فك الشبك وراح تشوف البوري طبعآ خذ حذرك لاتنكسر الكلبسات واذا تكسرت يقولون رخيص بالوكالة

1- افصل البطارية

2- افصل السلك تبع البوري

3- فك البوري وطلعه واقرب بنشري انفخه هواء

4- في البيت عطه المقسوم بالهوز لين يقول بس من المويه ونشفه زين

5- اذا ركبته ومافي فايده الصوت رايح فيها راح تحتاج تلعب بالوزنية تبع الصوت لين يضبط معك

اذا ماعرفت للوزنية ركب البوري وروح لكهربائي ولا تركب الشبك وقوله اون البوري واذا خلص عطه 10 ريال وركب الشبك واستمتع

انا المرة الأولى الوزنية ضبطت معي بكل سهوله لكن المرة الثانية جنني كل شوي اوزن فيه لين وزنته بشكل حلو بس ماعطاني احساس انه قوي وتركته وبعدها بيوم ضبط وصار صوته قوي وممتاز وخلال اسبوع زكم شوي من كثر المشاوير لكنه لابأس بصوته

يعني لو ركبت جديد كان كل شهر بركب غيره بس خلني احلل هالبوري الين يقول بس

وترى اللي يخرب دايم اللي في اليمين واللي توزنه اللي في اليمين بعد