بانزل فيديو قريبا ان شاء الله عملية جراحية لتغيير الاصلاح في طرمبة الدركسون والرمان الداخلي لها فقط سوي مثل ما اسوي وتضبط امورك ان شاء الله
السلام عليكم ورحمه الله وبركاته
كيفكم حبايبي
أخوي عنده هوندا اكورد 2005
الدركسون صاير ثقيل عنده
والمشكله على حسب كلام المهندسين انها في طرمبه الدركسون
وانتو تعرفون تكلفتها غاليه
وسمعتـ انو في حل يفكك من شراء القطعه كامله ومايكلفك الا شيء بسيط جدا
ممكن تفيدوني ولكم مني جزيل الشكر ..
بانزل فيديو قريبا ان شاء الله عملية جراحية لتغيير الاصلاح في طرمبة الدركسون والرمان الداخلي لها فقط سوي مثل ما اسوي وتضبط امورك ان شاء الله
قريبا اكيورا فخر صناعة هوندا الامريكية على هوندا العربية
اكيورا RLX 2013
انا نفس المشكله عندي هوندا2001 بس سويتلها اصلاح وخلاص وهالحين زي اللوز
عندك يا اخوي تشتري إصلاح طرمبة دركسون من الوكالة بـ 120 تقريباً وتروح لأي محل هيدروليك أو أي ورشه عندهم صيانه الطرمبة ويكلف شغل اليد ((( أعتقد ))) 100-150 :::
وأنصح بمحل الطاير للهيدروليك و هذا هو الوصف ::
الصناعية القديمة - الرياض
وانت في شارع الامير سلمان جاي من مخرج 17
تجيك اول اشارة بعد النفق الكبير
لف يسار
ابتل علطوووووووول لم يجيك حرف تي
رح يمين
يجيك حرف تي
ديور
اول لفه يمين
يجيك اول تقاطع كبير
تلقى على يسارك ورشة هايدروليك لوحتها صفرا ماعليك منها جنب الورشة (يعني تلف يسار ) وتخلي الورشة ام لوحة صفراء على يسارك تلقى الطائر للهايدروليك على اليسار محل كبير
منقول الوصف من : http://www.hondaarabia.com/club/post409764-4/
الله يسعدكم حبايبي
أخوي بلال
بأنتظار الفديو وأفاده الجميع ومشكور مقدماً
هوندا
الف شكر
سام
الف شكر على أجتهادك
كل الشكر ياغالي
مساء الخير
اخوي كلي فداك بعد اذنك انا موتري 2007 فيه نفس المشكله بس الدركسون عادي مو ثقيل ولاشي ولاكن فيه صووت حنه !!
طرمبه الدركسون حسب ماقريت بالمنتدى انه اذا هي تهرب بتحصل عليها زيت من برا ! بس عندي الطرمبه نظيفه مافيها زيت
التهريب من الهوز اللي مشبوك بالعلبه حقت الدركسون ,,
ورحت امس لكم ورشه ويقولون لي من طرمبه الدركسون !!
وفي محل قطع غيار هوندا بصناعيه الشفاء حصلت عنده الطرمبه ب 1700 ريال الاصليه حق الوكاله والتجاريه حصلتها ب 700 ريال عند نفس المحل
وقطع الاصلاح حقتها ب 120 اصليه موجوده عنده بعد ويقولي اي ورشه ممكن يسوي لها اصلاح لك ب 100 ريال !!
فما ادري ياشباب هل تنصحون بالطرمبه التجاريه او وش نسوي لان امس سهران ابحث بالمنتدى عن هالمشكله وناس تقول الاصلاح مو كويس وناس تأيد التغييير بجديد لاكن ماشفت احد ابدا تكلم عن الطرمبه التجاريه !!!
نبي رايكم فيها ؟!
باانتظاركم
أخوي أول شي انت تقول الطرمبة ما عليها زيت من برا فأعتقد إنها سليمه و انت تقول الهوز اللي مركب على الطرمبة يهرب (( وهو عيب مصنعي يغير في الوكالة ببلاش )) ::
نصيحه مني : بكره إن شاء الله روح الوكالة الصيانه وخل الفني يشوفها وقله عندي تهريب في الهوز (( وهذا عيب مصنعي يغيرونه لك ببلاش )) << طبعاً إذا قالك خلاص إحجز موعد ويغرونه لك وطبعاً أنت قله يشوف الطرمبه هل هي سليمه ولا لا ::
المشكله ماقدر اروح الوكاله لان سيارتي الحين ماشيه 55 الف واخر مره رحت الصيانه وقت ال 35 الف :(
وغير كذا سيارتي معدل عليها اشياء فالكهرباء لو اروح الوكاله بيلغو الضمان علي :(
بعدين الهوز اللي اقصده مو نفس اللي انت تقصده اللي جاي من فوق لا الهوز اللي مشبوك بالعلبه من تحت ورايح للطرمبه الهوز صغير
وانا بطلع بعد شوي اغير الفحمات عند ورشة الجنوب وبشيك عليها واشوف وش يقولون لي وراجع لكم:o ...
طيب اخوي هد أعاصبك كل شي يزين إن شاء الله ::
صحيح الهوز اللي أقصده اللي فوق أما اللي تحت ما أدري كيف يصلح (( هل هو كبس أو تغيير راس )) ؟؟؟
على العموم أنت لو تروح للوكالة تجرب حضك إذا وافقوا الحمد لله وإذا رفضوا أنت الكسبان (( إن الفني اللي في الوكالة راح يعطيك مشكلتك الأكيده وطريقة الإصلاح هل هي كبس ولا تغيير راس )) ,,
وخبرنا وش يصير عليك ::
يسسسسسسعد مسااائكم :o
اخوووي سااام والله ماني معصب منك معصب من الطرمبه :(
ابشركم ياشباب الحمدلله رحت لصناعيه الموسي حي العزيزيه بالرياض :d
ودخلت لورشه السبيعي معروفه هناك ..
طلبت منهم يغيرون الفحمات وجلست اتمشي في ما يغير ويفك ويركب وناديت المكيانيكي قلت تعال يبو وشرحت له وضع الصوت والحنه اللي فالدركسون قالي لالااا شوف هذا راعي الهدروليك اللي جنبنا يصلحها لك ,, قلت اوكي خلص بس الموهيم والله ويخلص الرجال وادخل عند راعي الهدروليك وسوالف معه وندردش شوي ,, طلع سوري << نصصفق له مثلآإ !
المهم انا تطمنت اكثر يوم شفت عنده اكورد 2007 يصلح الدوده حقتها وكذا حسيت الرجال شغيل وعنده كم هوندا بعد
فكيت الكبوت ولف يمين ويسار مدري وش زين وقالي ها راح الصوت قلت ايه !!
قال طيب تعال واجي قالي القفيز اللي ماسك الهوز اللي طالع من الطرمبه للعلبه رايح فيها جب قفيز حبتين وتعال
واروح واجيبها واجي والله ويربطها وراح الصوت !!
وقال الزيت ناقص جبتين وشريت زيت وزودناه واختفى الصوووت تمااااااااما وقالي ان الطرمبه اللي عندي ميه ميه ولافيه تهريب منها :d
نبدا بالصور
هذا القفيز طبعا اشتريت حبتين بـ 8 ريال ,,, والجديده على كفي والقديمه حقت الوكاله اللي باصباعي :d
/
وهذا الخرطوش مدري واضح لكم والالا ؟!
/
هنا اقرب شوي وواضح القفيز حق الوكاله ..
/
هذا الزيت حق الدركسون واشتريته من قطع غيار هوندا بعد الخصم بـ 37 ريال
:d وقولو ماشاءالله طرف عدسه الـ FX-R طالع << كان بيسوي تقرير بس المشكله كل الصور بالايفون وشغلته شغله ويبغاله وقت وهونت < كفف
/
هذي لوحة الورشه حقت الرجال ,,
/
وهذي الورشه واكوردتي الحبيبه وقدامها اختها السمراء :d
/
والرجال لمى خلص وركبها جاء ابويمن يتحكحك يبغى يعرف كيف صلحها وقالي السوري يابوي طنشه قل ماعرف وسويت به زحلطن وسالته ليه قالي هو بكره بيروح يسوي نفسه فاهم ويخرب سيارات الناس وغير كذا بيسرقهم على انه مغير طرمبه فقلت بنفسي ممكن ليه لا
وماقصر قلت له بكم شغل يدك !! قال 10 وعطيته 20 من الفرحه ومع قيمه القفيز المجموع = 28 ريال !!!
وأي واحد ممكن يصلحها بنفسه ويجرب يشتري قفيز حبتين ويسكر الخرطوش من تحت واحد ومن فوق واحد وانتهينا ..
طبعا فيه جلده قالي عنها اللي تحت الكوع اللي فيه الهوز من داخل فيها جلبه وقالي مايحتاج تغيرها اذا طلعت صوت بعدين تعال تغييرها ماياخذ وقت وسعرها ريالين !
والحمدلله الصوت مرررررررره مختفي وحبيت سيارتي لاني كنت مخاصمها بسبب الصوت :o
واي واحد حاب يروح للرجال لوحته واضحه وهو مكانه بجانب مركز السبيعي على طول مافيه غيره ..
وهذا رقم جواله 0567425240 .. اسمه علي ,,
واي احد يروح له قووله من طرف تركي الحارثي صاحب الاكورد اللولي :o
الله لايحرمني منكم يا اطلق منتدى احوووووبكم :o
ملحوس اكورد
الله يوفقك بدنياك وباخرتك قول امين
عندي نفس موترك والحنه عندي لها كم شهر وبكرا اباخذ القفيز وابغيرها بنفسي
انا الاحظ عندي الطرميه نطيفه مافيها تهريب ابد (ماشاءالله ) فقلت اكيد هالحنه مو من الطرمبة
بس الحين لاحظت ان علبة الزيت نفس اللي انت غيرت القفيز من عندها عندي عليها زيت ومغبره شكلي ابغير القفيز مثلك وبتضبط
اولا واخيرا الله يوفقك ويجزاك خير ويكتبلك بكل حرف كتب بهالمنتدى حسنه ومضاعف لعشره <<< يااارب
طيب ياخوك انت مشكلتك الحنه ماسألته عن الثقل في الطاره
خصوصا ان اللي اللي نازل من نفس العلبه البلاستيكه عليه زيت بجنب القفيز اعتقد اللي كان مشكلتك
الله يعطيكم العافيه حبايبي
والله يجزاكم بالخيرر يالغالين ,,,
حبيبي بن لواص انت نفس مشكلتي يالغالي وكان عندي نفس التهريب اللي عندك بسيط بس من الهوز لان القفيز يدخل هووا للطربمه والطرمبه توديه للدركسون ويطلع الصوت فهمت ,,
اذا غيرت القفيز مايدخل هوا ويروح الصوت ..
اخوي اكوردتي انت مشكلتك كمان نفس المشكله جرب غير القفيز واذا مانفع ماراح يضرك وسعره قليييل جدا يعني لايعتبر شيء وانت جرب وماراح تخسر حاجه
مواقع النشر (المفضلة)