رجه .. آلترصيص ينفع ؟

[slooh2004]

آلسسلام عليكم ورحمة الله وبركاته ..

ششخبآركم عسسآكم بخير ..

انا بصصرآحه اول ماكانت عندي رجه بالسسيآره .. بس مآدري هو آكلت مطب فكك الكفرات مع اني ماذكر اني اكلت مطب ومحافظ وسواقتي هاديه ..

ولا السرعه احيانا لها تآثير مع اني برضوو مآآسرع كثير آعلى شي 140 ومره بالشهر ..

لكن الشششكوى لله ..

بسس يمكن من هالمششكله

قبل تقريبآ شهرين بنششر علي كفر وحطيت السبير يومين وغيرته بكفر جديد ..

ومن بعد ماغيرته بصصراحه خفت الرجه توقعت لو اغير الكفرات ماتكون فيه رجه لكن ماامداني مغير الكفرات

نصصحوني بالترصيص بسس آبي نصيحتكم ..

الترصيص يبعد الاصوات لانها مزعجه والله كآني رآكب ددسن موديل 80 :(


ووش آفضضل انواع التررصيص وكم سسعره 4 كفرآت ..

ومششكورين مقدما ..

[King]

والله يالغالي شوف فيه محل ممتاز جدا ً, انصحك وانصح الشباب كلهم بالترصيص عنده وهو مركز معروف اسمه الطيار لوحته صفراء, بالرياض له يمكن 3 فروع.
(ماادري إذا فيه فروع خارج الرياض)

طبعا ً عنده انواع ترصيص فيه نوع اظاهر اسمه ترصيص ليزر بحيث قطعة رص الكفر تكون بداخل الجنط وابد ماتطيح ولا شيء وعليه ضمان اعتقد 4 شهور او حاجه زي كذا وسعر الترصيص للكفر الواحد بـ 30-35 ريال. (بس اتأكد من ورقة الضمان وارد لك خبر)

عاد انت رصص وشوف الوضع إذا كان مو مضبوط فإن المشكلة اكيد بالجنط ياانه معوج او جته ضربه خفيفه او من الكفر (حتى لو جديد!!)

[المباشر]

تبهذلت من الرجة وسويت ترصيص وخسرت مانفع

وقبل اسبوع نويت اروح قطر المهم 99% في راسي بركب تواير وافتك من الرجة

طبعآ رحت لبنشري يماني وقلت له رصص التواير

واحلى ترصيص وافتكيت من الرجة بشكل كبير ويختلف عن قبل ومازال فيها شوي رجة بس بسبب مشكلة في الكفرات وبصراحة رصص التواير مضبوط حتى اني الغيت فكرة التواير الجديدة وحتى الجهاز اللي عندهم الجديد اللي ياخذ مقاسات الجنط وغيره

[slooh2004]

الله يعطيكم العافيه

اخوي كنج بخصصوص المحل وين آقرب فررع له من مخرج 10 آو من جهة خآلد بن وليد آو وين آماكنها بششكل عام ..

ومششكورين وششكله الترصيص فعال نقول خير وان شاء الله فيه نتايج

[King]

فيه فرع بعد ماتخلي الملك عبدالله وراك وانت متجه لماكدونالدز على شارع خالد بن الوليد تحصله على يدك اليمين لوحته صفراء.

وفيه فرع بمخرج 14 (الربوة), من عند محلات الإطارات والبطاريات مقابل سوق الربوة (العثيم).