الموضوع: شمعات النور العالي

اخوي تاكد من علبه الفيوزات لان المشكله مرت علي وكان من علبه الفيوزات

شكرا على مرورك
بصراحة انا قبل لا أنزل الموضوع بحثت في المنتدى و شيكت على علبة الفيوزات والحمد الله سليمة والفيوزات مافيها أي مشكلة لأني جربتها في مكان ثاني

تسلم الله يعطيك العافية سلطان

والله شوف أخوي اللي أعرفه إنه عيب مصنعي في المديلات من 2003-2007 وهذا شي طبيعي , وأنا مكلمك عندي نفس المشكلة لكن لا حل إلا تغير علبة الفيزوز (( لفيت بها في الرياض و الشرقيه و يجونك يتفلسفون ويلعبون بالعلبه وآخر شي يقولك خربانه )) على العموم علبة الفيوز غاليه تقريباً حلو 800 من التشليح و 1800 من الوكالة , فيه حل ثاني لكن ما جربته لانه يبيلة كهربائي شاطر الللي هو (( يمد سلك مباشر من العالي إلى البطاريه إلى زر يكون داخل السيارة بكذا يكون العالي منفصل " طبعاً لازم يحط كتاوت بين الشمعة و البطارية عشان أي إلتماس يصير في الكتاوت )) طبعاً ممكن يكلفك 150 - 250 طبعاً مع الضمان ::

زي ما قلت لك ما قد جربتها لكن واحد كهربائي قالي عليها ::

وهذي روابط تثبت إنه عيب مصنعي :
http://www.hondaarabia.com/club/t20352/

http://www.hondaarabia.com/club/t15297/

http://www.hondaarabia.com/club/t7965/

___________________________________________

وأعتقد إذا موترك ماشي أقل من 120000 الف يغيرونه لك الوكالة بلاش << مو متأكد ::

وتقبل مروري

الله يعطيك العافية أخوي سام 6 ومقدر تفاعلك
بالنسبة لعملية التمديد ما أتوقع اني راح أغامر وأسويها مش لأنها ماراح تظبط بالعكس بس لأنها ماهي طريقة سليمة وستاندرد.
وبالنسبة لأنها عيب مصنعي هذا شئ متوقع بس السيارة صارلها معي (الله يحفظها) ثلاث سنوات ونص وعمرها ماصارت معي (ولله الحمد) عشان كذا انا مستبعد عملية التغير لعلبة الفيوزات.
طبعا انا راح اجرب الحلول واحد واحد وان شاء الله تظبط بدون ما نضطر نغير علبة وله نقصقص ونمدد اسلاك.
واسفين على الإطاله

حياك الله اخوي وما سوينا شي , و وبالنسبة لوقت التعليق ما أدري وش اللي يتحكم به أنا تقريباً بعد سنتين علق معاي النور وأنت بعد ثلاث فما أدري إيش السبب ممكن الإستخدام ؟؟

على العموم بلغنا بجديدك والله ييسر أمرك ::

صارت المشكلة هذي معي , ووديتها لكهربائي وركب كتاوت خارجي والحين ماشاء الله مافيه تعليق .

الله يسر أمر الجميع ان شاء الله وشكرا على تفاعلك