نصيحة .. ينسى الصدام ولا يدقق في هالقشرات والخدشات
لأنها ماتنتهي من الصدمات الخلفية ولا الأمامية
السلام عليكم ورحمة الله...
أحد الشباب من مالكي هوندا أكورد (ليس بعضو في المنتدى) وصاني أبلغكم السلام واستشيركم بشغلة...
الولد رجع عليه واحد وصدمه ، والحمد لله جت الصدمة في قاعدة اللوحة ولا تأثرت السيارة نهائيًا ما عدا شغلة...
صار عنده (قشر) بسيط جدًا ، يمكن ما أحد ينتبه له في الصدام ، بمنطقة الخط اللي يفصل بين الصدام الأمامي والنور الأمامي .
يقول أنا تركته وما اهتميت لأنه ما يبين أساسًا...
الكلام صار له اسبوعين...
يقول إنه لاحظ اليوم إن (القشر) بدا يزيد شوي ، وخايف إنه يتطور...
استشار بعض الشباب ، وبعضهم قاله اصبغ الصدام...
وهو غير مقتنع ، خصوصًا إن القشر (بسيط جدًا) والسيارة جديدة 2007 ...
اللي يبغى يعرفه...
1- ش الحل المقترح ؟
2- هل يوجد أقلام (صبغ) في الوكالة ؟
3- ش أفضل ورشة صبغ في الخبر والدمام ، وكم ممكن تكلف الشغلة ؟
الرجاء يا شباب تردون علي لأنه يبي يودي سيارته نهاية الأسبوع...
مع خالص شكري..
نصيحة .. ينسى الصدام ولا يدقق في هالقشرات والخدشات
لأنها ماتنتهي من الصدمات الخلفية ولا الأمامية
مشكور أخوي على نصيحتك...
ولكن ما أظنها مقنعة...
يا ليت نقرأ آراء البقية...
والله انا اكلت خدشات لين ماقلت بس .. الله يهدي طلاب جامعتنا
وحتى يوم صلحتها خربوها بعد
المهم ..
حسب حد علمي .. يتم صبغ الصدام بالكامل ويعدل الخدش بالمعجون وغيره
ويجيك زي اول .. اما الاقلام .. يمكن تنفع ويروح اللون لكن يبقى المكان خشن
التكلفه تجى حوالي ال300 ريال .. والله اعلم
واخيرا اضم صوتي الى الاخ just 4 u
أنا مع الأخ just 4 u ..
وأنا مثل خويك تماماً .. سيارتي لونها أسود وأنا من النوع اللي مايطيق شي اسمه شمخ .. ولكن صرت أنسى الخدوش وماعاد افتكر فيها .. راحة بال ..
ولكن في طريقة يقولون انها تنفع للخدوش البسيطة لكني مو مجربها .. اللي هي التلميـع .. يمكن تضبط معاه ..
ويعطيك العافية ..
السلام عليكم...
يعطيكم العافية إخواني (محمد ، أكورد 2006)...
لكن أحس الفكرة ما وصلتكم مضبوط...
اللي في السيارة ما هو (خدش) ولا يبغى له معجون...
اللي فيها (قشر) بسيط جدًا...
يعني جزء صغير من الصبغة قايمة...
المشكلة ما هي هنا...
المشكلة إن القشر مع الغسيل والإحتكاك بدأ يزيد ويمتد...
والرجال يبي له حل...
هلا اخوي سلمني على خويك لاتنسى ...
انا طال عمرك معي اكورد 2007 وحصلي نفسه بالضبط عند النور اليسار رحت للوكالة وعلى طول دخلتها الصيانة بدون ورقة ودخلت على السوداني حق السمكرة وشبكته شوي وخلا فلبيني يطلع معي بقلم ولقط كل المشوخ ولاهي واضحه ابد بس لا يسوي مودب ويستاذن يدخل على طوووول
برب
مواقع النشر (المفضلة)