السلام عليكم يا شباب
أمس 11-4-2010 يوم الأحد
رحت الصناعية القديمة أغير فحمات الفرامل الأمامي
وأنا في الطريق ظهر عندي صوت من أسفل السياره صوت غريبيجي ويروح كل ما دعست على
عيون القطط اللي في الشارع (عيون القطط هي القطع الحديد اللي في الشارع عرفتوها )
ومن هناك قلت انا رايح اغير فحمات خليني اشوف وش هالصوت
ورحت لشارع الأربعين عند النعماني وطلبت منه فحمات أمامي نيسن
وقلت له انا عضو منتدى هونداعلى طول أعطاني السعر 120 ريال
وسعرتها عند غيره 140 او 130
المهم
ومن عنده رحت لأقرب ورشة عندها زحمه سيارات هوندا
لأن اللي عنده زحمة يعني شاطر وعنده زباين كثيرين
قلت له ابي أغير فحمات امامي واسوي خرط للهوبات
وطلب 50 عالتغيير و 80 عالخرط<< كثير صح .. وانا واقف جا واحد سيارته بالورشه
كلمته قالي ادفع السعر حلو لان شغلهم مضمون ونظيف
توكلت على الله
وقبل لأدخل السيارة قلتله عن الصوت وطلعت انا والميكانيكي عشان اسمعه الصوت
المهم رجعنا ودخلوها على طول
ورفعوا السياره وسولي تربيط خلفي فقط
وطلعنا مره ثانيه لكن الصوت ما راح
لمن رجعنا فكوا الكفرات وشيك عالفحمات الخلفية لقاها منتهية مع العلم اني مغيرها قبل 20 الف وما اتوقعت انها تنتهي بسهوله مع اني مغيرها في الوكالة
المهم رجعت النعماني وأخذت النيسن الخلفي بـ 100 ريال وبره ما تلاقيه عند اي محل ثاني واذا لاقيته مو أقل من 140 إلى 120
الخلاصة غيرت فحمات أمامية وخلفية مع خرط الهوبات بـ 180 للورشة و220 حق فحمات أمامي وخلفي
والصوت اللي كان يصدر اختفى والحمد لله
والتربيط مجاناً مو مثل الوكاله يقولك ادفع ذاك المبلغ على تشييك عالسيارة وتربيط
... والحين نبي تمر فتره وانشوف النتيجة مالي غير يومين بس صراحة ماشاء الله عجبتني الفرامل .
وعنده فلاتر للتكييف مثل اللي تنباع فب المنتدى بس سعره أعلى ١٩٠ وفي المنتدى ١٥٠
انا جبت صيني بـ ٥٠ وهو جيد بس لونه مختلف يجي لونه رمادي
وأعذروني مافي صور لاني صراحةمفلوز
ومزكم
ومنتهي
ومالي خلق اصور
إنتهى التقرير
وكما عودتكم اللي ما يبي يعلق يضغط شكراً
VVVVVV
VVVV
VV
V
رد مع اقتباس
مواقع النشر (المفضلة)