و الله مشكلة صرت أحس إن حركة العيوب المصنعية هذي مقصودة من الشركة وطبعا يوم جانا العيب المصنعي حق علبة الدركسون يقولون أول إصلاع عند الوكالة ومجانا و أما إذا خربت عليك مره ثانية لازم تصلحها على حسابك يعني تحس إنه بالمره الاولى يبغون يرضون الزبون و المرات الجاية يشفطون فلوسه بقطع الغيار ومهب بس هوندا حتى هونداي وتويوتا استدعوا و الطامة الكبرى هونداي تستدعي ملاك سوناتا 2011 لعيب مصنعي أعتقد بالدركسون أو علبة الدركسون يعني الموتر توه جديد ويستدعون راعية
وتويوتا وش أقول ووش أخلي من الاعطال يلي هلكت ملاكها خصوصا الكامري يلي كان خبرنا فيها عتيق إنها اقتصادية وعملية الان أكثر سيارة تطلب بسبب الاعطال و العيوب المصنيعة يلي فيها وفي غيرها من فئات تويوتا مثل السيكويا و الافالون ...

أنا حاس إن الحركة مقصودة عشان يكسبون من قطع الغيار يلي بيكون ضحيتها مالك السيارة
ولكن امسك قردك لا يجيك يلي اقرد منه يعني خل الاكورد ولا تبيعها عشان لا تتزيد تطيح في تويوتا وتشوفون أصول شفط الجيب من الاعطال يلي فيها ولا ومن فترة زادوا أسعار القطع بنسبة 15% يعني بنفلسك بنفلسك :d

ولكن الحمد لله على كل حال أنا الان عندي مشكلتين وحلولها بسيطة الاولى علبة الدركسون ويحتاج لها تقريباً 4 جلد ولي وقريب بغيرها و الرجة يلي من كراسي المكينة إن شاء الله بإجازة منتصف العام بدخلها الوكالة
ولكن الموتر ما شاء الله تبارك الله الله يعطيني خيره ويكفيني شره وأنتم كذلك الله يعطيكم خيرها ويكفيكم شرها

وسلامتكم ،،،