... حول لوحة سيارتك الى مرايا عاكسة لفلاش ساهر‎ ...

**مايكل بن محماس المالكي** · 11-01-2011, 07:59 PM

موضوع مخالف

**abAdy.777** · 11-01-2011, 08:08 PM

باجر باجر مسويها :d
اليوم صورني الله ياخده
:p

يعطيك الف عافيه

**H S N** · 11-01-2011, 08:08 PM

وعليكم السلام ورحمة الله وبركاته

والله شغل مزبوووط ماشاءالله بس مافيني حيل خخخخخ

يعطيك العافيه

**مايكل بن محماس المالكي** · 11-01-2011, 08:29 PM

H S N

ما فيك حيل يالحبيب لأن الظاهر ما جربت تسديد مخالفات ساهر بس شف الحبيب عبآدي وش قال .. يقول باجر باجر لأنه صوره اليوم هههههههههههههه

ياخوفي بكره ألقاك مرسلي رساله على الخاص تقول الشطرطون لازم نيكل والا عادي أي لون ههههههههههههههه :d

**EBrA** · 11-01-2011, 09:03 PM

ممممم والله مدري بعدين التصوير لو تصور اللوحه الحين تعكس معك
لكن نشوف الشباب وتجربتهم وان شاء الله تكون صحيحه

**AHN** · 11-01-2011, 09:17 PM

طيب لو صورني ساهر ., والشمس طاالعه .,
ما رااح تنفع .,!!

**samer104** · 11-01-2011, 09:21 PM

جربت لاصق على الخط الاسود في الوحة

ومع ذلك لقطتني الكاميرا

خسرانين 4 مليار على نظام ساهر

تتوقع بيمشي عليهم الورنيش

مافيه حل الا تفك اللوحة

وتتلطم

**باحطاب** · 11-01-2011, 09:27 PM

اول اشكرك على النصايح الجميل
ثاني يعني الدوله خسرة الملاين علشان ساهر
وعارفين حركات الشباب كلاه ولا ماكان ماشفتهم خسروا الملاين كله
يعني شلت اللوحه شلت السياره كامله بطلعوا المخالفه من تحت الارض:d
ترى بصورون السياره يعني شلت اللوحه بيطلعوا وجهك الحلو اذا ومسوي مخفي
بطلعوا رقم الهيكل حق سياره :p

( الله يعينكم من الخطاء املائي )

**amer09** · 11-01-2011, 09:58 PM

طيب كيف احد جربها
ودي اسويها بس اختبارات :(

**ashraf rashid** · 11-01-2011, 10:13 PM

لا يأس مع الحياة

ولا حياة مع اليأس

نحاول بهذه الطريقة وإن لم تصلح فلنجرب غيرها

لازم يجيء يوم ونكتشف طريقة لمحاربة ساااااارق

ومن يعرف طريقة لمحاربة سااااارق فلا يبخل علينا بها

وحسبنا الله ونعم الوكيل

**pentium700** · 11-01-2011, 10:16 PM

ولله مدري وش أقولك أنا لوحتي من القديمة ويصيدني ساهر

**H S N** · 11-01-2011, 10:28 PM

المشاركة الأصلية كتبت بواسطة مايكل بن محماس المالكي

h s n

ما فيك حيل يالحبيب لأن الظاهر ما جربت تسديد مخالفات ساهر بس شف الحبيب عبآدي وش قال .. يقول باجر باجر لأنه صوره اليوم هههههههههههههه

ياخوفي بكره ألقاك مرسلي رساله على الخاص تقول الشطرطون لازم نيكل والا عادي أي لون ههههههههههههههه :d

ههههههههههههههههههههههههههههههههههه
والله من جد الوقايه خير من العلاج

**دندنه** · 11-01-2011, 11:05 PM

تسلم يمينك يالغالي

بس اعتقد ما تطوف ع الامن لاسباب كثيره اولها لما اصدروا البطاقات الاحوال الجديده شافوا فيها خلل من الناحيه الامنيه والتلاعب ع طول بدلوها ع الرغم ما مضئ ع اصدارها وقت كثير

ومن ناحيه ساهر من جد هد حيلنا وتعبنااااااا واذا هو ساهر حنا مواصلين

**مايكل بن محماس المالكي** · 11-01-2011, 11:18 PM

والله يا أعزائي المشاهدين هي حركه ضبطت كآن بها ما ضبطت الشكوى لله لكن من ناحيتي فيه واحد من الشباب

مسويها على لوحته ويقول طالعه أوك وما تطلع واضحه اذا صورها بجواله

لكن عآد إذا كاميرات ساهر تصور بعد فالشكوى لله.

**Ëńġ․ℱάίśάℒ** · 11-01-2011, 11:44 PM

الي يقول الدوله خسرانه ملايين و تعرف حركات الشباب اقولهم مافي شي كامل وكل شي له ثغره عندك القنوات المشفره و مواقع الانترنت الخسائر بالميارات وماقدرو الا الان و ان شاء الله يجي اليوم الي يخسرون فيه ساهر و الطريقه بنجربها ان شاء الله

**الراجحي** · 11-01-2011, 11:49 PM

أنت ألحين أخوي مايكل روح جرب و أشطفلك ساااهر :d وردلنا عن تجربتك أذا كانت ناجحة أو فاشلة وأنا والله بدعيلك من كل قلبي أنها تنجح .

**Mr.Naif** · 12-01-2011, 12:35 AM

احلى حل

[ame="http://www.youtube.com/watch?v=nozh4n9vpbu"][/ame]

مقطع مخالف

افضل من انك تفك اللوحه

لأن اذا قابلك تفتيش راح تاكلها :$

.. بالظريقة هاذي ترجع لوحتك وتخفيها بثانيه ( بس مين الللي يسويها :(

**King** · 12-01-2011, 01:00 AM

للي يفك اللوحه اقوله اركد وروق!!.

لأن واحد من اهل الحي شاب متهور دائم اللوحه الأمامية فاكها (عسى الله ان يهديه), انا قلت اكيد عشان ساهر وبلاويه!!.

صدقوني والله يشهد على كلامي بعد صلاة الفجر بنص ساعة جت الشرطة يمكن 3 سيارات ومعاها سطحه (ونش!) وشالت السيارة وصاحب السيارة من البيت, كيف عرفوا وين ساكن كيف جاابوه هذه من اختصاصهم, ولو براسهم كان جابوك بالراحه لكن عندهم مشاكل اكبر من فك اللوح!!.

لذلك انتظم بالنظام وفك عمرك وريح راسك, وإلي يقولي تعودت اسرع اقوله تعود على الركاده مافيه شيء يجي بالغصب.

وفي كل من الحالتين راح تمشي على النظام, خذه من بدايته احسن من نهايته!.

**Mr.Goldy** · 12-01-2011, 01:15 AM

المشاركة الأصلية كتبت بواسطة AHN

طيب لو صورني ساهر ., والشمس طاالعه .,

ما رااح تنفع .,!!

بالنهار لاتسرع :d

**ب ر ق 4872** · 12-01-2011, 02:05 AM

يا حلوين ياللي معطين ساهر اكبر من حجمه ..

اذا شايل اللوحه يجيب وجهك واذا مدري ايش يجيب مدري ايش .....

ساهر مسوين له ضجه اعلاميه كبييييييره قبل اطلاقه عشان يخافون الشعب منه ولا يحاولون يعبثون ..

واحد يسولف علي يقول يعرف واحد شغال في ساهر يقول والله تجينا لوحه نرفضه والسبب سطوع اللوحه

يقول والله كثييير تجينا مثل كذا اكيد الناس يحطون شيء على اللوحه ..؟

وش معناها يا حلو انت وياه ..

انا والله مستعد ادفع 300 ريال على تجربه بسويها وبمشي في شارع 70 بمشي 90

واذا صور ولا نزلت هع هع راح نودع ساهر ..

**ملك قوقل** · 12-01-2011, 02:58 AM

أخي العزيز للاسف لانريد حلول للتحايل على النظام بل نريد الاتي :
*نريد توعيه للمواطن قبل البدء في النظام وذلك بوضع حمله دعائيه بمده لاتقل عن 3 اشهر لتثقيف المجتمع وليس كن فيكون مابين عشيه وضحاها يتفاجىء المجتمع بكوم من المخالفات والغرامات التي تكسر ضهر المواطن مع العلم بأن قيمة بعض المخالفات تشكل 20% من متوسط دخل الفرد السعودي حتى تكدر عيشنا وانقلبت ميزانيتنا راساًعلى عقب
*نريد لوحات ارشاديه لارشاد السائق بالسرعه المسموح بها كل 4 كيلوا على الاقل
*نريد المصداقيه التامه في رصد المخالفات ووضع اجهزه ساهر بعد اللوحات الارشاديه وليست قبلها
*نريد السبب الحقيقي من وضع النظام ألا وهو حماية ارواح المواطنين وليست سرقة جيوبهم
اخواني لو افترضنا أسواء الاحتمالات وتم اكتشاف تلك الحركه من قبل المرور فهل سألت نفسك ماهي العقوبات التي ستحصدها من ذلك
اولا حجز السائق لمده لاتقل عن 72 ساعه وحجز المركبه لمده 15 يوم فهل سألت نفسك عن الاضرار النفسيه والماديه التي ستحصدها بل ستضطر في اغلب الاحيان الى استئجار سياره بديله الخ
اخواني للأسف الشديد الحل الوحيد للوقايه من سارق حاليا هو إتباع الانظمه الحاليه والرضاء بالامر الواقع الى ان يمن الله علينا بحل من عنده
ولاننسى اخواني أن الحوادث في الطرق السريعه قد قلت بشكل ملحوظ وذلك للمحافظه على ارواحنا وارواح من نحبهم من سائق متهور قد يسلبها بجهله وإستهتاره
إذا ارواحنا أغلى من الدنيا وما فيها في ضل النواحي السلبيه التي نراها من ساهر