بخصوص ورشه بالاحسا لتغير زيت القير والفلتر

**albo2003** · 26-11-2010, 02:04 PM

السلام عليكم ورحمة الله وبركاته
انا شريت اكورد موديل 2008 وماشيه 78 الف حبيت اعرف ورشة ممتازة تغير الزيت بالاحساء مع الفلتر وهل اغيره دفعه وحده يليت اهل الخبرة ومكان لشرا الزيت مع الفلتر مكان قطع ممتاز بالشارع الملكي

ولدي استفسارات علي الطاير بخصوص الاكورد عندي

عندي لمبات المكيف طافيه تقريا جميعها وابي اغيرها وابي ورشة ثقة وممتاز ورخيص ههه
وعندي صوت طرمبه الدكسون وابي ورشة لتغير الاصلاح
وطلعت لي مشكله البارح لما اقفل السيارة او افتحه بالريموت كانت تنور لمبات الاشارات الحين ماعاد تشتغل والله كل يوم مشكله هههه ماعليش تحملوني تحياتي بواحمد *

**just ACCORD** · 26-11-2010, 02:14 PM

المشاركة الأصلية كتبت بواسطة albo2003

السلام عليكم ورحمة الله وبركاته
انا شريت اكورد موديل 2008 وماشيه 78 الف حبيت اعرف ورشة ممتازة تغير الزيت بالاحساء مع الفلتر وهل اغيره دفعه وحده يليت اهل الخبرة ومكان لشرا الزيت مع الفلتر مكان قطع ممتاز بالشارع الملكي

وعليكم السلام والرحمه > الف مبروك على السياره والله يطعمك خيرها ويكفيك شرها

بالنسبه للورش اذا تبغا زي شغل الوكاله وسعرها تقدر تروح الكفاح الموزع الي في الاحساء موقعه صناعيه الاحساء ورشه الكفاح

او تروح ورشه السنيديه الي تقاطع شارع المزروعيه او الي موجوده في السلمانيه

ولدي استفسارات علي الطاير بخصوص الاكورد عندي

عندي لمبات المكيف طافيه تقريا جميعها وابي اغيرها وابي ورشة ثقة وممتاز ورخيص ههه

يبي لك كهربائي ممتاز وشغلها بسيط اتوقع اي محل مسجلات او كهربائي يقدر يصلحها لك
وعندي صوت طرمبه الدكسون وابي ورشة لتغير الاصلاح

ورشه الشامي صناعيه الاحساء او الابراهيم
وطلعت لي مشكله البارح لما اقفل السيارة او افتحه بالريموت كانت تنور لمبات الاشارات الحين ماعاد تشتغل والله كل يوم مشكله هههه ماعليش تحملوني تحياتي بواحمد *

نصيحه شيك على كهرباء الموجوده في السياره يمكن فيها مشكله

او مجرد فيوز

**accordyon** · 26-11-2010, 04:04 PM

اشتر الزيت مع الفلتر الخارجي من محل قطع الغيار وافضل محل هو البراك في الصناعية
وغيره عند اوتو سيرفيس شغلهم نظيف ومضمون
وبالنسبة للمبات المكيف روح محل تصليح مسجلات اعتقد محل سفاري كويس
واصلاح علبة الدركسون بعد اتوسيرفيس يشوفها لك
بالنسبة للأشارات ماراح تنور مع التقفيل الآ لما تكون جميع الأبواب والكبوت والشنطة مقفلة تأكد من قفل الشنطة والكبوت زين
نسيت اقولك مبروك عليك السيارة يعطيك خيرها ويكفيك شرها

**albo2003** · 26-11-2010, 04:48 PM

من جد لساني يعجز عن شكركم ومن جد اعضاا مميزين واجابات سريعه

بس استفسار بخصوص زيت القير هل اغيره كلها او كيف طريقته لان السيارة ماشيه 77 الف ابي مكان ممتاز ويكون سعره معقول ويليت احد منكم غيره عند ورشة عشان يكون عارف شغلة وعذرا علي الاطاله

**Accord_2005** · 26-11-2010, 04:50 PM

هلا فيك يالغالي

شف أي عطل او أي تغيير صلحه خارج الوكالة إلا زيت الجير لأن مافيه أحد يتقن الشغل مثل الوكالة بالجير و كثير يلي غيروا زيت الجيربوكس خارج الوكالة وجاتهم مشاكل بالجير بسبب عدم تركيب الجير بالطريقة الصحيحة و الخلاصة اشتر الزيت مع الفلتر من الوكالة وغيره عندهم وترا سعرهم في التغيير مناسب

وسلامتك ،،،

**albo2003** · 26-11-2010, 04:50 PM

الله يبارك فيكم ومن جد احس نفسي بين اخواني جد اشكركم وماقصرتووا

**المباشر** · 26-11-2010, 07:22 PM

المشاركة الأصلية كتبت بواسطة accordyon

اشتر الزيت مع الفلتر الخارجي من محل قطع الغيار وافضل محل هو البراك في الصناعية
وغيره عند اوتو سيرفيس شغلهم نظيف ومضمون
وبالنسبة للمبات المكيف روح محل تصليح مسجلات اعتقد محل سفاري كويس
واصلاح علبة الدركسون بعد اتوسيرفيس يشوفها لك

المشاركة الأصلية كتبت بواسطة albo2003

من جد لساني يعجز عن شكركم ومن جد اعضاا مميزين واجابات سريعه
بس استفسار بخصوص زيت القير هل اغيره كلها او كيف طريقته لان السيارة ماشيه 77 الف ابي مكان ممتاز ويكون سعره معقول ويليت احد منكم غيره عند ورشة عشان يكون عارف شغلة وعذرا علي الاطاله

الله يعطيك خيرها ويكفيك شرها والغالي اكورديون افادك بخصوص الورشة ولاتنسى الزيت اصلي تبع هوندا بس لاتحط غيره