النجــــــــــــــــــده ياشباب

**مجنون الأكورد** · 25-12-2010, 02:12 AM

السلام عليكم ورحمة الله وبركاته
طبعا هذا موضوعي السابق في الرابط التالي http://www.hondaarabia.com/club/t43577/
بعد الذهاب للوكاله والفحص تبين ان مشكلتي القير هل يعقل سياره موديل 2007 v6 عمرها 4 سنوات القير راح فيها انا مو مصدق للحين لانه لا حق تفحيط ولا حق وسوسه ولا حق هجوله ولا حق شي كله شد بلد مادري وش السالفه صحيح اني غيرت زيت برى الوكاله بس مو للدرجه هاذي فيه ناس كثير غيرت برى وزي الحلاوه وانا للحين مو مصدق ومادري وش الحل ياليت تفيدوني ولاتحرمونا من ارائكم علما ان السياره حاليا في وكالة هوندا في الخالديه بالرياض ولكم وافر الشكر والتقدير

**نحيب الاماكن** · 25-12-2010, 02:20 AM

دائم اسمع اكثر مشاكل الجربوكس في 6 سلندر

الله يعينك والله

الاخوان ان شالله ماراح يقصرون معاك

**مجنون الأكورد** · 25-12-2010, 02:23 AM

يسلمو اخوي نحيب واسف مره اخرى ترى كنت امزح في الموضوع السابق الله يعيني وبس

**Accord_2005** · 25-12-2010, 03:29 AM

هلا فيك يالغالي

من ناحية زيت الجيربوكس فهذا لازم تغيرة بالوكالة أنا ما قد طبيت الوكالة إلا بصيانة 1000 كيلو أول ما تخرج السيارة وصيانة 60000 بس وكل الاصلاحات سويتها برا الوكالة بستشناء العيب المصنعي حق علبة الدركسون المهم إن زيت الجير بوكس ما أغيره إلا بالوكالة لأن بالوكالة يتقنون الشغل في طريقة الفك و التركيب و تغيير الزيت المهم ما تأخذ السيارة من الوكالة إلا وهي ما شاء الله تبارك الله مثل المنجا في الصيف :d
وياكثر من غيروا الزيت خارج الوكالة ويشتكون من الجير

فالله يعينك و إن شاء الله إن المشكلة تكون بسيطة

وسلامتك ،،،

**مجنون الأكورد** · 25-12-2010, 03:36 AM

مشكور اخوي

**نحيب الاماكن** · 25-12-2010, 08:23 AM

المشاركة الأصلية كتبت بواسطة مجنون الأكورد

يسلمو اخوي نحيب واسف مره اخرى ترى كنت امزح في الموضوع السابق الله يعيني وبس

لو اسمع الكلام هذا ثاني مرة ازعل منك احنا اخوان واشي تبيه لايردك الا الكيبورد ^_*

**متصفح** · 25-12-2010, 06:00 PM

وش نوع زيت القير الي غيرته... زيت هوندا او نوع ثاني وكم علبه استخدمت عند التغيير ...

التغيير برى الوكالة مايضر من وجهة نظري بشرط تستخدم زيت هوندا المخصص للقير بالكمية المناسبه

**مجنون الأكورد** · 25-12-2010, 06:22 PM

المشاركة الأصلية كتبت بواسطة نحيب الاماكن

لو اسمع الكلام هذا ثاني مرة ازعل منك احنا اخوان واشي تبيه لايردك الا الكيبورد ^_*

تسلم لي ياغالي

**مجنون الأكورد** · 25-12-2010, 06:24 PM

المشاركة الأصلية كتبت بواسطة متصفح

وش نوع زيت القير الي غيرته... زيت هوندا او نوع ثاني وكم علبه استخدمت عند التغيير ...

التغيير برى الوكالة مايضر من وجهة نظري بشرط تستخدم زيت هوندا المخصص للقير بالكمية المناسبه

لا والله ماغيرت زيت هوندا نفسه مادري وش اسم الزيت والظاهر انه غير 3 ونص او اربع ولكن الله يقدر خير وبس اريد حلول ياشباب

**ابوعليان** · 25-12-2010, 11:19 PM

مالك الا تغير القير وانصحك انك ماتغير زيت الهوندا الا بزيتها الاصلي لان الوكاله مش افهم منى

**lonly style** · 26-12-2010, 12:52 AM

الغلط انك تغير زيت القير بزيت اخر غير زيت هوندا الاصلي ...

لازم تركب زيت هوندا الاصلي أأمن للقير

**مجنون الأكورد** · 26-12-2010, 01:39 AM

طيب الحين عطوني حلول وخلاص انا عارف انه لازم اغير زيت القير الاصلي

**اكوردتي عشق لا ينتهي** · 26-12-2010, 01:51 AM

ماش ولا حلول وانا اخوك
وش تبي تسوي اذا القير انتهي ومعك سيوله غيره
واذا ماعندك رح سوله توضيب بوحده من الورش الكويسه في منطقتك

**مجنون الأكورد** · 26-12-2010, 02:20 AM

المشاركة الأصلية كتبت بواسطة اكوردتي عشق لا ينتهي

ماش ولا حلول وانا اخوك
وش تبي تسوي اذا القير انتهي ومعك سيوله غيره
واذا ماعندك رح سوله توضيب بوحده من الورش الكويسه في منطقتك

يعني اشلون اغيره وبكم هو جديد وهل ينفع المستعمل ام لا؟ وعلى كم التوضيب؟

**متصفح** · 26-12-2010, 07:38 PM

غير زيت القير بزيت هوندا اصلي ثلاث علب فقط

وغير الفلتر الخارجي تلاقي موضوع مثبت بالقسم بخصوص السته سلندر

وتضبط امورك ان شاء الله

**القايله** · 26-12-2010, 09:12 PM

دور لك قير مستعمل التوضيب بالوكاله اكثر من 8000ريال

**مجنون الأكورد** · 27-12-2010, 12:31 AM

المشاركة الأصلية كتبت بواسطة متصفح

غير زيت القير بزيت هوندا اصلي ثلاث علب فقط

وغير الفلتر الخارجي تلاقي موضوع مثبت بالقسم بخصوص السته سلندر

وتضبط امورك ان شاء الله

والله ياليت اني اسوي كذا وتزبط اموري اتمنى

**حميد** · 27-12-2010, 12:44 AM

شوف اصبر يوم وروح الوكاله اكيد بينسوك واطلب منهم تغيير زيت القير + واذا مشا الحال وزان موترك ارجعلهم بعد فتره واطلب منهم فحص كامل على القير اجزاءها الاكهربائيه والميكانيكيه بعدين اطلب منهم تقرير انا متاكد انو بعد ماتسوي هالاشياء انشالله القير بيزون
او اذا بقى نفس المشكله نسبه كبيره انو حساس القير فيها مشاكل
صدقنى مو على كل حال القيور والمكائن بعد الله طبعا صعب تخبط الى اذا استخدمت استخدام سئ مره
شكرا

**مجنون الأكورد** · 27-12-2010, 12:49 AM

المشاركة الأصلية كتبت بواسطة حميد

شوف اصبر يوم وروح الوكاله اكيد بينسوك واطلب منهم تغيير زيت القير + واذا مشا الحال وزان موترك ارجعلهم بعد فتره واطلب منهم فحص كامل على القير اجزاءها الاكهربائيه والميكانيكيه بعدين اطلب منهم تقرير انا متاكد انو بعد ماتسوي هالاشياء انشالله القير بيزون
او اذا بقى نفس المشكله نسبه كبيره انو حساس القير فيها مشاكل
صدقنى مو على كل حال القيور والمكائن بعد الله طبعا صعب تخبط الى اذا استخدمت استخدام سئ مره
شكرا

والله مافيني نفس لهم الحين السياره طلعتها من عندهم يوم السبت وبأوديها صناعية ام الحمام ورشة 20 يشوفونها هل كلام الوكاله صحيح ولا. وبعدين نشوف وش نقرر لانه لازم اسويها في اسرع وقت عشان الدوام وانت عارف الرياض والي ماعنده سياره وش يصير عليه وربنا يكتب لنا الي فيه الخير

**لغز** · 19-01-2011, 07:04 AM

انا توي جديد معكم بالمنتدى ومني عارف مشكلتك انتهت والا لا ولكن الله يعينك

بس اذا بتسمع نصيحة اخوووك اذا مانتهت مشكلتك لاقدر الله للان...صلح السياره باي قيمة وبيعها وخذلك 4 سلندر..السته سلندر مشاكلها كثير ياخوووووووووي

**gallardolover** · 19-01-2011, 07:57 PM

صابني نفس الشيء

السبب هو عدم تغيير زيت الجير لمده اكثر من 60 الف كيلو

الثاني ان تغيير الزيت بس تركب لك زيت اخر غير زيت الهوندا وكدا بيخترب الجير

الثالث سوء استخدام السياره السرعه الزائده لحد الوصول الى 200 او 190 كيلو متر

الرابع التفحيط ووو..

الخامس كثر القومااااااااااات - واول ما تفتح الاشاره تدعس بنزين

-------------------------------

الحل -

توضيب الجير

الحل الثاني

شراء جير مستعمل

الحل الثالث

شراء جير جديد

افضل الحلول

شراء جير جديد - ووو الحل الوسط هو شراء جير مستعمل

والاخير توضيب الجير

وسمعت ان التوضيب لا يفيد كثير لان يخترب مره ثانيه

والسلام عليكم و رحمه لله و بركاته

**طيب على شآني** · 19-01-2011, 08:15 PM

بعضنآ يغير الزيوت برى الوكآله الوآحد فينآ يدق علي خويه يقول تعآل انا في البنشر الفلأني يحط السيآره عندهم ويروح مآيدري وش يغيرون وش يخلون لآ ونحرصهم على الغسيل المجآني أكثر من غيآر الزيت :d
لذلك انآ أئيـّد تغيير الزيت في الوكآله بقوه ..
آيضاً فيه مرآكز معروفه ويآحبذآ نوقف فوق رآس اللي يشتغل عشآن نعرف وش سوى ..

الله يعينك اخوي انشاء الله يفيدونك الشبآب

**K H A @ L I D** · 20-01-2011, 02:53 PM

انا نصيحتي لك خليها ماشي عليها لمن يوقف لوحدو

**B 5ob3aH** · 20-01-2011, 03:04 PM

وفر 20 ريال واخسر مقابلها اكثر من 1500 ريال .. وفر 50 ريال واخسر مقابلها القير !!

**مجنون الأكورد** · 28-01-2011, 05:29 PM

السلام عليكم ابشركم يأ اخوان وبفضل الله ثم بفضل اخوي المتصفح تم تغير زيت القير وفلتر القير وذلك بقيمة 337 ريال والحمد الله السياره رجعت لوضعها الطبيعي ولله الحمد والمنه واشكر اخي المتصفح على المعلومات الي اعطاني اياها على الخاص احببت ان اخبركم بما صار بالكامل والله لا يريكم مكروه ان شاء الله