انصحك تروح لشيخ المعارض وهو يتصرف
السلام عليكم
انصبت في سيارة لقلة خبرتي، قالي صاحب السيارة، انها وكالة، والايرباق سليم، والبطارية بلدها، اكتشفت انها كانت ايجار، والطبلون مفتوح، ولبمة الايرباق طافية. والبطارية 40 امبير، والاكورد تكون 60. وشغلات كثيرة. قدر الله وما شاء فعل.
اكورد 2008
المهم الآن، المكينة الجربوكس 100 في ال 100، البدي سليم من الرشوش ماعدا الرفرف الخلفي، الشاص سليم.
لمبة الايرباق طافية والطبلون مفتوح. وديتها عند ميكانيكي، قال الايرباق مستحيل يكون طالع، لأن الداخلية سليمة، والسيارة ماتعرضت لصدوم قوية. وقال يمكن يكون الطبلون مغطى ببوية "مرشوش" أو لمبة الايرباق كاسرها عشانها معلقة.
كيف اتصرف؟ دلوني على محلات ممتازة اقدر اصلحها فيها ويكون سعرها مناسب. واذا عندكم خبرة عن اسعار الوكالة ياليت تفيدوني؟ انا انسان قدر الله علي ان اكون غشيم في السيارات.
واذا عندكم فكرة عن مقاضاته شرعياً "ديوان المظالم" دلوني جزاكم الله خير.
انصحك تروح لشيخ المعارض وهو يتصرف
..
....
شكراً على ردك،
السيارة شريتها من صاحبها مباشرةً، لقيتها واقفة في شارع،
معليش انت تقول على نفسك غشيم بس ممكن تقلي بكم شريت السيارة علشان نشوف هي تستاهل السعر هذا ولا لا وبعدين افيدك في كل شي انت تحتاجه
أخوك ابو خالد
غشيم في السيارات، محركاتها وقطعها وغيرها، بس اسعارها عندي فكرة بسيطة، 46 الف، ستاندرد، شكراً لك
طيب الموتر كم ماشي؟
و أيظآ سؤالي للخبرا بهذا المنتدى : في هذه الحاله هل اذا طلع فحص الكمبيوتر سليم , هل معناه أن السياره مستقبلآ لن تواجه منها مشاكل؟
التعديل الأخير تم بواسطة كوارداوي ; 07-12-2010 الساعة 05:50 AM
شكراً -على ابداء اهتمامكم والمساعدة- لكم جميعاً، لكني أتمنى أن أجد أجوبة على أسئلتي.
السيارة ماشية 86 وهذا يستحيل تصديقة، لأنها سيارة بالإيجار وتحديداً من شركة بدجت، لايمكن أن تكون ايجار منتهي بالتمليك لأن بدجت ليس لديه النظام هذا.
حسب ما سمعت أن عداد الأكورد إلكتروني و حساس , من الصعب تغيير المسافه
لا يالحبيب فيه ناس مصايب لو تبي يرجعون لك عداد طياره يرجعوه مو عداد اكورد
..
..
اخوي افحص السياره بالوكاله وش اذا كان فيها شي وسوي لها فحص كمبيوتر
يبوية الهوندا اذا فصلت العداد ماتعشق معاك الا اول وثاني يعني انسى انه يكون العداد مفصول
وبعدين ياابراهيم من خبرتي اتوقع انك انت مو بغشيم لانه تقول اخذت السيارة ب48 طبعا هي تتراوح اسعارها بين ال45 -
55 وغير كذا انت بتقول المكينة والجربكس 100\100 والبودي سليم والشاص يعني باقي الأشياء كلها اكسسوارات وبالنسبة
لتغيير البطارية يمكن يكون اهمال صاحب السيارة السابق لكن انت غير البطارية انت مااخدت سيارة جديدة وكالة
وبالنسبة للمشكلة اللي عندك روح الوكالة والله مااعتقد نهائيا ان سعرها غالي وبعد كذا اذا طلعت غالية روح للتشليح
هذا اذا كانت السيارة قير عادي ياحبيبي الاوتو ماتعشق معاك
حسب ما سمعت أن عداد الأكورد إلكتروني و حساس , من الصعب تغيير المسافه
كلام غير صحيح اخوي يرجعون العداد لو تببي اصفار
اش دخل ديوان المظالم هذه ماهي وظيفته اصلا مايطالع في هذه الشغلات
هو بس يطالع بالاشياء الادارية
شباب، أتمنى تساعدوني بأجوبة مفيدة؟ أنا لا أعرف ايش دخل ديوان المظالم. هل الحقوق ضايعة؟ أو محفوظة، الي عنده جواب يساعدني أو يوضح لي يقول ويريحني.
انا مجربها بنفسي وسيارتي تماتيك ..ومشيتها لين فصلت ...سلامتك حبيبي
لا تمشي الهوندا 2008 وفوق
اكورد ينفصل وتعشق وتمشي 218
بس المكيف يصير حار
وصاحبي مسويها بسياره اجار
طلعها وراح المدينه اكثر من 1000 كيلو
ووبعد يوم رجع
وشبك العداد:d
وكل شي سليم
...
ولى يقول الطبلون مايرجع ..انا وواحد من الشباب رجعناه بسياره اجار ..عادي ولا حصل اي شي
ياإخوان الرجال يبي حل لمشكلته واحنا بصراحة خرجنا عن الموضوع
يعطيك العافية فلم جامد، خلني أوضح لكم الصورة أكثر،
السيارة شافها كذا ميكانيكي وقالوا إنها نظيفة ووقفتها زينة، يعني حتى لو كانت ايجار، استعمالها نظيف. الرفرف الخلفي مرشوش بسبب صدمة خفيفة ماوصلت للشاص، وفيه تلحيم بسيط من داخل الشنطة، هل من المعقول أنه الايرباق طلع من الصدمة الخلفية، إذا لا. طيب ليش اللمبة طافية؟ يعني هل هناك أسباب تخلي الإيرباق يفصل؟ والطبلون مازال مفتوح، يعني ابن الحرام لعب فيها، ولا حتى سكر الطبلون تمام، صواميلها ماهي مركبة.
الان هل هناك طريقة اقدر ارجع فيها حقي بالنظام والشرع؟ اروح لمين اشتكي؟ حتى لو تطول، كل الي ابغاه انه يحلف يمين انه ماغشني ولا أخفى عيب.
شيخ المعارض، هل هو الشخص المناسب؟
2- أتمنى تدولني على محلات ممتازة تشوف لي مشكلة الطبلون والإيرباق؟
يعطيكم العافية جميعاً
الله يهديك استعجلت بشراء السياره ومافحصتها قبل تشتريها وبعد ماشتريتها تقول وش الحل
وبعدين بالعقل سياره اجار بتلقها نظيفه ولا محد لعب فيها .؟
هذه الردود الغير مسئولة لا أرغب فيها، لايكون جالس على خشتك ومحملك المسؤولية، الله يرحملي أمك، عندك جواب يفيدني اسدحه، ماعندك، أسعدنا بسكوتك. لا أريد كلام لا يفيد.
السيارة مفحصوة عند الفحص الدوري قبل شهر وسليمة، ورحت فحصتها عند واحد وسليمة برضة، بعد فترة اكتشتف الشغلات هذه. كل مااطلبه المساعدة بمعلومات،
أنا أسف على الإسلوب السيء وهذه ليست عادتي، لكن بعض الناس يرفعون الظغط.
اخي انا خبري ان شركة بدجت كل سياره عندها يكون ليها ملف كامل من اول ما انفكت وكاله الى ان تباع .. الملف فيه تاريخها حتى لو يتغير لها كفرات يتسجل رقم الكفر
انا صاحبي ابوه كــان يشتغل في شركة بدجت و اخد من عندهم سياره .. قعدنا حول ثلاثه ايام نقرى في ملفها ..
وللعلم بدجت عندهم ورشه خاصه فيهم يبدلون قطع وحتى يرشون البدي ..
بس ما ادري ادا الشركه تعطي اي شخص الملف هدا ؟ والا يبي لك معرفه مع احد من الشركه يسلكه لك ..
وبالنسبة للمبة الاير باق .. ماعندي شي اكيد على الموضوع لكــن صاحبي عنده ألتيما 2007 و الاخ يده ثقيــله جدا جدا
مره من المرات مادري شصار له في الطريق و طلع في وجهة مصري بتكسي و يصفق ام الهرن بقس ويقول سمعت صوت شي انكسر داخل الدركسون
ومنها الهرن ما يشتغل ... والجدير بالذكر ان الاير باق ولعت مدري طفيت لمبه كانه ما موجود .. راح فيها الوكاله قالوا له في سلك في الدركسون خلف الاير باق انفصــل .. وحلفوا عليه الا يعلمهم شلون فصله بدون مايفك الدركسون ؟
الي سواه ان الوكاله قتلوا محفظته عشان قطعه اصغر من صبع اليد .. لكن رجع كل شي زي ماكان ..
يعني في كدا شغله اخي تخلي اللمبه تطفي او تشتغل بدون ما يكون الاير باق مفكوك .. واكثرها شغلات الكترونيه يبي لك كهربائي شاطر في هالموضوع .. اسأل ما تضيع اخي ..
اما بالنسبه للشكاوي و النصبات .. اول ما اخدت سياره انصبت فيها نصبه ماهي صاحيه .. انت تقول الايرباقات ما طلعت انا شريت سياره ايرباقاتها مبدله مرتين خخخ والي باعني السياره حلف بكل ما اوتي من قوه انها مو مصدومه
حاولت اخي بشتى الطرق اشتكي عليه في اي مكان .. مرور .. شرطه .. حقوق .. محكمة ... ماحد عطاني وجه اخي غير محامي قال بيرفع قضيه في المحكمه ومايضمنها و اتعابه اغلى من قيمة السيارة فقلت بلاها
وارضى برزقك وهدا كله قضاء و قدر .. ومكتوب لك ياخوي تاخد هالسياره مو وحده ثانيه .. ماتدري .. وعسى ان تكرهوا شيء وهو خير لكم ..
انا عن نفسي كنت كمخه في السيارات بس هالتجربة خلتني افتح عيني على اشياء ... صارت العالم تحسدني على المواتر الي اشتريها
اتمنى ما رفعت ضغطك اخي بس محاوله اساعدك ..
اخوي تاكد من افياش الى تجي تحت المقاعد ممكن تكون هي السبب !!
لان انا مره فصلتها اشتغلت لمبه الايرباق ولا طفت لين شبكت السلك ..
ممكن تكون عندك مفصوله والرجال مايدري قام وفصل اللمبه من الطبلون
يعطيكم العافية شباب، ماقصرتوا، المعلومات هذه تفيدني كثير.
انا بروح اليوم الصناعية أشوفلي حل للمشكلة،
مواقع النشر (المفضلة)