ما نضمنها لك
السلام عليكم
عندي تهريب زيت دركسون والسيارة لا ضمان او اي شئ
قالوا لي يبغالها اصلاح بس ما نضمنها لك اي بمعنى ما نضمن انه يزبط الاصلاح ممكن يرجع التهريب مره ثانية
اذا الوكالة ما تضمن من اللي يضمن والله حالة
السؤال
هل اصلحه او اطنش
وهل من الشباب جرب اصلاح الوكالة وهل رجع التهريب ثاني ؟
شوف اخوى المشكله هاذى كثرانه بالاكورد بصفه عامه وبالاخص الاكورد الجديده للاسف الشديد وهو عيب مصنى الوكاله مو راضيه تعرتعف فيه ولاكن , نصيحه صلحها على حسابك ومابتكلفه كثير 120 قيكه قطع غيار الاصلاح + 47 تقل او تزيد بشوى قيمه زيت الاصلى ولاتشترى قطع غيار الى من الوكاله نصيحه
وسويها عند اقرب ورشه تعرفها او دورلك ورش ممتازه للباور وانشالله تتظبط شغل اليد من 100 الى 150
وافتك من الوكاله ومنتها
شكرا
سويها بره
بلا وكالة بلا هم
وعليكم السلام
الله يعينك
بالنسبة للوكالة .. احمد ربك ان الوكالة عندكم يصلحون .. انا بالقصيم رفضوا تصليحها ولا يعرفون ( فقط تغيير)
قال ايش رح لوكالة الرياض
حتى ورشة القافلة كانوا يقولون ضمان فقط شهر بالكثير وبعدين مالنا دخل فيك ( احتمال تخرب )
و آخر مرة رحت للورشة قالولي ما نصلحها :p
آخر شيء وبعد معاناة طويلة وتهريب شديد وبعد ما صار الدركسون ثقيل وفيه فضاوه وبعد ما انعدمت الطرمبة
عطيت أخوي سيارتي وخليته يدخلها بورشة ( لأنه أكثر خبرة مني ) وجلست شهر كامل انتظر .. ويمكن أكثر .. لأنه قال لراعي الورشة يدور لي دودة وطرمبة دركسون من التشليح نظيفة جدا وما حصّل دودة وطرمبة نظيفة إلا بعد شهر من البحث المستمر ( أغلبها فيها مشاكل " بعد ما يفحصها " ) ..
وطبعاً له عمولة مقابل بحثه و تعبه وخبرته ..
كلفني كل الشغل تقريبا 2500 ريال
طبعا صلّح التهريب ,, لأنك اذا اهملته
بتخرب الدودة والطرمبة .. وبتكلفك كثير
الدودة = جديدة قيمتها أكثر من 4 الآف ريال
الطرمبة = جديدة 2500 ريال تقريباً ( اذا ماني غلطان )
أهم شيء بعد التصليح ( لا تعبي زيت أحمر " زيت قير أوتوماتيك " ) لأنه من أهم أسباب الخراب
الزيت الخاص بالدركسون تحصله بالوكاله
وحاول ما تكسر الدركسون للأخير
وان شاء الله تنحل مشكلتك بأقل تكلفة ممكنة
تحياتي انا سويت اصلاح للدوده ماكلفت شي 450 ريال تقريبا لانها كانت تهرب قبل فصلحتها خوفا من الدفع المضاعف:d لان قطع الغيار تقول سياره مرسيدس ماهي اكورد.. لاكن سؤال للاخوه اللي جربوا بعد الاصلاح هل يظبط الدركسون ام يطلع فيه صوت كإحتكاك فيه وانت تلف ...اخوي الغالي اللي من القصيم ياليت تفيدنا بورش كويسه لصيانه اكورد بالقصيم بدل وكالة النصب والاحتيال ولكم كل الشكر
اخوي انا نفس المشكلة سويت اصلاح مو للطرنبة للدودة وكلفني 700 ريال مع كبس اللي حق العلبة
ولانفع وفي الاخير شريت دودة ب4000 ريال والحمدلله صارت السيارة ممتازة حتى الاصوات الخفيفة راحت فيها
اشكر كل الاخوة الاعضاء الذين ردوا
بس انا محتار اطنش او اصلحها
بس الدودة ب 4000 والله لو ابيع السيارة بالتشليح ما دفعتها لهم
ضوابط المشاركة
رد مع اقتباس
مواقع النشر (المفضلة)