ساعدووني يررحم والديكم

**موادع الزهراني** · 02-12-2010, 07:53 AM

السلام عليكم ورحمة الله وبركاته

انا عندي هوندا اكورد 2007 لما اكشح بنور العالي يعلق مااايطفي احااول فيه عشان يطفي ماااايطفي الين افصل اصباع البطاريه

ناس يقولون غير عصا وذ1 ابي اغييره كم سعره ؟؟ تنصحوني بتشليح ؟؟

**Accord F15** · 02-12-2010, 08:07 AM

هذي من الظفيره يالطيب حقت علبة الفيوزات رح الوكاله ويغيرونها لك حتى لو انك خارج الضمان لأنها عيب مصنعي واذا رحت لهم انشبهم صح قلهم هذي المشكله بأغلب الأكوردات واذا ما رضيوا رح لمدير الصيانه تفاهم معاه لأن قيمتها تطق الـ 2000 :(

**أمير الذوق** · 02-12-2010, 08:13 AM

سلام عليكم :
اخوي مشكلتك مرت علي وطلع الخراب من علبه الفيوزات مو العصى شيك عليها

**موادع الزهراني** · 02-12-2010, 12:35 PM

اخوي امير الله لايهينك يعني تتوقع من الفيوزات ؟؟؟

**accordyon** · 02-12-2010, 04:51 PM

اذا سيارتك ماشيه اقل من 120 الف يغيرونها الوكالة على الضمان
المشكلة من علبة الفيوزات

**موادع الزهراني** · 02-12-2010, 07:37 PM

علبة الفيوزات يعني في فيوز خربان ولاا نفس العلبه اغيرها ؟؟

**موادع الزهراني** · 02-12-2010, 07:48 PM

ساعدوني الله يرحم والديكم انا واحد حق سفريات وبدون نور عالي مااينفع اخدمووني بأسرع وقت علبة الفيوزات اغير فيووزات خربانه ولا اغير علبة فيووزات كاامله

**اكوردي 2007** · 02-12-2010, 08:45 PM

روووووووح الوكالة يغيرون لك علبة الفيوزات على الضمان واذا تعديت 120.000 كم الله يعينك راح تغيرها على حسابك

تقريباً 2000ريال

**موادع الزهراني** · 03-12-2010, 01:42 PM

قوووووول خيير يااخوي 2000 ريال حقت وشوو ؟؟؟

**ن ع ر السعودية 0005** · 03-12-2010, 02:20 PM

وعليكم السلام ورحمه الله وبركاته

أخوي الشباب أفادوك بس راح أوضح لك زيادة ..

الحين موترك كم ماشي وصل إلى 120 ألف ولا لا إذا لا رح للوكالة وقل لهم أنه عندك مشكله بالنور العالي وأنه يعلق وهذي المشكله عيب مصنعي وأنكم تغيرون علبه الفيوزات على الضمان بس أهم شيء تشد معاهم شوي حتى يغيروها لك .

وإذا موترك معدي الضمان عندك هذي الحلول المبدائية وهي تغير الفيوز حق النور العالي بواحد جديد أصلي من الوكالة والحل الثاني تركب كتاوت للنور العالي وبكذا إن شاء الله أنه ما راح يعلق معك .

أرجوا أن ردي يكون واضح لك ولجميع من مره عليه هذي المشكله.

**abu khaled** · 03-12-2010, 02:37 PM

المشاركة الأصلية كتبت بواسطة أكورداوي

طيب انا كانت عندي نفس المشكله وركبت لها كتاوت ب 100 مع شغل اليد والحمد لله ماصارت لي ابدا من سنه تقريبا وبدون تغيير شمعات ولا شي ..

يعني بكره لارجعت لك المشكله لاسمح الله مع الشمعات الجديده على طول رح ركب كتاوت وريح بالك

............

**موادع الزهراني** · 03-12-2010, 03:04 PM

ابو خالد يعني اروح اركب لها كتاوت لنور العالي؟

**المباشر** · 03-12-2010, 03:17 PM

اكثر من واحد طرح لك سؤال ... كم ماشي موترك ومارديت

موترك كم ماشي ؟؟؟؟؟؟؟؟؟؟؟؟؟؟

**اكوردي 2007** · 04-12-2010, 09:57 AM

المشاركة الأصلية كتبت بواسطة المباشر

اكثر من واحد طرح لك سؤال ... كم ماشي موترك ومارديت

موترك كم ماشي ؟؟؟؟؟؟؟؟؟؟؟؟؟؟

انا اجاوبك يا المباشر انا موتري ممشاة116.000كم يعني باقي لي 4000كم يوروح الضماان ابغى اغير علبة الفيوزات وماهي خربانة من باب السلامة مستقبللا:d ايش رايك تجي ولا لا ؟؟

**المباشر** · 05-12-2010, 04:38 AM

المشاركة الأصلية كتبت بواسطة اكوردي 2007

انا اجاوبك يا المباشر انا موتري ممشاة116.000كم يعني باقي لي 4000كم يوروح الضماان ابغى اغير علبة الفيوزات وماهي خربانة من باب السلامة مستقبللا:d ايش رايك تجي ولا لا ؟؟

ماتجي ياحبيب قلبي الا اذا عندك واسطة جامدة وقتها ممكن :d

انا موتري ماشي بالضبط 11600 الف وشوي كيلومترات زيادة وجالس احاتي موضوع علبة الفيوز لكن الظاهر بعدي الـ 120 الف وهي ماشاء الله تبارك الله للحين ماخبطت << ودي لو تخبط وتريحني وابدلها :d

طبعآ الوكالة راح ترفض لأن العلبة تعتبر مضبوطه ومافيها خلل لو رحت لهم وماتستبدل الا وقت الخراب ويكون منها

على العموم كبر الوساده بس وعلمني وقتها كم قيمتها بالتشليح يمكن يطلع خصم اذا اخذنا ثنتين انا وانت :d

**Accord V6 Cup** · 05-12-2010, 12:20 PM

احسبوني معااكم ..

والله كنت غافل ولا داري بهالمشكله فتحتوا عيني عليها ... بدا الهوس يشتغل عندي ... انا توني واصل مشارف الـ 100 ألف .. واللـــــــه يســـــــتــــــر

**موادع الزهراني** · 08-12-2010, 02:35 PM

اخوي مباااشر السياره مااشيه .. 151000 والمشكله الحمد لله انحلت ركبت كتااوت لنور العالي والحمممدلله ويعطيكم الف عاافيه .. لكل من شاارك بموضوعي وافاادني ..