وش أفضل نوع لفحمات الأكورد نيشن ولا الأصلي حق الوكاله؟ يوجد صور للنوعين
السلام عليكم
يا شباب أنا معي أكورد 2008 وابغى أغير الفحمات الأماميه
رحت اليوم للمحلات ولقيت أكثر من نوع
بس يقولون ان أفضل شي الأصلي حق الوكاله وفيه نوع أسمه نيشن ياباني نفس المصنع لفحمات الوكاله وحقين المحلات يمدحونه ويقولون انه ماشي سوقه ومرغوب
وحبيت أسئلكم للي جرب النيشن هل هو عملي مثل الوكاله
وأسعارها للأمامي
الأصلي وكاله بـ 230
والنيشن ياباني بـ 130
وهاذي صورها ولاحظو انه مكتوب ماركة نيشن في كل النوعين مكتوبه فوق كلمة هوندا في فحمات الوكاله
الاصلي وكاله
وهاذا النيشن الياباني
بانتظار ردودكم ومشاركاتكم
وعليكم السلام ورحمة الله وبركاته
انت جاوبت عن نفسك
انت تقول سيارتك 2008 يعني ماشاء الله اكيد واصله 50 الف وفوق
انا سيارتي 2008 وماشيه للحين 70 الف وبغير الأقمشه الأماميه لأول مره في صيانة الـ70 الف ان شاء الله يوم الخميس
ليش اروح اجرب انواع تانيه والنوع اللي عندي اتحملني للـ 70 الف!!!
اتمنى اكون افدتك
المشاركة الأصلية كتبت بواسطة enad jeddah
وعليكم السلام ورحمة الله وبركاته
انت جاوبت عن نفسك
انت تقول سيارتك 2008 يعني ماشاء الله اكيد واصله 50 الف وفوق
انا سيارتي 2008 وماشيه للحين 70 الف وبغير الأقمشه الأماميه لأول مره في صيانة الـ70 الف ان شاء الله يوم الخميس
ليش اروح اجرب انواع تانيه والنوع اللي عندي اتحملني للـ 70 الف!!!
اتمنى اكون افدتك
مشكورين على الردود وبخصوص ممشى سيارتي
سيارتي ماشيه 110000 وهاذي ثاني مره أغير الأمامي أول مره غيرتها كانت ماشيه 80000
أما الخلفيه غيرتها مرتين
هههههههههه طيب انا قالولي غيرها اوانا ماشي 26 الف ايش قصتهم؟
وشاريها من الوكاله 245
نسيت اقلك الخلفيه غيرتها في 20 الف
هلا أخووي أنا معي سيفيك وجربت الثنتين
طبعا كنت دايم أغير فحمات الوكاله لكن طفشت منها فيها رجه قويه وعلطول تجيها رجه
أخر مرره غيرت فحمات نيشن وإلى ألحين كوويسه وسعرها رخيص لكن مشكلتها فيها اصوات يعني وأنت تمشي على خفيف تسمع فيه صوت صرصره بعكس فحمات الوكاله
أنا م وجهة نضري أنصحك فيها وفحمات الوكاله أكيد جيده بس غاليه وتمشي قليل اذا أنت رجلك مو حااره على الفرامل ركب فحمات الوكاله
بتوفيق أخووي.
انا جربت فحمات نيسن واللي يقهر فيها تطلع زي براده الحديد على الجنط ... وجربتها مرة وحده وجربت برضو حقت الوكاله ...
ومافيه ذاك الزود عنها ... انصحك بحقت الوكاله اذا انت مايهمك السعر
اكييييد الوكاله
مشكووورين على ردودكم وافادتكم
والظاهر أني بركب حقت الوكالة
عن نفسي
من غير تفكير
على طول اغير نيسن
وعن تجربة افضل من فحمات الوكالة
وعلى اكثر من سيارة هوندا
بس ركبها على هوبات جديدة او مخروطة
الوكاله ولا تشاور لان الغالي سعره فيه
ضوابط المشاركة
رد مع اقتباس
مواقع النشر (المفضلة)