تنظيف الثروتل بدي يابلال العلمي...

**%ابو احمـد%** · 09-01-2011, 09:12 PM

السلام عليكم محبي هوندا

الموضوع حاب انظف الثروتل بدي وبحكم اني في منطقة تقل فيها الورش الممتازة تعرفت على فلبيني مكانيكي في تويوتا قال بينظف الثروتل بدي بدون مايفك الحساس وانا خايف من تعليق rpm لان قبل كذا نظفته بنفسي في البيت وحست ام الدنيا وعلق عليه rpm لاني فكيت سلك الحساس والان خايف ابغى واحد فاهم يشرح لي طريقة التنظيف بدون فك الحساس بالصور مبسطة...

ياشباب لا احد يعطيني رابط الموضوع المثبت عن تنظيف الثروتل انا المرة الاوله اتبعتة ومافهمتة ولخبت الشغلة كلها ابغى شرح مبسط غير الموضوع المثبت خصوصاً من اخينا بلال العلمي وشاكر لكم مقدماً...

**accord7** · 09-01-2011, 10:07 PM

^^^
نفسسس مشكلتك ما عرفت انظفه

وان شاء الله يفيدونا الاعضاء . :(

**HONDA HAILL** · 10-01-2011, 04:26 PM

ننتظر الاخ بلال

**دندنه** · 10-01-2011, 05:06 PM

اخوي ودي اعرف (الثروتل بدي) لاني اسمع فيه بالمنتدى ولا اعرفه او له مصطلح ثاني

**nas5533** · 11-01-2011, 01:11 AM

والله انا نفس المشكله لاني السياره لما امشي واهدي احس ان القير ما يريح وتهدي السياره بنفسها وكاني ماسك فرامل, وإن شاء الله احد يفيدنا

**بلال العلمي** · 12-01-2011, 11:44 PM

تنظيف الثروتل بدي وهو في مكانه ما يعطي النتيجة كاملة صحيح يعطي تحسن بسيط لكن مو كل شي

لابد تفك الثروتل بدي من مكانه وتنظفه بالبنزين والاي سي ديلكو وتنفخ هواء والثلاجة لابد تنفخ فيها بنزين بضخ عالي جدا وتنفخ هواء

وبعد ما ترجع الثروتل بدي راح تلقى الار بي ام عالي لفترة بسيطة لكن لازم تمسك فيها خط وتسارع قوي

لاجل ما يمسك الاوساخ في البلوفات والصمامات وبكذا انت نظفت الثروتل بدي والثلاجة وبالتالي تخلخل للهواء طبيعي وجريان طبيعي وهواء نقي يدخل للمحرك

استبدل فلتر هواء المكينة كل 20000 كيلو وما تحتاج تنظف الثروتل بدي حتى ممشى 1000000 كيلو

بالنسبة لموديلات 2008 وفوق فيها الصمغ او المادة الشمعية بصراحة يعتبر رائع وايضا يجب استبداله كل 200000 كيلو

**green devil** · 13-01-2011, 01:51 PM

اخوي الي اعرفه .. اذا كان عندك مشكله فكه ونظفه بس اذا ماكان فيه اي مشكله وبس كذا ..
خليه ولا تفكه ..لان بيجيب لك المشاكل ..

**Mo3az** · 07-06-2011, 05:38 AM

المشاركة الأصلية كتبت بواسطة %ابو احمـد%

وانا خايف من تعليق rpm لان قبل كذا نظفته بنفسي في البيت وحست ام الدنيا وعلق عليه rpm لاني فكيت سلك الحساس والان خايف ابغى واحد فاهم يشرح لي طريقة التنظيف بدون فك الحساس بالصور مبسطةمقدماً...

انا وقعت بنفس مشكلتك !!
فكيتة ورشيتة بالبخاخ ونظف بس معلق والضغط مرتفع فوق الـ 1 !!
كيف حليت المشكلة!!؟

**بلال العلمي** · 07-06-2011, 08:48 AM

المشاركة الأصلية كتبت بواسطة mo3az

انا وقعت بنفس مشكلتك !!
فكيتة ورشيتة بالبخاخ ونظف بس معلق والضغط مرتفع فوق الـ 1 !!

كيف حليت المشكلة!!؟

علق على 3000 ار بي ام بعد تشغيل السيارة لمدة عشر دقايق واتركها وطفها وشغلها وبتضبط معك باذن الله

بس تأكد ان مافيه ليات طالعة وكذا وكل شي في مكانه وكل شي بيرجع مثل ما كان تماما