صوت بالدركسون للاكورد 2009 ارجو الدخول من الجميع

[bnz5004]

سيارتي هوندا اكورد 2009 ماشيه 47000 لمن اشغلها الصباح وبعد الاحماء الف الدركسون وانا ماشي يمين ويسار اسمع صوت احتكاك في الطارة ( اح اح اح ) فارجو افادتي حول هذا الصوت ارجوكم ردو علي

[A7MAD11]

والله مدري لكن انا اشوف اغلب الشباب يشتكوا من طرمبه الدركسون وانا كان عندي صوت كذا غريب(ززيزيززز) المهم طلع الخراب من عمود الدركسون وكان قيمته 4 الاف وشوي لكن غيرته ع الضمان:d وان كانت من الطرمبه قيمتها في الفين شووي لكن انت رووح انشب لهم وغيرها ع الضمان

[azooz291]

روح شيك عليها في الوكالة
واذا فيها شئ على الضمان

[كومباك]

بسررررررررررررررررررعة رح الوكالة غيرها عالضمان والا ترا بتتعب معهم بعد ما تنتهي فترة الضمان 60.000 ألف

[القايله]

اخوي هذا صوت داخل السياره بديكور حق الدركسون تقريبآ
يطلع الصباح بعد ماتسخن السياره انا طلع معي بسبس البرد
فقط لاتشيل هم
اساسآ الصوت يطلع على اول لفتين بس

[Accord V6 Cup]

لا هدا صوت باور السياره

طرمبه زيت الباور الي تطلع الصوت لما تحرك الدركسون .. كل هدا بسبب كثافة الزيت في البرد تزيد كثافته الزيت تخلي السيركليشن بطيء حتى لما تفتح علبة الباور تشوف الزيت ما يدور ..

لما تسخن السياره يمكن تستمر المشكله لين ما زيت الباور يسخن ويروح الصوت ...

الشباب قالوا علبه الدركسون او عمود الدركسون .. اصحح لكم المعلومه .. العلبه و العمود يختربوا بسرعه لما تتواصل المشكله .. يعني ...

من اثار نقص زيت الباور خراب علبة الدركسون و العمود ..

ليش هالمشكله تصير في الاكورد في الخصوص ؟

انا جربت البي ام دبليو و الفورد ماشفت مثل دي المشكله .. لكــن الارجح ان احدى مواصير زيت الباور في ماصورة حديد ضعيفه اضعف من غيرها في السيارات الثانيه

كل ما ضاقت كل ما صار السيركليشن للزيت اسرع و كل ما كان اسرع كان احســن للاداء

لكن تسبب مشكله الزيت دي ..


اولا درجه الحراره تأثــر في كثافة الزيت مثل ما قلت سابقا

ثانيا الزيت الباور يتوسخ مع الوقت ويحتاج تبديل ..


الحل ... انك تبدل الزيت و تاخد زيت ممتاز .. انا حاليا ابحث عن نوع زيت ممتاز بس مو فاضي هاليومين شغلي زحمه

وحط في بالك شي مهم ... عشان لا تخترب علبة الدركسون و عمود الدركسون ... ادا سمعت صوت الباور عليك بالاتي :

- لا تلف الدركسون و السياره واقفه كليا .. خلي السياره تتحرك .. بعدين تلف .. الصوت ما يطلع والسياره تتحرك لان تقل المقاومه .

- اوعى اوعى تطفي السياره وانت كاسر الدركسون .. دايما لما بتجي بتطفي السياره خلي كفرات السياره طبيعيه لا يمين ولا يسار والدركسون في الوسط .

- دام الصوت موجود وانت تمشي بالسياره حاول انك ماتكسر الدركسون .. و ما تداعس بالموتر .. قد ما تقدر خلي ضغط المكينه اقل ما يكون ...

كل ما ارتفع ضغط المكينه يعني زاد عدد دورات المكينه زادت سرعه السيور الي تدور البكرات .. احدى هالبكرات هي طرمبه الباور الي تلف بدون زيت كافي ... يا انها بتهرب زيت بسيط او بتنفجر وبتخر الي في بطنها كلها .



بدون ما تبدل زيت الباور او تغير شي الشغله مؤقته وماهي خطيره ادا عرفت تتعامل معاها ...


طبعا انا اتكلم عن المشكله باعراض انه الصوت يطلع في ساعات الفجر الاولى لما برد الوقت ... حزات الظهر مايطلع الصوت ادا كانت الشمس حاره شوي ...

اكثر وقت يطلع فيه الصوت هو الفجر ... بس باقي اليوم تكون طبيعيه مايطلع فيها صوت ...


ادا كان الصوت متواصـــل معااااك ما يختفي هدا يعني ان عندك ضرر حاصل في تسليكات الباور .. يا ان الطرمبه زعلت واختربت .. او تهريب في مكان .. او لعبه الدركسون قضي عليها ...

تلاحق و صلح ... لان المواصير الحديد تتلحم لو كانت تهريب ... والخرطوش يتبدل .. الطرمبه تشتري ليها قطع اصلاح يمكن بـ 50 ريال واشرات بلاستيك بس علبه الدركسون يبي لها كبس اهواز بديك الحسبه ..

احذر ياخوي .... معا يدا بيد في حمله " دلع موترك "

[القايله]

^^^^

يقولك صوت احتكاك ليسا ونه او حنه بالمكينه
الاحتكاك من الديكور والحنه الي تطله مع صوت المكينه هاذي طرمبة الدركسون

[ksakiller]

نفس المشكلة بس ماطلعت الا اوقات البرد:(

[خيال العليا]

حبايبي انتهبوا

أنا معاي 2004

العام مثل هالوقت بدأ الصوت مع بداية البررد

وقلت عادي هذا بداية البرد

بس مع الوقت أدى لضرب لي الدركسون بس الحمدلله سويته على الضمان بس وشلون سواه الضمان والسيارة أصلا متعدية الضمان لكن الحمدلله

على العموم شيكوا على سياراتكم عند الوكالة أضمن وأزين لكم

على فكرة

عندي واحد من الشباب معاه 2007 والحمد لله إلى الآن مابدأت معاه مشكلة الدركسون على الرغم من إنها عامة بكل الأكورد

بس هو سوى حاجة أعتقد إنها السبب

أول ماطلع السيارة بسنة تقريبا راح للبنشري وقال له غير لي زيت الطارة

وأعتقد إنها السبب

[majood AL-azwari]

اخوي هذا صوت داخل السياره بديكور حق الدركسون تقريبآ

يطلع الصباح بعد ماتسخن السياره انا طلع معي بسبس البرد
فقط لاتشيل هم

اساسآ الصوت يطلع على اول لفتين بس

وانا مثلك كذا بس مع الصبح لكن لو اشغلها الظهر او العصر ما يطلع الصوت
وسيااارتي ماشيه 28 الف وكمان عندي واحد من اخوياي سيارته 2010 ماشيه 20 الف نفس الصوت مع الصبح بس بقيه اليوم عادي واذا ما حركناها الصبح وخلينها للظهر ما يطلع شي ...

[esamza]

كلنا نفس المشكلة يا عزيزي اعتقد طبيعي

[قلبي حبك]

انا نفسكم واعتقد انها طبيعي

بالبدايه ظنيت انها من الكفرات بحكم انها تكون بارده ومع لفة الدرقسون يكون الاحتكاك الي في الكفر البارد يطلع صوت

والحين بعد كلامك اتوقع انه فعلا من الدرقسون بس اعتقد انه طبيعي

[Jlــoــoــيــj]

شي طبيعي

[الفـــارس]

وانا مثلكم مع البرد .

[القايله]

صوت الحكه الي يطلح من البرد شي طبيعي وانت لاحظ انه مايطع الا الصباح او وقت البرد اذا طولت السياره واقفه اكثر من 7 ساعات

[SWAT]

طبيعي امسك خط او مشي السياره ربع ساعه
وشوف الصوت لايزال موجود

[ريح المطر]

انا مثلكم يطلع صوت بس بالشتاء

وموتري جديد ماشي 10 الاف

ويطلع الصوت في اول لفتين تقريبا