رد مع اقتباسوالله وانا نفس الحال ومادري وش اسوي بصراحه قيمتها غاليه ..
والصوت مره قوي ..بحاول اصلحها على الضمان اذا مارضو بسوي اصلاح وامري لله
طرمبة الدركسون 2007
السلام عليكم ورحمة الله وبركاته
كل عام والجميع بخير
الاربعاء الماضي مريت الوكالة وقلتلهم عن مشكلة صوت في الطرمبة حق الدركسون مع تشغيل السيارة وبعد ما تسخن يروح الصوت وفيه تهريب بسيط للزيت قالي هذي المشكلة لا بد من تغيير الطرمبة قلت توكل على الله غيرها قال تكلفك حدود 2800 ريال :d:d قلتله لا لا تغير الماكينة غير الطرمبة بسه الله يصلحك أهو :d قلتله وش يضحك قال لا الطرمبة قيمتها 2800 ريال قلتله هذي ما هي قطعة استهلاكية كيف تخرب بالكامل وليش ما هي مشمولة بالضمان أكيد إنها عيب مصنعي سكت ووطى راسه قال هذا اللي عندنا تبي تصلح والا... واحد ثاني معي معه 2008 نفس المشكلة قاله إنت بنسوي لك اصلاح للطرمبة يكلفك حدود 500 ريال قلتله وانا قال ال2007 لا زم يتغير كامل.
قلت مالك الا الحبايب في المنتدى الوكاد ان عندهم حل لهذه المشكلة المبلغ مرة مبالغ فيه والصوت مزعج ومع البرد بداى يزيد وش تشورون علي....
والله وانا نفس الحال ومادري وش اسوي بصراحه قيمتها غاليه ..
والصوت مره قوي ..بحاول اصلحها على الضمان اذا مارضو بسوي اصلاح وامري لله
والله هذه مشكلة بالاكورد وكل اصحابي كدا مدري هوا عيب والا وشو
انا سيارتي 2005 اكورد 2600 ريال قيمة الطرمبه بس ماغيرتها قلتلهم اصلاح وخلاص بس برضو مع الاصلاح كل اسبوعين لازم ازود زيت يعني اخف من اول يبغالنا نقدم شكوى للشركة من دا العيب مو معقوله اغلب السيارات صار فيها عطل الطرمبه كدا وربي سدت نفسي الاكورد كل شويا مشكله طرمبه ودحين السنتر لوك والله اعلم وش باقي الله يستر بس
اليوم رحت مرة ثانية للوكالة وتناقشة مع المهندسين وذكرتهم بأن هذا ظلم وانه عيب مصنعي لكن ما باليد حيله المهندسين يقولون ليست من صلاحيتنا عمل ذلك لا بد من توجيه الادارة العليا بالشركة...
ونهاية الكلام يا تغير الطرمبة ياتغير الطرمبة ما في حل.
عليه العوض ومنه العوض
حسبنا الله ونعم الوكيل
شباااااااااااااب كل هذا كلام مهندسين يبغون فلوسكم في اكثر الاحيان اصلاح المشكلة لا يكلف 7 ريال فقط
في الطرمبه كوع لونة اسود فيه مسمار مقاس 10 تفكة تلقى تحته جلدة قيمتها7ريال تغيرها تنتهي المشكلة ويروح الصوت
انا صار معي وغيرتها وراحت المشكلة وراح الصوت
وكمان عندي واحد من الشباب عندة اكورد 2008 وغيرت له الجلدة وراحت المشكلة وراح الصوت
ملاحظة /لو غيرت زيت الدركسون يكون افضل بس لازم يكون اصلي من هوندا.
وان شاء الله راح اجيب لكم صورة الكوع المذكور
ولا تحرمونا من دعواتكم
الصورة موجودة في موضوع
http://www.hondaarabia.com/club/t42735/
مساء الخيرات
انا كان عندي نفس المشكله بالضبط ورحت للورشه طبعا عميل سابق وغير ت الاصلاح كامل مع الجلد
والحمد الله راح الصوت والتهريب
انا كان عندي تهريب في علبة الدركسون واصوات من عندها
اخذت طقم اصلاح بعد الخصم طلع 352 ريال وديتها عند عميل
لي تركي في تبوك شغل يده 600 ريال واخذت علبة زيت دركسون
يعني وصلت الى حوالي 952 ريال بس صراحه ماعاد اسمع لها صوت بالمره
ونقص الزيت راح ولله الحمد
حسب ما فهمته من المهندس بالوكالة ان بعض الموديلات من 2008 وفوق بالامكان عمل اصلاح للطربمة أما مادون ذلك تغييييييييير
حسب الله عليهم
واللله انا بجده واكثر من ورشه قالو لى ماتتصلح لازم تغير ...عندي تهريب بسيط جدا بس صوت الحنه قووويه والطاره عادي مو ثقيله ....
بس ان الصوت مزعجني مررره واي احد يطلع معي يسمع الصوت يقول 2009 وصوت بالمكينه بتنفجر
الى يعرف لى ورشه بجده وشغلها عدل يرسلى على الخاص تكفوووون
يعني معقولة الصوت ما يطلع الا لما جا الشتا ؟ وقبلها كل السيارات كانت ماتطلع اصوات والحين يقولوا المهندسين ان جلده علبه الدركسون تعبت ؟؟ كل هالسيارات تعبت جلدتها في وقت واحد ؟
شوفوا ردي في احد المواضيع المنتشره في القسم
المشاركة الأصلية كتبت بواسطة accord v6 cup
وسلامتكم
السلام عليكم ورحمة الله وبركاته
بخصوص طرمبة الدركسون مع العلم ان الموتر موديل 2005وتذكرون عام 2007 قالو
في عيب مصنعي في الدركسون اغلب الناس غيرو لهم مجاني وانا واحد منهم
المهم انا
طلع عندي صوت قبل شهر صوت حنه غريب
وديتها الوكاله بالجبيل امس بعد مازاد الصوت بشكل خطير اتصلو علي قالولي عندك
طرمبة الدركسون يبيلها اصلاح
ويكلفك شغل اليد 192 والقطعه 250 ريال
حبيت اخذ رايكم واعرض لكم اخر مستجدات مشكلة طرمبة الدركسون
السلام عليكم الاخ طلال لوسمحت اسم الورشه الي بتبوك الي صلحت عندهم ولكم خالص شكري
يعني كل الشباب ما اقتنعوا بتغيير الجلدة اللي تحت الكوع الموجود في الطرمبه رغم ان قيمتها 7ريال بس
دام عندكم فلوس زايده الله يقويكم عطوها للورش والشركة
الطرمبة فيها عيب مصنعي لا بد من تغييرها بالكامل ولكن اللي ما عنده قيمتها يسوي لها اصلاح مؤقت ويبدأ يخش جمعية من 3000 ريال عشان يسدد قيمة القطعة وشغل اليد
ضوابط المشاركة
مواقع النشر (المفضلة)