الموضوع: ياشباب خلونا نتكلم بجديه عن الأكورد

والله ياخوي لا انا ولا انت الي نقدر ننقص من جودة هوندا او نيسان الخ ...

المختصين هم الي يقررون و السوق ايضاً

والي نشوفه حالياً بالاسواق العالمية ان الاكورد بالمقدمه بالنسبه لمنافسيها

ويكفي انها اخذت 24 جائزة على مدار 28 سنه !

واخذت عام 2010 من افضل السيارات بالعالم من حيث الاعتمادية

هذا رابط يفيد المشككين بجودة الاكورد

ويثبت جدارتها

هنا

ثانياً انا مستغرب يوم تقول اكورد ماشيه 10 الاف زيت يهرب مدري كيف

مافيه سيارة بالعالم تهرب كذا بدون سبب اكيد صادم شي ولا شي

انا الحمدالله سيارتي كملت 50 الف ودخلت السنه الثانيه ولا شفت شي

واما ان هوندا خرطي هذه وجهة نظرك فقط ولا في اي شي يثبت

و مافي سيارة بالعالم ماتخرب و كلنا ندري ان سيارات اليوم مو زي قبل 20 سنه

لكن هوندا وبعض الشركات اراها على الحافه لكن متمسكه بالجودة الى الان


بالتوفيق

اهلا بك اخو ac09
على الرد انا ما انكرت هالشي ان الهوندا اخذت جوائز عالميه
وما انكر ان كل السيارات تخرب مع الوقت ومش زي سيارات قبل
ماانكر انها سياره سواقتها جيده وفيها مواصفات جيده
لكن هالمشاكل الشائعه اللي فيها تتكرر عند الكل والخرابات هذي من اصلها تكره الكل فيها ومع مثيلاتها مافيه هالمشاكل

تحياتي

فحماتها ماتطول
عالجوها المشكله:d
كراسي الماكينه تتقطع بسرعه
على الضمان اذا ماعدت ال100
لأنه عمرها 100 اعتقد وشوارعنا :d تقلص الى الى الربع

ورجه بطاريه تخلص بسرعه

هههههههههه شلون هاذي من الاستخدام
طرمبه دركسون ودوده وما ادري ايش
المشكله لانه الي يغير الزيت بره الوكاله يزيده من زيت القير
مو زيت خاص للطرمبه


انا خالي عنده التيما 2007 ماشيه 218 الف
الله يعطيه خيرها ويكفيه شرها
وانا صاحبي عنده التيما
2011 ماشيه 15
ومافي لمبه بلطبلون ماتشتغل وتطفي

والله شوف وانا اخوك موضوعك شفناه كثير وتكرر كثير لكن انت كتبت الموضوع وجاتك ردود عشر صفحات وبعدين ؟؟؟؟

مو احسن لو فتحت موضوع تقول شباب ساعدوني بهذي المشاكل او انت بنفسك جلست تدور لنا على حل لهذي المشاكل وتفيدنا معك ؟؟

وانا معك ان الاكورد فيها عيوب وانا زيك انصدمت فيها ... لكن كل هذي ما يخليك تفتح موضوع زي كذا .. يعني نهايه هالموضوع معروفه من بدايته ..

وكان احسن لو فتحت موضوع وكلنا نستفيد منه وندعيلك ...

في شي معروف ان السيارات حظوظ .. من جد اتكلم

ناس تفك سياره من الوكاله ماتحط ولا ريال .. و ناس تفك سياره من الوكاله على باب الوكاله تنطفي

يمكن المسأله مسأله حظ ؟ ويمكن سوء استخداام

واحد صاحبي فك لومينا وكاله .. في خلال سنه قير سيارته انفك في الوكاله اكثر من سبع مرات .. رديتر تبدل .. كومبريسر المكيف تبدل ... الرجال يسب ويلعن في السياره

وغيره عنده السياره مستخدمها سنه يقول لو يحطوا على الكبوت قيمة السيارة وكاله ما بعتها .. وهي نفس الموديل ..


انا من خلال معرفتي بالاثنين الاول مايعتني مبدأه في الحياة . سياره شاريها بفلوس عشان تخدمك .. وعينك ماتشوف الا تفحيط في كل لفه .. دعس على الخط يقول السياره عمرها ماشفات الـ 120 .. يمر عليها مرور الكرام ميتين و طالع

هدا الي اشوفه قدامي .. وما ادري ويش عاداته في تبديل الزيت و الماي للسياره ..

والثاني يقول السيت الخلفي ماقعدوا عليه الا ثلاثه بس .. عنده ماركيز للخط و مدلع ابو اللومينا ومن فحص لفحص وحياته حلوه

فرق الاستخدام ...

انت تقول الهوندا تاكل فحمات ؟ ياخوي اسمح لي سواقتك خشنه .. تلاقي قبل ما توصل المطبه بخمسه سانتي تمسك بريك ..

انا سيارتي 2007 شاريها مستعمله .. صار لها اكثر من سبعه شهور ماركبت قماشات .. اخـــي ... شاريها مستعمله بقماشاتها شفتهم ما يطلعوا صوت كملت عليهم ولحد الحين مافيهم صوت ولا اي شي

كراسي المكينه اشياء تنعدم مع الوقت مثل ما قالوا الشباب كل 100 ألف يتبدلوا

عندك الجنزير كل 150 يتبدل افضل

وبقولك ياخوي .. الهوندا كل 200 الف تبدل لها نحاسات قير << بالعربي توضيب قير

هدا في الاستخدام السيئ

لذلك ادا تحس ان السياره ما تناسبك ياخوي الله يستر علينا و عليك ..

انا عن نفسي ادا كملت 200 ألف و ضرب القير مستعد ادفع 6 الاف ريال ويخدم 200 الف ثانيه خخخ

انا احسب ادا سيارتي في خلال سبعه شهور مشت 30 الف .. والحين هي 100 الف ... يعني باقي في الموتر سنتين الى ان توصل 200 الف

يعني هي موديل 2007 واحنا داخلين على 2011 اولريدي مر عليها 4 سنوات .. وباقي سنتين يعني ست سنوات السياره خدمت

خلال سنه ببدل جنزير المكينه .. ماعندي مشكله .. والي بعدها ببدل القير كله .. ماعندي مشكله .. السياره بتخدم ست سنوات زياده ؟؟ وين تلاقيها في سياره ثانيه ؟؟

اخي كل واحد و استخدامه ... انت تذم في السياره .. بس شوف كم واحد يمدح فيها ... هل كل هالناس يحرفوا الحقيقه ؟؟ ايش المصلحه في الموضوع ؟

انا اشوف سيارتك الي فيها واحد من ثلاثه

يا انها سوء استخدام منك اخي ... أو حظــك طلع مع هالسياره بالذات سيء ... أو ... عيون و ما صلت على النبي

والاختلاف في الراي لا يفسد للود قضية

تحيـه

السلام عليكم ورحمة الله وبركاته
انا معاي 2008 ماشية 160000كم المشكله الوحيده هي الفحمات ولكن لسبب , هو سرعة استجابة الفحمات على سرعات عالية وماتكتشف الشي هذا الا في الخطوط او تفاجأت بشي يعيقك في الطريق وانا مجرب عشان كذا اغير بأسرع مايمكن ولكن تضل مشكله
تقبلوني مشكورين...............

ياخوي انا معاي 2008 v6ماشيه زي السلام عليكم قد مشت 128000 ماقد اشتكيت منها

نص كلامك صح
..
لا تخلو من المشاكل ,
ولكن تبقى بالمقدمه

المشاركة الأصلية كتبت بواسطة abAdy.777

فحماتها ماتطول

عالجوها المشكله:d
كراسي الماكينه تتقطع بسرعه
على الضمان اذا ماعدت ال100
لأنه عمرها 100 اعتقد وشوارعنا :d تقلص الى الى الربع

ورجه بطاريه

تخلص بسرعه

هههههههههه شلون هاذي من الاستخدام
طرمبه دركسون ودوده وما ادري ايش
المشكله لانه الي يغير الزيت بره الوكاله يزيده من زيت القير
مو زيت خاص للطرمبه

انا خالي عنده التيما 2007 ماشيه 218 الف
الله يعطيه خيرها ويكفيه شرها
وانا صاحبي عنده التيما
2011 ماشيه 15
ومافي لمبه بلطبلون ماتشتغل وتطفي

ردك

..

قبل شوي شفت المباشر والمسافر عند الحداد يفصلوا سلاسل واقفال ..:d

انا اخوي عنده التيما 2005 ماشيه 180 الف واخوي توه موضبها ب6 الاف وازيدك من الشعر بيت يوم راح يبيعها جابله 15000 وماباعها .

الجميع يعطيكم العافيه ع الرد
وبالنسبه للأخوان اللي ذكرو اني اغير الزيت برا الوكاله انا كل شي اغيره بالوكاله من القطع بستثناء زيت المكينه وبهالحاله مافي قطعه في السياره تجاري *
وبالنسبه للي حق الطرمبه رحت وانا طافح فيني الكيل بعد العيد مباشره تهاوشت مع المدير:d
قلت له مو حاله قال لي سيارتك 2007 وبما انك عميل مميز عندنا وما ادري ايش لك خصم خااص
قلت لك طيير:d
والله بكره انا بالغرفه التجاريه وجاب نتيجه
وانا افضل حل اشوفه ان في كل منطقه يطلعون مجموعه ع الغرفه التجاريه ونشوف حل حق المشاكل هذي

مع تحياتي للجميع

المشاركة الأصلية كتبت بواسطة احمد 182

انا اخوي عنده التيما 2005 ماشيه 180 الف واخوي توه موضبها ب6 الاف وازيدك من الشعر بيت يوم راح يبيعها جابله 15000 وماباعها .

عزيزي 2005 وال 2006 فيهم مشاكل صحيح وكراسي مكينه وبلاوي بس من 2007
ياكثر اللي اعرفهم ماحد اشتكى منها

صدقوني ياجماعه تدرون ايش احسن حل وبتكفخ عليك
كل اللي بالمنتدى يبيعون اكورداتهم ويشترون لهم كابريس من موديلات 80 :d
واهم شي كربريتر وعيش الحياه معاها مو سيارت هالوقت الفاشله :d

يارب مايجي حد ويتوطى في بطني :d

اخوى تبغا نصيحتي لك انته

(بيع سيارة وارتاح )

والله ما عمرى سمعت احد قد اشتكى من 2006 2007

أنت متأكد أنو سيارتك أكورد........ أتأكد ها .... أحيانا الكوررين و الصينيين شاطرين بالتقليد..... أمزح معاك
بس ما شفت حدى بالمتندى اشتكى من الأكورد متلك....... تحياتي

قسسم بالله بديت اشك في سيآرتي من هاذي الموآضيع
انا سيآرتي موديل 2009 ولهآ معآي سنـه ولا شيء من المشآكل اللي دايم اسمعها جآتني <== قولو مشآء الله

وآنا طآلب ثانوي يعني مو زي سواقه الشيآب واحيآن اخوي ياخذها ويتعلـم عليهآ و لا قآلت شيء
على اني في الفتره الاخيره بديت اهملـهآ بس الصيآنه كلهآ في الوكآلـه
اعتقد اخوي يا ان المشـكله في سواقتـك + او مآلك نصيـب في السيآره
واعذرني اخوي بسس والله الاكورد من افـضل السيآرات في فئتها ومحد يقدر ينكر
والله يعينك على سيآرتك واذا طاب خاطرك منهآ بيعـها وريح بآلك
وبالتوفيـق

غريب كلامك صراحه

سيارتي لها 3 سنوات معي

الاقمشه غيرتها ثلاث مرات <الثالثه قبل رمضان <اعتبره طبيعي مع خطوط ابها وطلعاتها ونزلاتها
الكفرات مغيرها مرتين < المره الاخيره قبل شهر
^^
مآ شـآالله تبارك الله

والحمدلله ماشيه الحين 100000 ومافيها اي مشكله ولله الحمد
الله يخليها لي

ياشباب المسافر والمباشر جايين يكبسون من بعيييد شكلهم ناوين على شي :d

ولله الحمد 4 من اقربائي

واحد معه 2006 ماشاء الله ولا خراااب
وواحد معه 2007 ولا خراب
واحد معه 05 خربات خفيفة جدا مثل دودة الدركسون وزينها وماشيه معه تمام
وواحد معه 08 الدفعة الاولى وماشية معه زي الحلاوة

طبعا كارفين ام ام امها ولله الحممد والمنة ماشاء الله تبارك الله مافيه خرابات ولا شي

غريب كلامك الحمد لله سيارتي ماعمرها اشتكت

ما انت مجبور على الاكورد
الواحد ياخذ الشئ اللي يرتاح له
ويمكن حظك طايح لك في وحده مدموره

مافيه شي كامل الكمال لله سبحانة وتعالى

الكامري تنقص زيت ومكينتها قلب حمامة أدنى شي يجيبها العيد + مواد خام اي كلام + رساوة صفر + ديكورات أي كلام

ولكن بنظري تبقى الأفضل بعد الأكورد في أغلب النقاط

الألتيما تتفكك + تهربد + تخبط + مواد الخام أي كلام + بدي ضعيف + قطع غيار نار مع عدم توفر بعض القطع + وكيل سيء

فقط تمزيت بالنشاط والمواصفات والباقي صفر على الشمال

السوناتا لا تعليق كوري وياليت تسأل أهل التكاسي يفيدونك أكثر

الأكورد ماقلنا هي التوب ولكن تعتبر أفضل الخيارات تقريبآ ويعيبها الكثير ولكن هذا الواقع وبالنسبة للمشاكل إللي ذكرت

أسمع عنها هنا ولكن لي معارف معهم أكوردات من الجيل القديم والجديد ولم أسمع عن تلك المشاكل و أصنفها سوء إستخدام

من بعض الناس . . . وجهة نظر

والله يالحبيب كلاامك على عيني ورااسي بس غلطاان يمكن هل خراابتات بسياارتك
بس الا انا اشووفه اكثر من 5 4 من القراايب ولا وااحد اشتكا منها ما شاء الله عليهن
الله اما اشيا استهلااكيه قمااشاات وغياار زيت
ومن نااحيت القمااشات كل السياارات الجديده اذاانك راعي فرفره بتخلص اقل مده 3 او 4 شهوور واذاانك ما تطلع ابد مني 7 شهوور وبتغير مو مو الاكورد بس تيوتا كله حتا ال رvxr قمااشاتها تخلص خلاال 5 شهور
والله عينك على سياارتكـ

المشاركة الأصلية كتبت بواسطة aboody.top

قسسم بالله بديت اشك في سيآرتي من هاذي الموآضيع

المشاركة الأصلية كتبت بواسطة aboody.top

انا سيآرتي موديل 2009 ولهآ معآي سنـه ولا شيء من المشآكل اللي دايم اسمعها جآتني <== قولو مشآء الله

وآنا طآلب ثانوي يعني مو زي سواقه الشيآب واحيآن اخوي ياخذها ويتعلـم عليهآ و لا قآلت شيء
على اني في الفتره الاخيره بديت اهملـهآ بس الصيآنه كلهآ في الوكآلـه
اعتقد اخوي يا ان المشـكله في سواقتـك + او مآلك نصيـب في السيآره
واعذرني اخوي بسس والله الاكورد من افـضل السيآرات في فئتها ومحد يقدر ينكر
والله يعينك على سيآرتك واذا طاب خاطرك منهآ بيعـها وريح بآلك
وبالتوفيـق

والله يا الغالي نفس حالتك ..

اخوي الكبير عنده اكورد 2009 .. وانا آخذها اتعلم عليها

اقسم بالله ولا مره اشتكى منها