الموضوع: من الشرقيه الى الغربيه الى الجنوبيه ( صور )

السلام عليكم ورحمة الله و بركاته

في الحقيقه بعد انقطاعي منكم لفتره ما حبيت ارجع ويدي فاضيه...

الوكاااد . حبيت اسوي موضوع ابين فيه انطباعي عن سيارتي اكورد V6 و ايجابيتها وسلبياتها و بعض الصور لرحلتي لبعض مناطق المملكه .
عاد التصوير مو ذاك الزود ..
.....
...
..
.
طبعا هذي اول اكورد اشتريتها 2007

وهذي اول صوره لاكوردتي وهي بكراج الوكاله

في طريقي من الرياض الى الطائف

التزود بالوقود >>> تروون ما يلمح على الخلفيه وش رايكم فيها :d

وطول الخط مثبت على

الين طلعت هالحديد على الطريق ؟؟؟
طبعا ً .. الاضرار ارتخاء سلك الجلنط ( الهاند بريك )

وطبعا وصلت الى الطائف وريحت وكانت الاجواء ضبابيه نوعا ما
بس انا عندي اعتراض (اغلب الشقق المفروشه اللي على طرق السفر للعوئل فقط يعني العزاب مو بشر مثلا )

هذي بعض الصور من الطائف...

الفراشه ((سبحان الله ))

ثم توجهت وللمره الاولى الى جده...

وهذي صورتين من عقبة الهدا ..

وطبعا اثناء وصولي الى الجده لفت انتباهي فعرفت ان جده غير

وطبعا اخوكم في الله ما يعرف غير النافوره ( يشوفها بالتلفزون )

ثم بعدها توجهت الى الباحه - سبت شمران - النماص - ابها - نجران .

وهذي بنوراميه عند متحف الشيخ بن مصبح بمحافظة بلجرشي

و هذا الحنيذ

وهذي الصوره من السوده

وهذي الثانويه اللي تخرجت منها بنجران... الله يسقي هاك الايام

كبسة الواااالده الله يطول بعمرها ويعطيها الصحه :d

وطبعا هذي الصور في طريق عودتي السليل - وادي الدواسر - الرياض

وهذي بمحافظة ليلى

ثم خلصت الاجازه و رجعنا الى العمل

انطباعي عن السياره:-

--- الايجابيات---

- الرساوه وقوة التشبث بالارض في المنعطفات الحاده والخطره.
- صرفية البنزين في الخطوط الطويله بصراحه ما كنت اتوقع انها كذا (( ممتازه ))
- الاستجابه وقدرة التحكم في السرعات العاليه في حال حدوث المفاجأت على الطريق.
- التسارع ممتاز خصوصا عند التجاوز في المرتفعات.
- الفرامل ممتازه نوعا ما.

--- السلبيات ---

- صوت الهواء .
- بصراحه نظام التعليق قاسي نوعا ما و مقاعد الجلد كملت الناقص.
- الاناره بالرغم من انها زنيون ولكن تحس ان مداها قريب.

طبعا ولله الحمد السياره مطلعها في شهر رمضان وماشيه الى وقت كتابة الموضوع تفريبا 15800 كم ولله الحمد لا مشاكل في الفحمات ولا اصوات بالرغم من سوء الاستخدام خصوصا في العقبات اللي واجهتني بخط الجنوب
هذا من وجهت نظري واسأل الله ان يوفق الجميـــــــع ..................
-