صابني حادث في الصدام الخلفي وابي استشيركم

**جريح الروح** · 26-12-2010, 07:03 PM

السلام عليكم
صابني حادث في الصدام الخلفي ابي رايك بتغير الصدام او تعديل الصقعة
وأبي أفضل ورشة في الشرقية ممكن تزبط الى اللون او اسويها في الوكالة
ابيكم تعطوني أرائكم
وهذي الصور

**أكـورد 2009** · 26-12-2010, 07:09 PM

اكيد الوكاله ما عليه كلام ..

بس وين موقعك في الشرقية ؟

**جريح الروح** · 26-12-2010, 07:26 PM

في الخبر او الدمام أو القطيف أو الجبيل ماعندي مشكلة

**حميد** · 26-12-2010, 07:41 PM

اخوى جرح الحمد لله على السلامه اول شي وماترى باس
ثانى شي نصيحه لاتصلحها لانو بجيك واحد ويحك الصدام لانو السواقه بالسعوديه رايحه فيها
لاكن اذا ودك تصلحها بقوله ورشه شغلهم ممتاز وكفاءه ورشه الملحم بالخبر مكانها عند صناعيه الفوازيه بالضبط وانت جاى من الكورنيش القديم يلف بك الشارع يمين بجيك دوار خذ وياه سيده يعنى لاتلف يسار امشى وعديه بتحصل الورشه على يسارك طبعا لمن تروح هناك ويوشفها الفنى بيقولك الف ريال 1000 ريال لاكن بالمكاسره بينزل كثير انشالله انت لاتنسى الشغل الممتاز وماتاخذ يوم يمكن وانت واقف يسوونها
بالوكاله مسوين عرض بس الى اخبره قبل اسوبوعين يصبغون الصدامات الخلفيه والاماميه 1200 او 600 كلهم مانى فاكر
شكرا

**كوارداوي** · 26-12-2010, 08:54 PM

أنا صارلي نفس اللي عندك
بس اللهم أني سويتلها تلميع و صنفره و راحت و ربي لا يوفق الصادم

**meshoo** · 26-12-2010, 09:09 PM

وعليكم السلام

وديها عند ورشة باسمير

بيسوي لك خياطه للصدام وبعدها بيصبغه لك من جديد

وماشاء الله شغلهم مايحتاج

**KNT a7bk** · 26-12-2010, 09:57 PM

مثل ماقال ميشوو ورشة باسمير ورشة ممتازه بس اسعارها لك عليها :(

بس شغلهم مليون بالميه وولد عمي مجرب السمكرها عندهم

**جريح الروح** · 26-12-2010, 11:24 PM

مشكورين شباب
وين تصير ورشة باسمير

**جريح الروح** · 27-12-2010, 01:09 AM

حبيت اسائلكم عن ورشة باسمير والناجم وين يصيرو وكيف اسعارهم لو بارش الصدام الخلفي اللون لؤلوي
وهل يمكن يتعدل الصدام ويرجع زي اول بدون تغير الصدام

ومشكوووووووورين مقدما
بالانتظار

**المباشر** · 27-12-2010, 04:06 AM

الحمدلله على السلامة

عزيزي رش الصدام بدون تغيير انا للحين الصدام الخلفي محكوك 3 مرات مرتين سيارات ومرة اتوقع سيكل من هندي ولا من ايش ماني داري

والى يومك شغل تنقيط ولا هو مبين فيها مع اني افكر اصبغه كامل بس داري بيجي واحد نذل ويعطي الصدام المقسوم كالعادة

باسمير اسأل عنها وهي معروفه وراح يدلونك عليها وترى شغلهم مثل ماقالو الشباب ممتاز جدآ وعن تجربة كثيرة وانت شوف السيارات عنده وراح تحكم او خلها بعد الصبغ وشوف

وبخصوص الناجم ترى قليل اسمع احد صبغ عنده وشغلهم مش معروف يعني ممكن تضبط وممكن لا

خلك على باسمير حتى لو السعر مرتفع افضل

واحد من الشباب عنده مرسيدس لونه بحري مادري وش لون جاي المهم كل ماطلع فيه صدأ وداه باسمير ويشتغلون فيه ويطلع ماشاء الله كأنه مش مصبوغ ولاحظ كيف يضبطون اللون

ومرة جاني الرجال بدون صدام ... وش السالفة قال سيارة البلدية على الفجريه راجع ريوس وشال الصدام وياه واحلى كفشة من واحد من الجيران وهو طالع من الصلاة .. وضبط الصدام في ورشة باسمير وراح لهم ركبوه وكأن ماصار شي

المهم شغلهم فلللله روح لهم