الفزعة جلد المقعد مقطوع والاسفنج ظاهر فين الآقي محل يصلحه

***الأكوردي*** · 23-11-2010, 09:41 PM

سلام
انا عندي اكورد 2003 فل وأكيد عارفين بأن المقاعد الجلد لها عمر افتراضي المهم يا أخوان جلد سيارتي كله سليم ما عدا مقعد السائق مقطوع من تحت كأنه مأكول بقعة دائرية أما بقيى المقعد والظهر سليم تماما المهم رح زاهي الألوان قالي لازم أغير جلد الكرسي كامل قلت له كذا يسير غالي قال مافي غير هذا الحل مريت على الصناعية وأغلبهم قالي لازم يغير جلد الكرسي كامل وأنا مشكلتي بقعة دائرية فقط الرجاء منكم مساعدتي وايفادتي بمحل في جدة يحل مشكلتي لكم شكري وتقديري

***الأكوردي*** · 23-11-2010, 11:08 PM

يا أخوان الردود
..........................

**ابو مهند** · 24-11-2010, 04:14 AM

فيه حل ثاني لاكن هالحل اذا كان ارخص فهو افضل لك انك تاخذ مرتبة من التشليح اذا كان سعرها اقل من تنجيد مرتبة كاملة لاكن زي ماقلت لك لو كان هالحل ارخص

**A7MAD11** · 24-11-2010, 05:17 AM

والله مدري لكن روح لكيلو 2 احسن من محلات الصناعيه وان شاء الله تلاقي عندهم الحل

**enad jeddah** · 27-11-2010, 01:15 AM

ياعمي حطلك سجااده مؤقتا ولا في تلابيس جاهزه في اكثر من حل

**gσℓ∂ нєαят** · 27-11-2010, 12:58 PM

يابويا لو انتا من جده ..
روح لمحل في العمارية أسمو أبو محمد ..
وراح يزبطك باقل الأسعار ..
ومعروف والكل عارفو
وغير كدا انا مجرب

***الأكوردي*** · 28-11-2010, 01:28 PM

المشاركة الأصلية كتبت بواسطة gσℓ∂ нєαят

يابويا لو انتا من جده ..
روح لمحل في العمارية أسمو أبو محمد ..
وراح يزبطك باقل الأسعار ..
ومعروف والكل عارفو
وغير كدا انا مجرب

ما عليك امر ممكن توصفلي المكان بالتفصيل
لك شكري وتقديري

**gσℓ∂ нєαят** · 30-11-2010, 08:01 PM

المشاركة الأصلية كتبت بواسطة *الأكوردي*

ما عليك امر ممكن توصفلي المكان بالتفصيل
لك شكري وتقديري

من عيوني

شفت ياحبيبي تدخل من مواقع القشله .. اللي بجنب الشرطه العسكريه
وتتجيه جهة فندق البرج تلاقيه قدامك ..
فيه زوق صغير بجنب البرج تدخل منو وتطول على طول الين
مايصير المحل في وشك ( اسمو أبو محمد )
اتفق معاه .. وكل حاجه
وبعد مايديلك السعر قلو أنا جايلك من طرف صاحب الهوندا الرصاصية اللي عملتلو المقاعد جلد
شوف كم يخصم لك ..
واي خدمه انا حاضر