نبي أهل الخبرة

[عبدالعزيز79]

السلام عليكم ورحمة الله وبركاته

حيبت أسئل عن أكورد موديل 2006_2007
كيف استخدامه وبكم اسعارها وهل فيها عيوب
وهل هي ريحه مع الخط

صراحه أنا احترت
بينها وبين الفورد

أبي رااايكم
ويعطيكم الف عافيه

ولا تحرمونا من اقترااحاتكم

[اكــ2007ــورد]

خـــذ اكــــورد ومـــا تـــنــــدم

[عبدالعزيز79]

خـــذ اكــــورد ومـــا تـــنــــدم

لك الف شكر

بس هل هي ريحه مع الخط

[اكــ2007ــورد]

لك الف شكر

بس هل هي ريحه مع الخط

السياره حلوه في الخط بس مراتبها شبه قاسيه للسياحي والسبيشل لانها مخمل << اما الفل كامل هذا ما عليه كلام ممتاز

[mydesign]

اعذرني الفورد على الخط اريح
و الأكورد ماتنعاب

[متى اشوفك]

بالنسبة لي ، الفورد جيد في الخط وارشحه من ناحية الهدوء (هذا إذا انت تبي تاخذ اكورد اربعة سلندر)

اما الاكورد في هي طبعاً افضل من الفورد من ناحية الاستخدام اليومي وثبات حرارة المحرك (واللي يفتقر لها الفورد خصوصاً في الصيف) ، واذا كنت تبي تاخذ اكورد ستة سلندر فأقول لك ، خذ وانت مغمض ( -_- )

[م هـ ى 700]

عيوب الأ كورد غالبا في الهوبات والفرامل فقط أما ما بقى الأكورد ما عليها غبار ما شاء الله قوية ومريحة

[AHMAD_93]

أممممممم
شوف يا الغالي أنا معي فورد والحمد لله في الخط مره تمام التمام بس فيها مشكله
إذا لا سمح الله وإنفجر عليك واحد من الكفرات في الخط وإنت ماشي أكثر من 150 تقريبا صعب توقفها وإمكن لا سمح الله يصير عليك شيء
هذا من واقع تجربتي فيها لكن من ناحيت الخطوط مره مريحه وتمام وإلى يقول الحراره ترتفع في الصيف أنا من خمس سنين ما عمرها إرتفعت علي الحراره مره (( قولو مشاء الله )) :o
والأكرود كمان لكن إذا كانت v6 أنا جربتها في خط سفر وتمام التمام
لكن أشوف الفورد أريح منها بشوي

[الـمـسـافـر]

الشباب عطوني احساس انك شاري الفورد عشان تعيش على خط الرياض 24 ساعه :d

[عبدالعزيز79]

يعطيكم الف عافيه ومشكورين


كم تتراوح اسعارها

[MA6ANSH]

شف ياطويل العمر معي اكورد 2007 شريتها وكاله فئه سبيشل.
انطباعاتي عنها كالتالي
1- مراتبها يابسه ولكني ماقد اشتكيت منها لانها ماهي ذيك اللي تبهذل!
2- اقتصاديه وعزمها جيد وصوتها مهو مزعج على سرعات عاليه مع انها اربعه سلندر
3- فراملها تخلص بسرعه تقريبا
4- دركسونها فيه عاهات مزمنه منذ القدم مع الطرمبه بس تتصلح.
5- شكلها حلو ورزه مهما قدمت الا انها باقي تملأ عيني.
6- التعليق ماهو ذاك الليونه
7- رساوه ممتازه


كل اللي غيرته الى الان 3 كراسي مكينه (على الضمان) وزيت قير ومكينه وفلتر

السياره ماشيه الان 125 الف.

ماشاء الله تبارك الله

[متى اشوفك]

الرجال يسأل عن الأسعار
لكن قبل مااتكلم عن الاسعار الاكورد الستة سلندر تتفوق على الفورد في الرساوة والراحة والهدوء سواء في الخط ولا حتى وهي واقفة بالكراج
وبالنسبة للأسعار من واقع التجربة
انا خذيت السيارة 2006 قبل سنة لونها لؤلؤي (وهو المرغوب وعادة سعره أغلى) فل ستة سلندر بسعر 55 ألف
وللحين اسعارهم مرتفعة يعني تترواح الاسعار للسيارة النظيفة الفل من 47 ألف لغاية الـ55 ألف قد تقل شوي وقد ترتفع شوي
اما الفئات الثانية تترواح من 37 ألف لغاية 45 ألف كذلك ترتفع وتقل بنسب بسيطة

هذي بالنسبة لهذي الموديلات ، وهي اسعار تقريبية (من واقع لفلفة المعارض ، من عند الشباب يمكن ارخص شوية)
واتمنى من الاخوان يفيدونك كذلك