المشكلة الثانية هذا صوت السفتي حق الفحمات الخلفية
شيك عليها
السلام عليكم
كيفكون شباب
بدون مقدمات .. نخوش دغوري بالموضوع
عندي كم مشكلة بالسيارة وحاب تفيدوني للي واجهتهم المشاكل هذي
المشكلة الاولى
عندي صوت وانا ماشي بالسيارة ويزيد الصوت ويوضح اذا خذيت دوار او لفيت
وخاصة مع اللفات اليمين
( خوخوخوخو ) < زي كذا
قالي راعي الورشة كفراتك يبيلها تغيير فيها ميلان ..
ركبت كفرات واحد من الشباب اجرب برضو ماراح الصوت
المشكلة الثانية
صوت تصفير وانا ماشي بدون ضرب فرامل
بالعكس اذا ضربت فرامل يروح الصوت
( سس سس سس ) < زي كذا
جنني الصوت كل ما اروح الورشة يختفي الصوت
المشكلة الثالثه
بالدركسون اذا كسرت يسار يطلع معي صوت
( تززززززز ) ويروح
ارجو الافادة
شكرا
المشكلة الثانية هذا صوت السفتي حق الفحمات الخلفية
شيك عليها
^^^^^
بس الصوت امامي يمين !
اهااااا
كذا الموضوع اختلف
بس مايمنع تشيك على الفحمات كلها امامي وخلفي
لأنها صارت لي من قبل اسمع الصوت قدام وطلع بعدين من السفتي الخلفي
شيكت ع الفحمات طلعت الامامية منتهيه
غيرتها ع اساس ان الصوت بيروح .. بس ماراح ..
بس ماقلت لي السفتي هذا بتاع وش؟
وكم سعره مع شغل اليد ؟
المشكلة الاولى
افحص الرمانات الامامية والخلفية
رح لميزان اليرموك او المجد وقله يفحص لك الرمانات
الرمانات الامامية بـ500 للاثنين
الخلفية 500 للوحدة:d
العاكس(الكوبلينج) قد تكون المشكله منه و لكن الكوبلين او العاكس اما يخرب بيطلع صوت طاق طاق مع الدوران يعين او شمال
المشكله الاخيره جدا طبيعيه اهم شي ما يكون الدركسون ثقيل او فيه تهريب من علبة الدركسون
وسلآمتك
يعافيك ربي
كان ودي اخدمك وتنحل مشكلتك لأكن ماباليد حيلة:(
الله يعينك وتضبظ امورك
المشكلة الثالثة اكيد ان زيت الدركسون ناقص اقرب بنشري خله يشيك عليه
أكيد :d
الامامية غيرتها ثلاث مرات :d
الخلفية غيرتها مرة وحدة
حسيت اني مطنوخ صح;)
الامامية شغل اليد بــ 350 لأن يبيلها مخرطة أنا غيرتها عند العضيب الي بالصناعية القديمة (ودّها عند ورشة كويسة)
الخلفية بـ 100 أو اقل <<< المهم اذا جيت تغيرها غير الفحمات الخلفية عشان يكون تغيير الفحمات ببلاش
^^^^
طيب الرمانات منها مشكلة كبيره اذا اسرعت او تأخرت ماغيرتها ؟
أنا ماجربت صراحة بس على كلام الميكانيكي ان الفحمات تخلص بسرعة
بس اخوي جرب بموتره (كيا) سحب على الرمان الخلفي 3-4 شهور تقريبا
وفي يوم من الايام واخوي ماشي في حاله علق الكفر وعطته وجهيه :d بس الحمدلله ماكان في احد وراه
مواقع النشر (المفضلة)