معوض خير وانا اخوك وفي الحديد ولا في العبيد
ومدام انت سلمت ما جاك مكروه كل شي يتعوض
اما اسعار المقصات والاذرعه والله علمي علمك لكن الشباب ما بيقصرون ان شاء الله
والحمد لله على السلامه
السلام عليكم ورحمة الله...
الله لا يوريكم المكروه ان شاء الله
اليوم طبعآ على الساعه عشره الليل طلعت من الكليه الصناعيه رايح اتعشى يوم وصلت لإشارة الخليج ولا هذيك السياره اللي يدخل علي طبعآ هو كان يبغى يسوي ريتيرن ويرجع وكانت اشارته حمراء فالرجال كنسل ويبغى يمشي قدام والاشاره طبعآ خضراء(اشارات الجبيل الصناعيه كذا) المهم الرجال دخل علي بدون ما يعطي اشاره ولا شيء قمة الاستهتار المهم انا كنت ماشي حدود الـ 80 ويوم شفته شتلت بالسياره يمين عشان اتفاداه الا قدامي حادث كان بنفس الوقت بين كابرس تسعاوي واكسنت الظاهر واشتل يسار عشان اتفادى الحادث يوم شتلت السياره قفلت معي وراحت طبعآ ركبت الرصيف اللي عرضه الظاهر اربعه متر(ماهو رصيف ذا جدار ارضي) المهم وتطلع السياره وتنزل عالشارع الثاني(عكس) وتخطني سياره من قدامي ومن وراي (لهذي اللحظه ما ادري كيف سلمت) رحمة ربي الحمد لله على كل حال طبعآ راعي السياره المتسبب هرب وقتها كان واحد من اخوياي طالع من الكليه ماشي وراي وانا مدري عنه المهم الرجال لحق الافيو واخذ رقم اللوحه ووقفه على جنب الرجال قال بيودي مريض مدري وش وبيرجع المهم بعد حوسه وربشه مع المرور والامن الصناعي رحنا لقسم المرور بالصناعات المسانده تعرفون وش قالولي قالوا انت تتحمل تصليح سيارتك والله ثم والله وقتها بغيت اتفل عالعسكري وانتوا بالكرامه مشكلتي ما اقدر امسك نفسي المهم تعالت اصواتنا ويبغى يقنعني لكن انا ما اقتنعت وش يقول يقول اذا ما كان فيه تلامس ماله حق يصلح سيارته مع ان احنا الاثنين مأمنين ضد الغير المهم الرجال ما يبغى يصلح سيارتي وبعد ما فكرت فيها قلت والله مالي حق الا عند رب العالمين طبعآ عطيتها ذيك الدعوه اللي ان شاء الله انها ما تخيبه واللي يقهر ان العسكري يقلي صلح السياره على حسابك قلتله يالحبيب تراني طالب بالكليه الصناعيه وانا مظلوم وش هالنظام الزفت حقكم قال ايش قال لازم تلامس شكله وده اني صقعت الافيو ذيك عشان انقلب ولا ادخل بسياره ثانيه عشان يصلح سيارتي ابن اللذين وشكلي خلاص قفلت معي ووصلت لدرجة اني افكر ابيع الاكورد واشتري سيكل عشان ما يكون للمرور شغل علي...
طبعآ بعطيكم الاضرار
جنطين انتقلت الى رحمة الله وقت الارتطام بالرصيف
العكوس والمقصات راحت فيها وما ادري كم سعرها
طبعآ ما شيكت على السياره من اسفل لأن الوقت متأخر ولكن مالي الا ربي اشتكي له حتى النظام عندنا صار ملعنة ابو خامس
معوض خير وانا اخوك وفي الحديد ولا في العبيد
ومدام انت سلمت ما جاك مكروه كل شي يتعوض
اما اسعار المقصات والاذرعه والله علمي علمك لكن الشباب ما بيقصرون ان شاء الله
والحمد لله على السلامه
لا حول ولا قوة الا بالله
الحمد لله على سلامتك والله يعوضك بخير.. والله يبعد عنا شر الحوادث.
بالنسبة لموقفك هذا انا تكرر معي كثير لكن الحمد لله سلمت منها.. الغريب في بعض البشر انه يحسب ان الشارع ملك لأبوه فتلقاها ياخذ راحته بقطع الاشارات ولا بسقط عليك ولا كأنه سوا شي. و اذا كلمته يرد عليك كأنك انت الغلطان
الله يحفظنا من هالاشكال.. بالنسبة لكلام العسكري فهو تقريبا صحيح وما بيده يسوي شي لأن هذا هو النظام الا اذا كان عندك شهود اتوقع بيختلف الوضع..
اخوي الحمد الله على السلامه ومعوض خير
وبنسبه للحادث ليسا شرط التلامس المتسبب بالحادث يتحمل الخطاء
على كذا حد اي واحد واقلبه وقل مالمسته
لو انك خشيت عليه
المفروض صاحب الافيو بما انو عارف غلطتو يتحمل قيمة الاصلاح يعني تنحل بشكل ودي بينك وبينه ,,
وياسيدي بسيطه ان شاء الله وماراح يكون في شي مستاهل
والحمدلله ع السلامه اولا واخيرا ,,
وعوضك على ربك ,,
اول شي واهم شي الحمدالله على سلامتكـ يا الغالي
وفي الحديد ولافيكـ
للاسف قد صار لي موقف تقريبا نفس ماصار معاكـ وجاني نفس الرد من المرور ان مالكـ شي من الطرف الثاني لن ماحصل بينكم تلامس او احتكاكـ !!!
لاحول ولاقوة الابالله
معوض خير
ياخوي انت قلتها سلمت رحمه من ربي
وان شاء الله انها تخفيف ذنوب
والله يعوض عليك ويوفقك بدراسته في كليتي السابقه ..
الحمد لله عالسلامة
ومعوض خير
حمدالله على سلامتك
و ان شاءالله معوض خير
!!! اكــــــــورد عندما تعشق التـــــــميز !!!
تصدق من قريت القصة وحسيت بقهر ماادري ليش تصير كثير هذة لاكن الله يعين اتمنى من الله العلي القدير ان ينصفك والله يعوضك
الحمد لله على سلامتك يالغلا وفي الحديد ولا فيك وانشاء الله تكون الامور متسهله معاك
على فكره الحادث اللي امس بين كابرس 84 الظاهر وشفر اوبترا انا بالصدفه كنت رايح على ذاك الطريق وشفت بالشارع الثاني مقابل الحادث خطوط كفرات ليكون سيارتك ؟
عموماً الله يعوضك وكني كثرت كلام :o
وسلامتك من الشر
أخوي Accord F15
الله يعوضك خير يارب
شوف يا غالي ماعليك من العسكري دام الرجال غلطان ماعليك فيه
إنت أطلع عند مدير المرور المقدم/ عبدالعزيز الغامدي ( أبو أحمد ) وأشرح له الموضوع كااااامل
وإعترض على نسبة الحادث وهو بيطلع يخطط الحادث من جديد ولا عليك فيهم
والله المقدم يحوس أبوهم ولا عليك في شنباتهم
إنت لا تعتمد أي كلام نهاائيا إلا بعد ما يعطيك أبو أحمد الحل الفاصل
بس إنت قول له الموضوع بهداوه وعقلانيه لا تعصب ويطردك وقتها :d
قول له أنا عند الله ثم عندك يا أبو أحمد إنك تحكمها بالعدل أنا صار معاي كيت وكيت وكيت .... إلخ
وهو بإذن الله بيشوف تقرير الحادث ويمكن يطلع لموقع الحادث ويخططه بنفسه هو
والله يكتب لك مافيه الخير
إحترامي
الحمدلله على سلامتك
ومعوض خير
الحمدلله على سلامتك وهذا اهم شي
وان شاء الله رجل المرور وراعي الافيو يلاقوها في اللي يعزوه يارب
الله يعينك مالك الا ان تدعي عليهم
لا حول ولا قوة الا بالله
الحمدلله على السلامة
في الحديدولا فيك
ومالك غير الدعاء وربك يمهل ولا يهمل وهو على كل شيء قدير
وقول حسبي الله ونعم الوكيل فيهم
دعوة المظلوم ليس بينها وبين الله حجاب
وان شاء الله ربي ما بيردك خايب وبيشوف يوم أسود يتذكر فيه خطاه عليك
وانت الله يعوضك خير وطالما صحتك طيبة الحمد لله احمد الله على كل حال
والسيارة ان شاء الله بسيطة وبترجع زي ما كانت ان شاء الله وما تشيل هم
الحمدلله على السلامة
ولاتضيق صدرك
واحمد ربك انها جت على كذا
احمد الله عز وجل ان نجاك من الحادث كثيره هى الحوادث ونااخوك لاكن مايقول الواحد غير الحمد لله على كل حال مثل ماقالولك الشباب , روح عند المدير واشرحله موضوعك مافادك ادعى عليهم فان دعوت المضلوم ليس بينها وبين الله حجاااااااااب
والله يعينك على اصلاح موترك والله يعوظك خير انشالله
اما من ناحيت تلامس ماتلامس اشدعوه حسسنى العسكرى انه عالم فيزيائي مالت عليه اللوح زين ماقالك ماحصل جماع هههههههههه اعذرونى ياشباب بس فيه عساكر مدرى وش يحسون فيه اذا تكلمو بالغه العربيه
الحمدلله على سلامتك
ياعزيزي
انا اخوي حصل معاه تقريبا مثل الي حصلك
كان ماشي بالمسار الوسط وفجأه حصل مخرج للخدمات وعلى كلام اخوي انو طالع بالمرايه الجانبيه وماشاف سيارة ويكسر الا بمسار الايمن سيارة واخونا في الله ارتبش راعي السيارة ودخل بعامود
اخويا ابدا مالمس السيارة ولا حكها ولا شي اول ماسمع صوت سحبت فرامل كسر للجهه الاخرى
المهم الطرف التاني دخل بعمود اخوي كان في امكانه يمشي بس وقف وتطمن على الرجال الحمدلله انه بخير
وجاء المرور
قصوا عليه القصه وسوا الكروكي وراحوا للقسم
حط العسكري الخطأ على اخوي 100%
اخوي قال للعسكري ياهوو انا ماصدمتوا ولا حكيتوا ولا شي وتعال شوف سيارتي مافيها شي
قال العسكري انتا المتسبب في الحادث وادفع
والله دفع المبلغ كااامل من جيبوا
هذا الكلام قبل التأمين
فانتا ياعزيزي
مثل ماتفضل فتى زهران اطلع لمدير المرور وفهموا الموضوع برواقه
وان شاء الله يتفهم موقفك
الله يعينك يارب
الله يعوض عليك
ودفعة بلاء ان شاء الله
ذكرتني بحادث واحد من زملائي قبل سنة تقريبا
طبعا أيام كنت أداوم 180 كم رايح و 180 جاي وكنت أطلع الفجر للدوام وكان يطلع معنا مجموعة من الشباب ونتوزع بسيارات وكل يوم بسيارة واحد
المهم انا كنا طالعين من تبوك باتجاه المدرسة 180 كم طبعا الشاحنات بكثرة في ذاك الوقت بسبب مشروع طريق تبوك - ضبا جزء منه مزدوج
كان فيه راعي شاحنه مطفي الاسطبات الخلفية ( محروقة ) وكان التوقيت 6 صباحا ( بين شق النور والظلام ) طبعا يا الله تشوف وكنا ما شيين بسرعة 150 كم / س بس الحمد لله انتبهنا له وهدينا وبلغنا امن الطرق بالواقعة
وحنا نبلغ ورانا زميلنا معاه كامري 2009 جديده وقتها ما شافه وكان ماشي 160 كم / س الا في اللحظة الاخيرة ولف عنه يسار بقوة عشان ما يدخل تحته وتفاجأ بسيارة في المسار المقابل قريبة جدا ما يمدي يتجاوز ( طبعا سيد واحد ) ولف يمين بقوة شوي بعد ما تجاوز الشاحنة بس الكفرات الخلفية زحفت ومرت الكامري من أمام الشاحنه ( الحمد لله ما توطاه )وانقلبت 3 قلبات أمامنا واحنا نناظر خوينا .
طبعا وقفنا ونزلت ومعي اثنين ونزلنا الرجال وكان لحاله وكان فيه رضوض شبه قوية والباقي راح يلحق راعي الشاحنة وجابوه وجت أمن الطرق واخذوا رخصة العامل وطلعت ( خصوصي ) وراحوا قسم الحوادث وكانت النتيجة
25% على صاحب الشاحنة ( لعدم تشغيل الانوار الخلفية )
75 % على صاحبنا ( سرعة وعدم انتباه )
وطبعا السبب لعدم وجود تلامس بين السيارتين
طبعا خوينا قال للعسكري كملها علي 100 % لأن السيارة ايجار منتهي بالتمليك من تويوتا
وصلحوها تويوتا ب 28000 ريال على التأمين
وكان الله في عونك من نظام المرور العشوائي والارتجالي
ماتشوف شر يالغالي والله يعوض عليك ان شاء الله
الحمدلله على سلامتك اخوي
ماتشوف شر
.....
الله يعوضك ان شاء الله احسن منها
.....
وانتبه لدراستك في كليتنا الحبيبه ( ذكريااات ) الله يرحم ايام الكليه بس
عوافي عوافي يا ACCORD F15
اقسم بالله ماتطلع من غثى المرور الا وتطيح في غثى شركات التأمين ماشاء الله الامور عندنا سهالات:p.
الله يعينك وييسر امورك ويسخر لك كل من تقابله من المرور وغيرهم.
الحمدلله على السلامه
والله يوفقك وييسر امورك ولا تتنازل عن حقك ارجع للمرور زي ماقالك اخوي فتى زهران .
والله يجعلها اخر المصايب
مواقع النشر (المفضلة)