الموضوع: بخصوص هوندا اكورد 2007

اول شيء احب اقولك لاتستعجل...

اللي انت شفته صور بس..

اذا شفتها على الطبيعه يمكن تتغير نظرتك...

على العموم الراي الاول والاخير لك...

1_ انا ملاحض بالاكورد 6 و7 يصير فيهى فحجه بالكفرات الخلفيه مالسبب..


هذي عشان الرساوه بالخط...على علمي...


2_ طيب تتوقعون متى بتنفذ من الوكاله .. وش رايكم اعطيهم عربون علشان امسك السياره

اما هذي مالي اي علم فيها...

وانا اقول لا تستعجل...



حبه حبو حبو...

حبه حبه هوندا تحبه...<<مسوي اعلان على غفله...هع هع هع

السلام عليكم...
حياك الله...

شريت أكورد قبل أسبوعين 2007 v6 ...
بصراحة سيارة ممتازة ، وممشى على كيفك...

بالنسبة للكفرات...
الأكورد (تفرش) على سرعات عالية ، لتعزيز نظام الثبات على الطرق .

بالنسبة للكمية...
السيارة عليها طلب كبيييييير ، والوكالة يالله ملحقة...

اليوم شايف تريله محمله 6 سيارات هوندا جديدة...

الله يرزقك خير...

اذا تبي نصيحه انتظر 2008

اصبر لشهر رمضان بيسون تخفيضات عليهك كانهم حفاظات بابمبرز

هل أنت متأكد من معلوماتك أخوي محمد ss

اللي سمعت إن مدراء الشركة مكثفين الشغل على الـ Accord بالذات
والسعر هذا ماراح ينزلون عـنه كثير علشان مايوسعون الفرق بين الـ 2007 والـ 2008

والله أنـا من رأيي إنـك تستخيرررر أول شي قبل كـل حااااجــة وبعدين السياااارة والله حلوووة مو أمدحهااااا لكـن أنــا كنت مثلـك ولا خذيتهااا الا بعد ما جربت سيااارة خويي على طريق الجبيل الدمام وبنفس اليوووم أنــافي الوكــالة رحت وقدمــت عليهــا ...
وبعديــن مشاااكلهــا بسيــطة مرررررة ماهي مثــل بااااقي السيااارة .... الهونــدا طبعــا صنااااعــة ياااباانيــة أصليـة ماهــي تجميــع ...والحمد لله ماشية معااااي مضبووطـة ماشاااء الله عليـهااااا ...وهــذا رأيي في السياااارة وانــت على رااااحتـك ..

تحيـــاتـــــي لـــكـ ...

اتكل على الله واشتر
والله انا قدمت عليها يوم الخميس الماضي
وماحصلت لون لؤلؤي الا بتبوك وطلبها المعرض من الصاله بتبوك
لعدم توفر 6 سرندل
اما 2008 اكيد بتجي مبالغ بسعرها

المشاركة الأصلية كتبت بواسطة just 4 u

هل أنت متأكد من معلوماتك أخوي محمد ss

اللي سمعت إن مدراء الشركة مكثفين الشغل على الـ Accord بالذات
والسعر هذا ماراح ينزلون عـنه كثير علشان مايوسعون الفرق بين الـ 2007 والـ 2008

هذي عادات عبد الله هاشم اذا كان فيه تغيير شكل بالموديل الجديد

الاكورد 2005 نزلوا اسعارها بالوكاله 10 آلاف ريال قبل نزول الـ 2006

و السيفيك 2005 الفل وصل سعرها مع الاكسسوارات لـ 48 الف ريال

و الـ CR-V برضوه اعتقد سووا عليه عروض قبل نزول الشكل الجديد


و بالمعارض الاسعار اقل من الوكاله بـ 1000 الى 2000 ريال

بالتوفيق وشوف الاصلح لك

السلام عليكم

الله يعطيكم العافيه ماقصرتو على الردود والنصائح والحمد لله مستخير

وجازم عليها ان شاء الله خلال الاسبوع الجاي بس يااخوان انا سالت المبيعات .....

عن نزول 2008 قالي نهايه شهر ذو القعده قلت له اسعار 2007 راح تنزل قالي على حسب

الكميه الي تبقى عند نزول 2008 حتى رفض انه ياخذ عربون حجز السياره

والاسعار_ الوكاله فل جلد 88 الف ريال والمعارض 85 الف ريال

وبعد سالت الصيانه عن الفحجه للكفرات قالي ان كانت مره قويه ففيه مشكله

اما البسيطه فماتبين الاعند السرعه الزائده علشان الثبات والرساوه