يعني معقولة الصوت ما يطلع الا لما جا الشتا ؟ وقبلها كل السيارات كانت ماتطلع اصوات والحين يقولوا المهندسين ان جلده علبه الدركسون تعبت ؟؟ كل هالسيارات تعبت جلدتها في وقت واحد ؟

شوفوا ردي في احد المواضيع المنتشره في القسم

اقتباس المشاركة الأصلية كتبت بواسطة accord v6 cup مشاهدة المشاركة
لا هدا صوت باور السياره

طرمبه زيت الباور الي تطلع الصوت لما تحرك الدركسون .. كل هدا بسبب كثافة الزيت في البرد تزيد كثافته الزيت تخلي السيركليشن بطيء حتى لما تفتح علبة الباور تشوف الزيت ما يدور ..

لما تسخن السياره يمكن تستمر المشكله لين ما زيت الباور يسخن ويروح الصوت ...

الشباب قالوا علبه الدركسون او عمود الدركسون .. اصحح لكم المعلومه .. العلبه و العمود يختربوا بسرعه لما تتواصل المشكله .. يعني ...

من اثار نقص زيت الباور خراب علبة الدركسون و العمود ..

ليش هالمشكله تصير في الاكورد في الخصوص ؟

انا جربت البي ام دبليو و الفورد ماشفت مثل دي المشكله .. لكــن الارجح ان احدى مواصير زيت الباور في ماصورة حديد ضعيفه اضعف من غيرها في السيارات الثانيه

كل ما ضاقت كل ما صار السيركليشن للزيت اسرع و كل ما كان اسرع كان احســن للاداء

لكن تسبب مشكله الزيت دي ..


اولا درجه الحراره تأثــر في كثافة الزيت مثل ما قلت سابقا

ثانيا الزيت الباور يتوسخ مع الوقت ويحتاج تبديل ..


الحل ... انك تبدل الزيت و تاخد زيت ممتاز .. انا حاليا ابحث عن نوع زيت ممتاز بس مو فاضي هاليومين شغلي زحمه

وحط في بالك شي مهم ... عشان لا تخترب علبة الدركسون و عمود الدركسون ... ادا سمعت صوت الباور عليك بالاتي :

- لا تلف الدركسون و السياره واقفه كليا .. خلي السياره تتحرك .. بعدين تلف .. الصوت ما يطلع والسياره تتحرك لان تقل المقاومه .

- اوعى اوعى تطفي السياره وانت كاسر الدركسون .. دايما لما بتجي بتطفي السياره خلي كفرات السياره طبيعيه لا يمين ولا يسار والدركسون في الوسط .

- دام الصوت موجود وانت تمشي بالسياره حاول انك ماتكسر الدركسون .. و ما تداعس بالموتر .. قد ما تقدر خلي ضغط المكينه اقل ما يكون ...

كل ما ارتفع ضغط المكينه يعني زاد عدد دورات المكينه زادت سرعه السيور الي تدور البكرات .. احدى هالبكرات هي طرمبه الباور الي تلف بدون زيت كافي ... يا انها بتهرب زيت بسيط او بتنفجر وبتخر الي في بطنها كلها .



بدون ما تبدل زيت الباور او تغير شي الشغله مؤقته وماهي خطيره ادا عرفت تتعامل معاها ...


طبعا انا اتكلم عن المشكله باعراض انه الصوت يطلع في ساعات الفجر الاولى لما برد الوقت ... حزات الظهر مايطلع الصوت ادا كانت الشمس حاره شوي ...

اكثر وقت يطلع فيه الصوت هو الفجر ... بس باقي اليوم تكون طبيعيه مايطلع فيها صوت ...


ادا كان الصوت متواصـــل معااااك ما يختفي هدا يعني ان عندك ضرر حاصل في تسليكات الباور .. يا ان الطرمبه زعلت واختربت .. او تهريب في مكان .. او لعبه الدركسون قضي عليها ...

تلاحق و صلح ... لان المواصير الحديد تتلحم لو كانت تهريب ... والخرطوش يتبدل .. الطرمبه تشتري ليها قطع اصلاح يمكن بـ 50 ريال واشرات بلاستيك بس علبه الدركسون يبي لها كبس اهواز بديك الحسبه ..

احذر ياخوي .... معا يدا بيد في حمله " دلع موترك "

وسلامتكم