ماتشوف شر
الحمد لله على سلامتكـ
السلام عليكم ورحمة الله وبركاته
بقولكم الاحداث الي صارت معي الايوم والحمدلله اولآ وأخرآ
اليوم الساعة 11 تقريبآ كنت ماسك الدائري ومثبت على 155 كم
المهم وانا ماشي كنت رايح لعنيزة عن طريق الدائري الغربي الجنوبي
وكنت قارئ الورد ولله الحمد ومصلي مع الجماعه
وانا داخل جو مع الشيخ سعد الغامدي
صارت السيارة تجنح يسار ومو من العادة انا خابرها تجنح يمين
حطيت رجلي على الفرامل وهديت يمكن الى 135 كم
بووووووووووووووووووووووووووووووووو
طرطرطرطرطرطرطرطرطر
الحقيقه انا اول مره يضرب علي كفر المهم اني من الخرشه ضغطت الفرامل وانا امشي 120 اعتقد
والحمدلله ما اختل توازن السيارة خليتها لين هديت وصفطت على الجنب واشوف وش اشوف :(
لقيت الكفر منسلخ طرفه والحمدلله الجنط ماجاه شيء الكفر الامامي يسار
وانا الي مخوفني الستبنه ماشيكت عليها من 6 اشهر
والحمدلله ركبتها وكان فيه ضغط هواء يمكن 10 المهم اني امشيت 60 لين وصلت اقرب محطه بعد 30 كيلو
طبعآ بتقولون ليش 30 كيلو
لان اغلب بل كل المحطات الي مريت من عندهم نايمين
والحمدلله لقيت واحد مانام وعبيت الكفر عنده
بعد كلية الشريعه لاصرت متجه شمال
لكن شهادة حق تنقال في الكفر الميشلان
والله انه كبر بعيني وخصوصآ اني يمكن مشيت عليه كيلو بعد ماضرب ومع ذالك تحمل
والستبنه مشيت عليها 30 كيلو وهي مافيها هواء الى شيء بسيط والحمدلله
مايستفاد من هذا الكلام
لاتسرع فالموت اسرع ولاتدري نفسآ بأي ارض تموت
والي يقول ان ضربت الكفر ماهي خطر اذا كان مسرع يشوف هذا المقطع ويركز على الكابرس
YouTube - ‫ضرب عليه الكفر وإنقلب‬‎
الله يرحمه ان كانه توفي والله يشفيه ويصبره ان كانه حي
انا ستر الله علي وهديت ورحمة منه ولا لو انا مااهديت السرعه كان الله اعلم ايش صار وخصوصا ان كان قداامي ووراي سيارات قريبه وانا كنت منعطف والحمدلله ماصار الى الخير
بالنسبة للستبنه شيك على الهواء فيها كل شهرين او اقل
وشيك على العدة كاملة
لان مااحد بيوقف لك ويساعدك الى ان يشاء الله
ولو يحصل تخلي قميص بالشنطة عشان مايصير ثوبك مثل ثوبي
وسلامتكم والله يبعد عننا وعنكم الشر ..
ماتشوف شر
الحمد لله على سلامتكـ
الحمد لله على سلامتك والشي الوحيد الذي يجعلك تجتاز مثل تلك المواقف هو حسن التصرف وعدم الاستعجال واتخاذ بعض الامور التي قد تزيد من حجم المشكله
وذكر الله سبحانه والاستغفار يزيد من ثبات المؤمن حتى يلهمه الله حسن التصرف واجتياز المصاعب والمشاكل المفاجئه
سبحان الله وبحمده سبحان الله العظيم
الحمد لله على السلامه وما تشوف شر
بس إنت إرتكبت أكبر خطأ والحمد لله إنك نجيت منه الحمد لله
يا قلبي المفرووض يوم تحس إنه الكفر إنسلخ معاك لا تمسك فرامل مره وخاصه الكفرات الأماميه
يعني تشيل رجلك على البنزين وتحاول تثبت الطاره تمام وإذا خفت السرعه شوي إستخدم القير العادي علشان السياره توقف سليمه
هذا إلى انا أعرفه خاصه في خطوط السفر
ومره ثانيه أقولك الحمد لله على السلامه وما تشوف شر
كويس يارجال ماطار الصدام ولا انعطب الرفرف
والحمدلله على السلامه
ومعروووفه رساوة الاكورد يالبيه بس
الحمد لله على سلامتك ياخوووي
لكن أنتبه اذا أنسلخ كفر لا تلمس الفرامل أبد
أترك الموتر يهدي لحاله عشان دايم الفرامل يسبب أنقلاب الموتر
والحمد لله على سلامتك والله يحمي جميع المسلمين من الحوادث.
حمد لله ع السلامه..
تقريبا مثل حكايتك صارت معي والحمد لله الاكورد صلاتي ع النبي راسيه..
وع السايق برضه وردة فعله
تحياتي..
وعليكم السلام ورحمة الله وبركاته
الحمدلله على السلامه
وعندي سؤال اذا تكرمت :
كيف تشوف رساوت السياره يعني ماحسيتها بتروح يسار ولا شي ؟
اول شي الحمدلله على السلاآمة وربك يستر عليك دنيآ وآخرة ...
ويآ شبآب اللي يقول لاآ يفرمل ولاآ يسوي ولاآ يفعل , والله ثم والله ذآ كلاآم الحين ينحفظ لكن لاآ ضرب الكفر تنفجع ولاآ شعوريآ تفرمل ... الشغلة الهآم من ربك وتوفيق منه ...
وربنآ يحرسنآ ويآكم من شر الحوآدس
الحمد لله عالسلامه ماتشوف شر انت وثوبك اللي توسخ((أش تبغي انت:p
عندي استفسار
هل كانت دواعي انفجار الكفر موجوده في كفرك
مثلا محبل
مثلا ناايم الكفر
مثلا انمسح الكفر
؟؟
علمآ أن كفراتك ميشلان ماشالله
ولآ كذا بس مادريت الا وانفجر؟؟!!
الحمــــد لله على ســـلامتــــــــــك ياغالــــي ...
الحمـــــد للــه جات على خيـــــــــــــــــــر ,,,
الله يجزاكم خير
يا قلبي المفرووض يوم تحس إنه الكفر إنسلخ معاك لا تمسك فرامل مره وخاصه الكفرات الأماميه
والله انا مااستوعبت الامر الى بعد ماصار الي صار وانا اعرف انه لاضرب الكفر ابعد رجلك عن الفرامل
ولا بالواقع اصلا السالفه كلها تصير بـ 3 ثواني وخصوصا السياره تجنح بعنف لليسار يعني الحمدلله انها عدت سليمه
كيف تشوف رساوت السياره يعني ماحسيتها بتروح يسار ولا شي ؟
والله كانت تروح يسار وانا ابغيها تروح يمين لكن الحقيقه اني مافقدت السيطره يعني اقدر اتحكم فيها
وهذي ماادري هي تكتب ل جودة الكفرات ولا رساوة الاكورد
لكن لاآ ضرب الكفر تنفجع ولاآ شعوريآ تفرمل
ايه والله وخصوصآ لاصرت تهوجس
هل كانت دواعي انفجار الكفر موجوده في كفرك
اي نعم والأسباب :
انا كنت قبل مخلي ضغط الهواء في الكفرات على 20 عشان تكون مريحه
وعشان كذا تبدا اطراف الكفر بالتشطب او التأكل ووهذي هي ضريبة الراحه في الميشلان
الشيء الاخر ان الكفرات مشت معي 106000 مئة وستت الاف كيلو و4 سنوات
وهذا شيء جميل وخصوصا النقشة الكفر مازالت موجوده
كان ممكن تعيش اكثر لو حافضت على ضغط الهواء فيها
وانا اول مخطط على كفرات تويو لكن الان افكر بالمشلان مره ثانية
وموفقين ان شاء الله ..
الحمد لله ع سلامتك
انا ضرب على ع 170 وطير معه الصدام والرفرف تعفط :d
وكل من شافها يحسبني مسوي حادث اقوله كفر مايصدق <<هجو عن كفرات سوموتمو
الحمد لله على سلامتك وماتشوف شر
الحمد لله على السلامة
بس انتبه لا تمسك فرامل مره ثانية
صحيح الميشلان يتحمل لكن عيبه قساوته اللي تنفض السيارة لين تدوخ
حمد الله على السلامة
الحمد لله على سلامتك
الحمد الله جت الامور على خير
والحمد الله على سلامتكـ يا الغالي
والله لايورينا مثل ها المواقف
الحمد لله على سلامتك ... و
الله يستر انا كفراتي برضو رايحه فيها
الله يكفينا الشر
الحمد الله على سلامتك
صح كذا شكل الكفر وهو مسلوخ ؟
وسطح الكفر منفصل عن الكفر ولاكنه بقى على شكل دائره لم تنقطع
طيب شباب الحين سلخة الـ R (أحزمه فولاذيه )عرفناها
أحد عنده خلفيه أو صوره عن شكل سلخة الـ ZR ?!
<<< حاليا مركب نوعية ZR (^_^)
الحمد لله على سلامتكـ
هذي هي صورة الكفر يااخوان
ونلاحظ نقطت الضعف في الكفر في الصور وهو الانحناء يكون ضعيف بسبب اني مثل ماذكرت اخلي
ضغط الهواء قليل عشان القساوة تخف ولكن هذي ضريبة الراحة
مافي احزمة فولاذية يااخ الادميرال
هو نايلون او مثل مايسمونه وهو افضل عشان مايضر عليك السيارة اذا انفجر
مو نوعه حقك R ؟!
الصوره الي فوق صوره كفري
ونوعه R
V
V
معني مني حاسس هذا فولاذ بس كأني فاهم من النت أن R = أحزمه فولاذيه
وسلخته كانت أحلى من سلخت كفرك :d
شوف حتى هو مسلوخ أتكيت ومرتب
مالاحظت صوت الكفر مع الشارع كان مزعج أكثر من العاده قبل ماينسلخ ؟!
انا الي لاحظته قبل مايضرب حسيت بنعومه بالشارع وعزل الصوت صار 90 % عزل ممتاز
بعدها صارت تجنح السيارة بشكل مقلق وبعدها بثواني صار الي صار
والكفر فيه خيوط كانها خيوط ملابس بس سميكه وقويه وانا هذا الي اذهلني انها قويه من دون اسيام وفولاذ
انت شكل كفرك مرتب بعد ماضرب
لكنه مشاك 40 الف وانفصل عن الجنط !
انا مشاني 106000 كم وبعدها ماضرب علي الى واحد الي هو هذا
واعذرني ماعندي خبره بالكفرات مااعرف ايش تقصد بـ r
والله يعطيك العافية ياادميرال ..
لا عاد مو مره 40 ألف ×_×
أنسلخ على 57 ألف (^_^)
وتوي قاعد أشوف الصور الي التقطها في جوالي طلع صحيح من جد في فولاذ
<<< في الطبقه العليا , عشان كذا هي متماسكه
ألقي نظره على الصوره
مواقع النشر (المفضلة)