انا آسف مارديت عليك بدري ولكن كنت مشغول جدا ولا دخلت على النت...
انت عارف حصل لي مثل اللي حصل لك وجيت الوكالة وقالو لي مثل ماقالو لك بأنها تكلفك 20000ريال عشان الصوت فقط أما السيارة تشتغل ولا فيها أي مشكلة بس مشكلة الصوت أخذت السيارة من الوكالة ورحت الطائف والسيارة ماشاء الله على عزمها مافيها الا الصوت لفيت كم ورشة وقالو لي البلف ورحت لورشة ممتازة جدا فيها ميكانيكي متخصص بمكائن الاكورد وقال لي احتمالين
1) بلف وهذا مايحتاج قطع غيار
2) صاجة أو ذراع ويحتاج قطعة واحدة غيار
وبدأ وفك راس الماكينة ولا استغرق ساعة ووزن البلوف ورجع يركب راس الماكينة وشغل السيارة واشتغلت ولكن الصوت موجود ولكن خف شوي. وقال لي نشوف الاحتمال الثاني بس شغل يد يكلفك 1000 ريال وقال لي لان الصاجة والذراع أسفل الماكينة وشربت الموية وعشان كذا تطلع صوت أما الماكينة فقال لي حرفيا جديدة ماشاء الله وطلب القطعة فقلت له انا مشغول هاليومين قال مافي مشكلة بس لا تروح خط بسيارتك عشان ماتسبب مشاكل ثانية وبعد يومين جبت القطعة وجلست السيارة عنده 3أيام واستلمتها ولله الحمد من غير صوت وبحالة جيدة وقال لي لو تروح لندن ماعندك مشكلة.
أخوي نورس مو كل مايقال بالوكالة صحيح . يوجد ميكانيكين في بعض الورش أفضل من الموجدين بالوكالة.
ونصيحة لك غير زيت السيارة وشوف هل للموية أثر ..طبعا غيره ببنشر مو بالوكالة وشف الحرارة هل هي مرتفعه أو لا؟ طبعا اذا الحرارة مرتفعة فمن حقك تخاف واذا لا فاحمدالله سيارتك مافيها شي.
وبعدين لو طلب هذا الميكانيكي 2000ريال شغل يد سوف اعطيه ولكن الوكالة يبي لها صفر زيادة.
واكرر اسفي لك يالغالي