بسم الله الرحمن الرحيم

السلام عليكم ورحمة الله وبركاته
بداية أحب أشكر أخوي مشاري الصراحة ما قصر معنا و وفر الإكسسوارات بأنسب الاسعار لكن البعض هداهم الله ما يعجبهم شي, لك كل الشكر يا ميشوو, و أيضا لك كامل الحرية في استخدام هذا الموضوع بالطريقة الي تعجبك.




مثل ما ذكرت بالعنوان ان التوصيل حيكون بدون تجريح للأسلاك وبطريقة سهلة وبسيطة إن شاء الله, كل الي علينا إننا نمد سلك من اللمبة الداخلية الى العتبات, و أنا بحاول أخلي التقرير على شكل خطوات وإن شاء الله تكون واضحة, طيب نقول بسم الله و نبدأ بالمشروع.


1- نثبت العتبات في مكانها ونفك الديكور مثل الصورة.



2- نمد سلك العتبات من تحت جلد الباب.


3- نفك الجلدة من المكان الباين في الصورة بشكل جزئي عشان نقدر نفك الديكور الداخلي.


4- بعد فك الجلدة نسحب الديكور وينفك بكل سهولة ( لا تخاف كأنك تفك علبة برنقيلز :d ).


5- الآن يجي دور فك اللمبة الداخلية, فيها اربع مسامير نفكها وتطلع معنا بسهولة.


6- بعد فك اللمبة نوصل سلك من المكان الموضح بالصورة.


7- نمد السلك ونطلعه من الجهة الثانية و نخفيه تحت الديكور .

8- نوصل السلك الممدود بسلك العتبات ونلفه بتيب.


9- في قطعة ديكور بلاستيكية نسيت اصورها تجي بين البابين نفكها ونمد السلك للعتبات الخلفية.


10- نوصل السلك بالعتبات.


11- أخيرا نرجع كل شي مكانه ونستمتع بالنتيجة .




 الشرح كان موضح الجهة اليسرى فقط, طبق نفس الخطوات على الجهة اليمنى.

ميزة توصيل العتبات الى اللمبات الداخلية هي التحكم فيها حسب الرغبة, مثلا اذا حطيت اللمبات على الإختيار DOOR العتبات تشتغل عند فتح الباب مع الانوار الداخلية, واذا حطيتها OFF العتبات ما تشتغل.

وبكذا نكون خلصنا التقرير, سامحونا على القصور وداري ان الصور مو كافية لأن الشغل كان بشكل سريع, لكن الي حاب يسأل حياه الله.