شريت مساعدات أمامية للأكورد بـ2400 ومانفع !!
السلام عليكم ...
القصكة ومافيها .. إني يوم من الأيام رحت أبي أغير كفرات عند واحد أبو يمن ...
المهم الرجال رفع السيارة بعفريته من الأمام عشان يغير الكفرين اللي قدام ... بعد ماخلص نزل العفريته بسرعه (( يعني طش السيارة على الأرض بقوة)) ... المهم السيارة بدأت تنقز في الخط .. يعني كأني قاص اليايات حقت السيارة - طبعا اليمني بعد ماتهاوشت معه سامحته لوجه الله - ... رحت للوكالة عشان يكشفون على السيارة ... طبعا بعد ماعطيتهم 400 ريال قال لي المهندس إن الغاز اللي بالمساعدات معلق في أعلى المساعد وأنه احتمال بعد فتره ترجع زي ماكانت ... المهم بعد مامشيت عليها اسبوعين رجعت السيارة يعني تعدلت لكن صارت أقسى في المطبات وبشكل زايد وغير طبيعي المهم بعدها بفتره 0 تقريبا سنة - رحت للوكالة وغيرت مساعدات أمامية كاملة مع اليايات وبسعر 2400 ريال للأكورد 2007 v6 ... بعد ماركبوها خرجت من الوكاله أبي أجربها وانصدمت إن ماتغير شيء يذكر ( تحسنت تقريبا بـ 10 % ) ... ماني عارف وش المشكله بالضبط ... أحيانا أخذ سيارت أخوي أكورد 2009 وماشاء أريح من سيارتي بكثير ... فرجاااااااااااااااااااء شديد اللي يعرف المشكله بالضبط يفيدني
وآسف على الأطالة ...
مشكلتك عويصه شوي وليه تسامح ابو يمن صدقني هذا السبب اللي خلاهم يتمادون علينا هنا تصدق مره كنت عند بنشري اسوي ترصيص للكفر وشاف اللوحه الخلفيه مايله يبغالها تثبيت قال بسويها لك قلت اوكي قام وكسر ايطار اللوحه اللي يجي مع الشنطه قلتله الله لا يهينك حساب الايطار قال ما عندي ومن هالكلام رحت جبت دوريه وما فكيته لين عطاني 800 ريال قيمة الايطار مع التركيب اما شغلة اسامح ومدري وش هذي عاف عليها الزمن
ممكن الجلد يبي لها تغيير ..
والله اني اعاني من المشكلة هذي ومطنشها
حياك الله ...المشاركة الأصلية كتبت بواسطة no e7tkak
بس السيارة مافيها أي صوت أبدا ... السيارة في الخطوط الطويلة من أفضل مايكون ... لكن في المطبات اللي في الخط ولو كانت عادية تكون قاسية جـــدا ...
أرجــــــــــو الإفــــــــــــــادة
up
فيه شكاوي بالنسبة لسيارات الهوندا اكورد في المساعدات الامامية
ان نظام الاكورد في المساعدات هيدروجين مع زيت بغرف منفصلة واللي يصير انه يعلق بعد فترة لانه نظام داخلي يجمع بين الرياضي والمريح لان التعليق الرياضي من خصائص المساعدات الغازية والراحة من خصائص المساعدات الزيتية
اللي يصير ان اللي يغسل سياراتهم بستم في الهوندا اكورد مرات كثيرة ويرفع السيارة للصيانة مرات كثيرة في الوكالة يخرب عندهم في المساعد الداخلي اللي هو القلب واللي يصير ان السيارة تصير قاسية الين تركب مطب بقوة وتلين معك
حاول تبتعد عن غسل البستم اكثر من مرة واحدة في الاسبوع فقط وحاول انك تكون ملاحظ لاي قساوة مزعجة للمساعدات بعد خروجها من الصيانة في الوكالة
يوجد شكاوي من هذا النوع كثير لدى الوكالة وللمعلومية في مثل مشكلة الاخ لا يوجد تهريب ولا شي بالنسبة للزيت انما التهريب والتعليق هو بنظام الغاز داخل المساعد ومن المفروض يعتبر عيب مصنعي
قريبا اكيورا فخر صناعة هوندا الامريكية على هوندا العربية
اكيورا RLX 2013
شكرا لك أخي بلال على المعلومات المفيدة ...
طيب هل تعرف مساعدات للأكورد 2007 v6 غير المساعدات الأصلية حقت الوكالة تكون أريح وألـــين ...
وتكون مساعدات زيتية لا غازية ...
شكـــــــــرا مقـــــــدما ...
عندي نفس المشكله بسيارتي قساوه مع المطبات الصغيره وفي السفر والخطوط الطويله السياره مريحه
اتوقع المشكله من جلد المساعدات bush وهي تكون 2 لكل مساعد لان المساعدات عندي ماتحتاج تغيير
بخصوص موضوع الراحه مافي اريح من مساعد الوكالة
الحقيقه انا شريتهم بس للحين ماغيرتهم عشان اعطيك العلم الاكيد
ننتظر افادة البقيه
ياشباب هل ممكن تكون المشكله من الكفرات ...
لأني أنا مغير مقاس الوكاله من 205/60/16 إلـــى 225/55/16 ... <---- الكفرات نوع بريدجستون تورانزا GR-90
والسيارة ماتوضح قساوتها إلا إذا أكلت مصب طالع عن الأرض شوي ( يعني مو في الحفر) يعني مثلا مكان مايخلصون من الحفريات يسون زفلته أي كلام تجيك طالعه عن الخط ...
أرجو الإفاده ....
^^^^^^
احتمال كبير يكون من الكفرات بحكم انو ارتفاعهم صار اقل وبكذا راح يقل امتصاص الكفر
للمطب وبيصير اقوى ع الجنط نفسه
عموما البريجستون اقسى بشوي من غيره مثل التويو والدنلوب وغيرها
انا معي السياره نفس الطريقه قاسيه مع المطبات الصغيره
اول ماشريتها كان العداد ماشي الف110 كيلو والسياره مريحه مررررررررره
بعد استخدامي لها
وصل العداد 130 الف راحت الراحه
غير مريحه مع المطبات الصغيره والحين ماشيه 178 الف كيلو
نفس الطريقه لم يتغير شي
وديتها للورش كلهم قالو مافيها شي
المساعد اذا خرب تسمع صوت مع المطبات دام ماتسمع صوت خلهها
والحين نفس ماهي
انا اتوقع عيب مصنعي في المساعديات
لان اللي شايفه من شركة هوندااا
دايم تتميز عن الغير بكل شي
ماتقلد تويوتا ونيسان بسياراتهم وقطعهم
بعض قطعها فيها عيوب
مثل ما قلت لك اخي الكريم هذا صمام الغاز اللي بداخل المساعد انكسر او انعوج ويعلق الغاز في النزول لذلك تلقاها ناشبة وقاسية
وبعد مشيك على الطبات القوية بقوة ترجع تمام وبعدها كل ما ترفع السيارة تجيك نفس الحالة
والشكاوي كثيرة منها وخصوصا في الوكالة يصير وهقة لما يرفعون السيارة فوق لاجل الصيانة وينزلونها وتنشب ويرجع الزبون على
طول يقول المساعدات قاسية جدا وهذا بسبب تعليق الغاز
يعني ياشباب الورش ما يدرون الكلام هذا ابدا ولا كل اللي في الوكالة يدرون عن هذا الشي
لان المساعد لا يطلع له صوت ولا يهرب منه زيت ويرجع من نفسه ولو تروح الورش ما افادوك
قريبا اكيورا فخر صناعة هوندا الامريكية على هوندا العربية
اكيورا RLX 2013
انا نفس الشي ركبت كفرات غير عن مقاس الوكالة وبعد فترة انواع الازعاج والرجة ورديت وركبت نفس مقاس الوكالة والحمدالله راح الازعاج والقساوة
هلا فيكم يا شباب:
التعليق الرياضي و الكفرات 55 او اقل بتكون قاسية حتي تعطي ثبات في السرعات العالية والمنعطفات
و معروف ان الاكورد قاسة عن الكمري و الالتيما
لكن طبيعي ان المساعد الجديد للاكورد يكون قاسي
كما اني لاحظت شي شائع في الهوندا: ان هنا مرحله متوسطه قبل خراب القطعه ووقت التغيير يعتم على المستخدم ان كان دقيق ولا مش بتفرق معاه طالما لاسيارة بتمشي
يعني .... كراسي المتور تعمل رعشه وتروح للميكانيكي يقول الكراسي سليمه
طلمبة البور تعمل صوت طيارة وهيه سليمه
المساعدين تخشن أو تنعم
طبعا كل الحالات دي الميكانيكي لا يره فيها مشكله ودري مشكله الناس الدقيه الى بتفرق معاهم الصغيرة قبل الكبيره
صاحب الموضوع كانك تتكلم على سيارتي بظبط نفس المشكله عندي
لا يوجد احد في وكالة هوندا في السعودية يعلم عن العيب هذا وهو قساوة المساعدات
وانا اخطيت في تحليلي للمشكلة انها من كثرة الرفع وهذا خطأ
اتصلت على موظف في صيانة سيارات اكيورا في الولايات المتحدة بحكم ان اكيورا هي هوندا
ونفس المساعدات الحين كانت تستخدم على الجيل السابق لاكيورا tl وايضا اكيورا tsx
وقال لي ان مساعدات الاكورد غاز وزيت مثل ما شرحت لكم قبل يا اخوان
واللي يخلي المساعد يعلق بدون سبب هو انه فيه عيب في الصمام المتحكم بتدفق الغاز من اسفل الى الاعلى والعكس ويعلق الصمام هذا وبالتالي تصير قاسية جدا
سببه هو الركوب القوي للمطبات او النزول القاسي للحفر بالصدفة او بالقصد او سوء استخدام
وممكن يجي من اول مطب قاسي وهذا يعتبر عيب مصنعي لكن محدود وما رصد له ريبورت خاص فيه
هذا اللي صاير وبالتالي الحل هوا استبداله
والوقاية هو الانتباه للطريق والتنبه للحفر والمطبات القوية يعني حاول تمشيها بسرعة خفيفة
قريبا اكيورا فخر صناعة هوندا الامريكية على هوندا العربية
اكيورا RLX 2013
والله حتى انا سيارتي مجننتني
وربي من جد قاسيه وربي تحس بالمطب
وفي واحد من مساعدات فيه زيت خفيف بس مرة ما في تنقيز والحمدلله
حتى كرهتها صرت اشيل سيارة الوالد 96 الاوديسي ماشاء الله ولا تحس بشئ
لا في الاكورد منظومة الزيت ممتازة بس منظومة الغاز فيه هي المشكلة
حتى لو تشوف المساعد سليم ومافيه شي لكن لو ترفع السيارة تقسى وتلين بالصدفة لو اكلت مطب قوي لانه يضرب الصمام
في الوكالة تصير ورطة لو علقت مساعدات احد من الزباين تتورط الوكالة في المساعدات وتستبدلها
قريبا اكيورا فخر صناعة هوندا الامريكية على هوندا العربية
اكيورا RLX 2013
ضوابط المشاركة
رد مع اقتباس
مواقع النشر (المفضلة)