوي معه ددسن موديلها 2004 لاحظ موديلها 2004 يعني مر عليها 7 سنين وما فيها شي غير الوكاله
ومع هذا بالخط يمشي جنبي :( ياخي ليه اروح وادفع قيمه وفيها علشان سياره تفصل 215
طيب ماقلنا شي الاكورد تستاهل القيمه وفخامته وجودتها الخ لاكن هل من المعقول تقول لي ان الاكورد 2011 بما فيها من تكنلوجيا وتطور عن الموديلات السابقه مافيها قير ومكينه قويه واقوى من اللي سبقها
لاحد يقول لي لو شلت الفصله ومشيت 240 يبي يضر القير هذا يلعب على نفسه الا في حاله واحده هي ان الهوندا شركه فاشله وماعندها تطور وجوده في سيارتها
ولد عمي معه كامري 2006 شغال في الحفر وانا ببريده
وكل خميس وجمعه يجي ويرجع وماعمره نزلت سيارته عن 220
ليه قيرها ماخرب ليه مكينتها ماخبطت ؟؟؟ تبي تقول لي لان الكامري افضل جوده من الاكورد
اجل ليه الشعب والمنتشر ان الاكورد افضل من الكامري واقوى جوده وين جودتها اذا ممشى 240 يبي يخرب القير !! شي غير منطقي ياليت احد يكون فهم وجهة نظري
نسيت حتى الفورد يفصل على 165 صح عليك
مع ساهر تفصل على 120
يكفيك إنك لو حبيت تشري سياره مستعمله راح تحصل أغلب السيارات ما جاها كرف ولا مسك خطوط على 180 أو 200
حدها مع ساهر120
ساهر في قلوبنا
صح عليك أنا معاي فورد قراند مركيز وتفصل على 165 ولو فكيت الفصله حتمشي تقريبا 240
وبعدين فيه نقطه نسيتها إلى هيا
الـــــــــــــــــــــــــــــطــــــــــــــــــ ـــــرق عندنا مثل الزفت الله يكرمكم يعني ما تساعد إنك تمشي أكثر من 180
وغير كذا سواقين الشاحنات والباصات يمشون على عماهم هذي أهم نقطه
علشان كذا إمكن إنحطه الفصله في السعوديه خاصه
<<<<يحلف إنه يشوف سيقان المسافر و كنق يتسابقون على الموضوع من اول واحد يسكره :d
هههههههههههههههههههههههههههههههههههههههههههههههههه هههههالمشاركة الأصلية كتبت بواسطة فـــيـــصـــل..607..
اما يسكرونه سلامات مافيه شي مخالف هذا استفسار ؟؟؟ يسكرونه ؟؟ ليه وش المخالف
ثانيا الاخ اللي يقول ساهر وماساهر
ياخوي قلنا اللي يبي ينصح على العين والراس
لاكن حنا نبي حل مانبي نصايح
ماحنا متهورين ونطير 260 لاتخاف الله يصلحك بنصير عاقلين بس نبي نفكها كذا مسكت بالراس ابي افكها ولاني ماشي الا 120
^^^^
الموضوع اشوف انه عادي ومافيه اي اي مخالفه ..!!!
اللي بيمشي 220 هل بتآثر 240 << الفرق عشرين ويمكن اقل !
بعدين بظنكـ ليش دائماً السيارات الاوتو تفصل على سرعه معينه
يعني الكامري الاوتو تفصل على 210 مع ان العادي مايفصل
الالتيمــا الاوتو تفصل ع 220 والقير العادي مايفصل ويوصل تحت 240 !
وهذا حال اغلب الشركآآت ...
اظن السبب القير الاوتو لازم ينفصل عند سرعه معينه قبل وصوله لأقصى ماعنده لآنه بعد كذآ يآثر على عمره اما العادي مااظن تفرق معاه
في نآآس بيفكوا الفصله بالبرمجه وتقدر انت تفكهــا لاكن ممكن تخسر القير !
وممكن ماتخسره << احتمال ضعيف
الحل
لاتفك الفصله لآنه لو فكيتهـا بتفرق معاك فقط 20 كيلو
لاكن بتخسر قير مثل ماسمعت من اللي جربوا
بالتوفيق ^_^
وإذا مهتم بموضوع الفصله وزياده السرعه
بيع السياره واشتر التيمــا قير عادي او اي سياره اخرى 6 سلندر
الله يستر عليكـ اخوي
وعيدكـ مبارك :d
شبآآآآآآآآآآآآآآآآآآآآآب اليابانيين ما حطوا الفصل عبث
اسأل نفسك ليه اليابانيين حطوا الفصل <<< اكيد فيه ضرر على السيارة
فانا من رأيي الشخصي خلك على 210 ولا تخرب سيارتك ولا هم يحزنون
وللمعلومية واحد اعرفه فك الفصل وخرب عليه كمبيوتر السيارة ويوم راح للوكالة قالوا مهب شغلنا انت فاك الفصل
والاكورد اذا فكيت فصلتها ورجعتها ورحت راجعت الوكالة فيه جهاز عندهم يعرفون انك فاك الفصل وعلطول الضمان يروح عليك
تقبلوا مرووووووووووووووري
معلومة على الطاير: في اليابان، السرعة القصوى لجميع السيارات هي 180 كم/ساعة وهذا أمر إلزامي من الحكومة على مصنعي السيارات، هذه صورة طبلون الهوندا ليجيند 2011 كمثال:
عدا ذلك هناك أمور أخرى تتحكم في تحديد السرعة منها قدرة الإطارات على التحمل وديناميكية السيارة وأخرى تتعلق بعمر الافتراضي للأجزاء الميكانيكية، والشركة لا ترغب في وجع رأس يمكن أن ينجم عن تعدي مستوى سرعة محدد ولذا حددت السرعة لتحافظ على العمر الافتراضي لأجزاء السيارة، وهذا لا ينحصر في السيارات فقط فحتى في معالجات الكمبيوتر، يكون المعالج عادةً قادراً على أداء أفضل من مستوى الأداء المبرمج عليه وبإمكانك كسر السرعة ورفعها لأي معالج.
لسبب ما، قررت شركة هوندا فصل السرعة عند 215 كم/127 ميل في الأكورد والسيفيك، باعتقادي أن طريقة اجتياز ذلك تكمن في إعادة برمجة الكمبيوتر فهو الذي يتحكم بإعدادات السرعة ونسب التعشيق.
للاسف الموضوع مخالف لسياسه النادي
يكفي تهور وسرعه وحوادث
* مستحيل تلقى احد يفك الفصله غير الوكاله ..
..
....
ضوابط المشاركة
مواقع النشر (المفضلة)