والله العظيم كله من البايسون والمسجل

**الملكع** · 03-09-2007, 11:05 AM

مرحبيتن و شيلو أول حرفين

وش علومكم يالطيبين؟

يشرفني اني اكون معكم في منتدى هوندا

لكن عندي مشكلة اللي عنده علم عنها

يا اخواني انا كنت راجع من القصيم و مشغل المسجل و معي بايسون يعني ناسي كل الجو المحيط فيني . و في طلعة الغاط ماشي بالـ D عادي و لكن شفت السيارة بطيئة و لما طفيت المسجل لقيت نفسي معور السيارة يعني ما اسرعت في الطلعة وصاير كني راقيها بددسن 85 من صوت المكينة و بعدها صارت لي مشكلة في القير يعني لما ابدء المشي عادي الين الخامس لكن اذا هديت شوي و جيت بأسرع مرة ثانية ما تسرع مثل اول يعني من النمرة الثالثة الى الخامسة ماش ما عاد هي تبيض الوجة و العزم ماش و اذا جيت بأسقط ما يعطيك من اول الدوسة الحين تسرع بشوي شوي و للعلم السيارة اكورد 2007 .........

وش ظنكم منه هل هو من القير ولا من المكينة ولا ضغط المكينة ولا من شيء ثاني هل احد منكم مر بنفس التجربة , وش اقول للوكالة لاني احس و من خلال وجهة نظري انهم لا يمكن يكتشفون مشكلة من انفسهم الا اذا قلت لهم الشيء الفلاني خربان ... و السيارة ما زالت على الضمان

**ولد النمر** · 03-09-2007, 02:06 PM

ما ادري بس لو تشيك الريس

هذا اللي اتوقعه

وشوف الشباب يمكن يفيدونك

**عمور** · 03-09-2007, 02:33 PM

مالك الا الوكاله

**Black Arrow** · 03-09-2007, 09:03 PM

والله مافهمت !!!!!!!!!!!!!

انت صعدت الطلعة إذا مثبت السرعة اكيد السيارة بتنزل نمرة

شوف انا ايش سويت بالسيفيك حقتي يوم رجعت من المدينة

اول ما قربت خففت لغاية 120 ونزلت القير من الـ D إلى 3 ودعست الدعسة نصها تقريبا وصعدت الصعدة كلها يوم قربت اوصل القمة حطيته بالـ D

بس وضح لي مشكلتك زيادة

**و ى ل السعوديه 8 5 5** · 04-09-2007, 07:37 AM

مالك الا الوكاله...

لاتخش جو مره ثانيه...;)

**الملكع** · 04-09-2007, 07:59 AM

انا رقيت الطلعة بالـ D و انا خاش جو حسيت السيارة بطيئة و عزمها قل عن أول الطلعة قلت اطفي المسجل و اشوف ايش فيها و يوم طفيته صرت اسمع السيارة فيها حَنّة ( بفتح الحاء و تشديد النون) يعني تخيل صوت سيارة مغرزة وانت تدوس له و مطول الدورسة يطلع صوت حنة او اجهاد مثل ذاك الصوت....