ممكن استفسار يا اهل الاكورد ؟

[افالووني]

السلام عليكم ..

كيف حالكم ان شاء الله طيبين ..

الله لا يهينكم .. ولد عمي بيشري اكورد اقساااط ..


وحبيت استفسر كم القسط وكم المقدم وعلى كم شهر ..

ارجوا الرد وشكراا


لكم ..

[هاااوي الاكورد]

انا مطلع اكورد 2010 عن طريق البنك الاهلي
سعر السياره 96
اجمالي المبلغ 146
دفعه اولآ 10
القصد الشهري 1946
دفعه اخيره 26


والله يسهلى اموره

[افالووني]

طيب ما فيه اقساط اقل من كذا ؟
يعني بحوالي 1600 ?

[ن ع ر السعودية 0005]

وعليكم السلام

يا هلا فيك أخوي

طيب ولد عمك يعني منتظر رد منا أنا أقول دام الرجال ناوي على الموتر ومستخير يحرك روحه ويمر الوكالة ويشوف ويسأل عن كل شيء من الــ أ إلى الــ ي ويمر أوتو ستار أو البنوك ويشوف إلي يناسبة لأن كل واحد هنا يختلف عن الثاني من حيث الشركات والبنوك والدفعة الأولى والأقساط وشغلات كثيرة . وحياك أخوي وإي إستفسار الشباب ما يقصرون

[خيال العليا]

أخوي

الوكالة عندهم تقسيط طبعاً أنا كلمتهم على السبيشل سعرها 91000 قالوا أعطيهم دفعة 8450 وأقساط 1882 لمدة خمس سنوات ويكون الإجمالي علي 120000 وعندهم خصم 8300 في حالة الإنتظام بالسداد

لكن لو تبي نصيحتي خله ياخذ من بنك البلاد ماراح يزيدون عليه من سعر السيارة إلا 15000 ألف تقريبا

طبعا في كلتا الحالتين يعتمد على راتبه وراح تكون السيارة مسجلة باسمه

ونصيحه من أخوك لاتخلي ولد عمك ياخذ من الآجار المنتهي بالتمليك

لأنه راح تجلس السيارة باسم الشركة ومالك حق فيها باي شي حتى التفويض كأنك تشحدهم شحده هذا بالاضافة إلى الدفعة الأخيرة اللي يسمونها دفعة تملك وهي ماتقل عن 25000

[مجنون اكورد 2007]

لو يطلع قرض من البنك وياخذ السيارة كاش اوفر له
اخوي رايح بيطلع سوناتا 2011 قيمتها كاش 82000 اقساط 123000 راح البنك طلع قرض 85000 حسبها علية البنك 101000 وفر 22000

[افالووني]

الاخوان اللي ردو علي ..

شكرا لكم من اعمااق القلب ..

[D.H.o.O.o.M]

تقسيط او تاجير منتهي بالتمليك

بكل الحالتين تفرق الحسبه من شخص لشخص من ناحية الراتب والا التزامات والدفعه

الفرق ان التقسيط تكون السيارة باسمكـ (لكـ حق تبيعها )

التاجير المنتهي بالتمليك تكون السيارة ملك البنك اوالشركة الممولة

معلومة مهمة !! اذا كانت الدفعة الاخيره الزامية حرااام !!

الله يكتب الي فيه الخير للجميع